حدقة العين

البارت -- ٦ --

ربى

بعد ايام من الزواج

ب ٦ الصبح

اياد: انزل اسويلج شي حار
ربى: لا ...ظ لاتگوم
أياد: بلاعيمج منتهيه لو تقبلين بلابره تصيرين زينه ياجبانه
ربى: مااريد توجعني ماتحملها ....احضني واني اصير زينه
أياد: هههه من اذكرج الابره تگليلي احضني ومن انسى توخرين من حضني والله لوتيه
ربى: هههههههههه لا صدك اريد انام نعست هم تطلع
أياد: لا ابقى نايم
ربى: اليوم دوامي اول يوم ألي
أياد: ماكو دوام ميته على دوامج 😡
ربى: انت هم لا تروح لصديقك كل شويه
أياد: لو تبطلين هل لسان الطويل

حضنته ونمت

ربى: بداعتي اسكت خلي انام حتى اكعد ب ١٠ اتحظر للدوام
اياد: اريد ريوك
ربى: مو تريكت بالفندق بعد شكو تريد ريوك
اياد: هههههههه ولج صار ايام مااتريك معاقبتني ..اليوم خلص العقاب عمي ولا مبين عريس احس طالب وواكف قصاص
ربى: هههههههه والله قليل بحقك حتى تبطل وثانيا امك ريكتك بعد شكو واني عروسه ومريضه لازم انت تسويلي ريوك واشو انت ماتمرضت بس اني وكعت بيها
اياد: هههههههههه خليتي عينج عليه ....انتي تمرضتي من الفلوس
ربى: أياد😡
اياد: شوف الصوت ياربي عبالك جعفر نايم يمي
ربى: من هسه بديت تقلد وماتتحمل مرضي
اياد: لا حبي اشاقه وياج بالعكس فرحان ومامصدك بيج
ربى: ليش
أياد: بصراحه جنت خايف متوقعج فاهيه وتشلعين گلبي بس طلعتي حنينه وحلوه وتذوبين
ربى: ههههههه ليش بله خايف افندي أياد
أياد: لان معقده وياي بالمخابرات وفرفحتيني بالخطوبه ....غسلت ايدي منج گلت هاي مابيها خير ومااكدر اعوفها لان احبها
ربى: عزه شهل تفكير مخليها ابالك تعوفني ... قبل ارفض لان ما مزوجين
اياد: هسه ازوجنا
ربى: ههههههههههههههههه نعسان لو
أياد: ههه اكيد لو
ربى: هههههههه

احلى ايام رغم خلصتها مرض وفلاونزا
واياد ياخذ وياي علاج حتى مايتمرض😂
وصادف اول يوم الي بدوامي ثالث
اعرف عروسه ولكن دوام صار ويه زواجي😔

ب١٢ الظهر
طلعت من الحمام واسمع صوت اياد جوه

طلع لصديقه رزاق يشوفه واستغربت رجع من وكت

دخلت غرفتي جاي ابدل فتح الباب أياد

ربى: خرعتني
اياد: مخبله انتي مو مريضه ليش مافاتحه التدفئه
ربى: ليش ماكعدتني من طلعت
أياد: شفتج نعسانه ومريضه عفتج
ربى: تريكت
أياد: لا
ربى: ليش
اياد: وياج اتغده
ربى: تأخرت
اياد: ب ٢ دوامج شنو تأخرتي
ربى: غير اروح من وكت
أياد: ليش ترفعين العلم الهم
ربى: هههههه مكروه لاتقلد واني خجلانه من الدوام ومستحيه
أياد: شكو تستحين عاديه وتافهه الجامعه وثانيا وياج صديقي همام يوصلج لقاعتج واوصيج ابقي كاعده ولاتگومين الى ان تتعرفين على بنات ولا تفترن يضحكون عليكم لان مرحله اولى ونصيحه لوجه الله لاتاخذين صور
ربى: ههههههه مخبله اذكر صور ... اذكر صور جامعتك اول مرحله تضحك عبالك ارنب مصلخ
اياد: هههههه على اساس ابوج الحلو
ربى: اهوووو رجعني لابوي لعد ابوك الحلو شايفه من مزين اوووي خليني ساكته لا اوصفه
اياد: شبي
ربى: عبالك ديج مصلوخ جلده ويركض وخالتي تركض وراه بالمنشفه😂
أياد: ههههههههه اله انزل اكله
ربى: ههههههه يحبني مايهتم😝