حدقة العين

البارت -- ١٢ --

ربى

ماتحملت يكمل كلامه غلقته
بقينا مزاعلين ومااحجي وياه أيام

اقبال: شمقرره ربى
ربى: مااعرف حاليا ماطايقته ومااريده ... هم مااريد استعجل بقراري
اقبال: ارتاحي وفكري زين وابتعدي عنا
ربى: ان شاء الله

فكرت اخابر رحيم اعرف القصه
اقرب صديق ل اياد

رحيم: الو
ربى: سلام عليكم
رحيم: وعليكم السلام اهلا ربى
ربى: اكدر احجي وياك
رحيم: سالفة أياد و نجو
ربى: منو نجو
رحيم: ام يحيى
ربى: اها اسمها نجو لو دلعها
رحيم: دلعها وعبالي تعرفين اسف 
ربى: اها دلعها حلو
رحيم: تفضلي ربى بشنو اكدر اساعدج
ربى: كومه سحب فلوس اياد على شنو كل هل مصاريف
رحيم: بس اني حولتله ماساحب
ربى: اخذ وياه و بابا هم سحبله حوله
رحيم: ماادري بعمي محوله شيسوي بيهن
ربى: رحيم اعرف صديقك وسركم واحد واعرف ماتريد اطلع اسرار صديقك لكن اتصلت اريد احافظ على زوجي اريد افهم سالفته
رحيم: وعيون اياد ماادري طلب اسحبله ثاني مره وماقبلت ماتوقعت يطلب من ابوج يسحبله
ربى: ليش هل كثر صارف على شنو هو مزوجها من زمان
رحيم: وروح أبني وزوجتي مامزوجها قبل ولا اكو علاقه بينهم يسولفلي عنها مو زينه ومايستلطفها بالفتره الاخيره فجأه اياد خابرني كال اريد ازوج نجو ولك هذه فرت عقلي فر خبلتني نصحته اتركها لاتخطأ اياد وهوه بوقتها دايخ وتعبان
ربى: هههههه ونعمه الصديق انت لصديقك لان تريد اطلعه مظلوم الي
رحيم: لا اكيد مااطلعه مظلوم واسولفلج الي اعرفه ومقرر اسافرله اخلصه منها اعرف شكد تحبون بعض وهو مايستاهل ينهجم بيته
ربى: بأيده ورضاته نهجم
رحيم: لا ان شاء الله ماينهجم
ربى: كمل رحيم قصة أياد
رحيم: المهم قنعني كال يومين واطلكها تعاركنا حجينا وياه اني و رزاق ماكو فائده طلب مني فلوس حولتله... ثاني مره من طلب رفضت ومقرر اسافرله خابرني كال ربى درت وزعلانه دايخ بزمانه يوميه نخابره مقهور وطالعه روحه بسرعه انكشف ماتوقع بهل سهوله ينكشف
ربى: زين شنو فلوس ليش فلوس
رحيم: لعد على سواد عيونه تزوجه نجو
ربى: كل الفلوس على نجو يعني تعبه وشغله عليها راحن
رحيم: مااعرف بعد
ربى: ليش كل هل مصاريف عليها لاجل يومين زواج اشو مامقتنعه
رحيم: ربى اعتبريها نصيحه من اخوج الجبير لاتتسرعين وتنفصلون اياد يحبج وخطأ يستاهل تزعلين بس مايستاهل تعوفي
ربى: اشكرك رحيم وسؤال اخير يعني كل الي تعرفه بلغتني بي هسه لو اكو بعد
رحيم: الي اعرفه سولفته
ربى: اشكرك مع السلامه
رحيم: الله وياج

بلغت ماما بكلام رحيم
الغريب ماما ساكته ولا ادافعلي ولا ادافع عن اياد
حسيتها ماتدخل وتركت الخيار ألي

اتصالات ماكو بيني وبينه رغم حاول طلب من ماما واني رفضت
الصبح كعدت واباوع ماما تضحك

اقبال: اليوم حلوه
ربى: منو
اقبال: اكو غيرج
ربى: ليش شكو لان خاني زوجي حلوه
اقبال: ربى اني ماادخل بينكم واليوم اياد ح يجي للعراق شوفي شلون يحبج ماتحمل زعلج واجه يحل مشاكلكم ويروح ...ياماما لاتصعبيها اسمعي وشوفي حتى تقررين
ربى: منو كلج ح يجي
اقبال: اياد وبلغني مااكلج يسويها مفاجأه الج بس كلت ابلغج لان من ترجعين من الدوام تشوفينه ... حتى ما تتخبلين بمكياجج ولبسج يشوفج ويتخبل
ربى: مااغير بعد نفسي هذه اني يريدني بهذا شكلي ومن غير اني مايهمني يوافق لو لا ياماما خايفه من اختياري خايفه اشوفه وارفضه واطلب انهي علاقتي وياه
اقبال: لا اسم الله ربى لاضيعين كل هذا حبكم
ربى: هو ليش يهدم واني ابني
اقبال:  المره مثل الجبل
ربى: والجبل يجي يوم وينهدم بركان يهدم اكبر جبل
اقبال: مااعرف شلون افهمج كل كلمه تجاوبيني تسكتيني وحقج ....بداعتي لاتخربطين بروحج اليوم خلي يكول اهلها مربيها
ربى: مربيني واله اخربط روحي وبالذات اليوم
اقبال: خبال شحجي وياج