حدقة العين

🌹 البارت الاخير 🌹

ربى

مقهوره منا وكلبي نار

اقبال : شبيج
ربى: اياد بارحه اخابره مايرد يحجي وياي كلمه واختفى
اقبال: ليش
ربى: غلق جهازه الليل كله ماكو
اقبال:  اي
ربى: ادك ماكو صرت عصبيه عليه نار واراسل واخابر ماكو وقبل شوي دزلي هل رساله
اقبال: هذا مخبل رجلج شنو قصته
ربى: والله ح اموت وتعبت اسوء ليله مرت عليه افكر شلون ينام وياها وعبالي بعد مايخوني
اقبال: لليل وانتظري نسولف لابوج
ربى: ماما شناقصني وهيج يعذبني ويخوني
اقبال: من تزوجتي لحد الان بس الدموع بعيونج مو زواج طلع نقمه هل مره اني اوكف بوجه ونبلغ اخوتج واطلكج منا
ربى: هوه ليش يخون ويعرف احبه ماتحمل افراكه شيريد اسويله يغلط ويأذيني اسامحه لاجل سواد عيونه وحبي اله وبلاخير يخوني  يوميه ومايهتم لمشاعري
اقبال : بعدنا مانعرف ظرفه
ربى: مبينه السالفه ضحكت عليه وازوجها ورفضني
اقبال : كافي تفرفحين وتبجين

بقيت ابجي على حظي
مااريد اخسر
وبنفس اللحظه مااكدر هل مره استمر وياه
معقوله اياد مايريدني وباعني برخص

كل ايامنا الحلوه نساها بسهوله
مو كافي عذاب وفراك
شلون اخليك تحس بنار صدري
شلون اخليك تحن عليه وترجعلي

شلون اخليك ترجعني لحضنك
حبيتك اكثر من نفسي
قصتنا مو بس حب
قصتنا  الهوى المرتبط بينا انفاسنا 
انت من تبعد شلون اتنفس بدونك روحي تموت وجسدي عايش
صح تستمر الحياة ومحد يموت على شخص
واضحك واسولف واعيش ولكن بلا روح
اصعب احساس امثل كدام الناس الفرح وبداخلي مقتوله
ناديتك لا تردني وتخليني

ب٥ اسمع صوت رجال بيتنا
نزلت اباوع أياد كدامي

نسيت وجود اهلي ونسيت بابا كدامي
حضنته وكمت ابجي مثل المخبله
هوه خجلان ويضحك عليه
يحجي على كيفه

اياد: كافي فضحتينا

احجي وابجي

ربى: ليش ناصب عليه وتضحك عليه ليش ولك هيج سويت بيه مو حرام عليك ليش تخوفني والله عذبتني بهل زواج والحب

ابجي مثل الطفله

اياد: مفرفحتني كلت خلي افرفحها
نزار : شصاير
اقبال:  شكد شايفه مزوجين مثلكم ماشايفه
نزار : شكو
ماما: دمر اعصابها الليل كله مايرد خوفها تتعارك بنتك وياه  ادز بهل رسائل وماتلحك .. تالي دزلها رساله خوفها وسودنها وهسه دخل للبيت مسويلها مفاجأه
نزار:  وليش هيج تعذبها شبيك
اياد: لسانها شطوله معذبتني وتعاند وماتسمع الكلام وتراددني
نزار: مااصدك ربى وياك لسان تخاف من خيالك اذا نذكر اسمك تخاف
اياد: بس كدامكم ومن اخابرها مبهذلتني
نزار: دلالك ودلال خالتك
اياد: دلالك اني وخالتي شكو
نزار : هسه دشوفها كاعده تبجي مثل الطفل بله هاي مره مزوجه وعمرها ٢٥