حدقة العين

البارت -- ٢ --

ربى

بعد ايام
انشغلت ب اجرأت التقديم اني وبابا
ما مصدكه أكمل دراستي بعد ماتركتها سنين بسبب الظروف
اكثر شخص شجعني اكمل دراستي أياد
رغم عمري ٢٥ وقنعني
مااعرف ليش فجأه أياد رفض الجامعه
يمكن الغيره وخوفه عليه

فرحانه
بهل فتره اني واياد يوم حلو يوم مر يوم مشاكل
مااعرف سبب مني او منا
مشاكلنا اكثر الاحيان بسبب الجرأه يطلب مني
وعن الجامعه مايقبل اكمل واني معانده
بالليل رجعت ومشتريه اشكال ملابس وفرحانه
خابرته ولابسه قسم من ملابسي واشوفه
يباوع وساكت

ربى: حلو اياد
اياد: اي يله اريد اروح
ربى: شبيك اياد مو كافي مشاكل صار اسبوعين بس نتعارك ماتعبت
اياد: الله وياج
ربى: اياد شبيك
اياد: هذا لبسج كله مرفوض حتى لو تلبسين بوشيه لو ٧عبي لو ٨جبب هم مايعجبني ومااداومين
ربى: يله باي مااريد اقهر نفسي ومااحب تكثر مشاكلنا
اياد: اي ماتريديني لان لگيتي البديل جامعه وطلعات ومشتره
ربى: هههههه اروح فدوه من تغار عبالك طفل بربك مقتنع عمرك بالثلاثينات
اياد: وانتي ماتستحين عمرج ٢٥ سنه وتلبسين حذاء خردلي زعطوطه بالروضه
ربى: ههههههه لا دخيلك لاتقهرني امي اشترتها وتعاركنا اني وياها بالمحل
اياد: ليش
ربى: كال ب ٢٥ أشرلها اطلعي ماما لزكت اله تشتريها ..طلعت وعفتها هي ماقبلت اله تشتريها خلتني انجلط بالسوك وبعدين دفعت من جيبها ماقبلت انطيها
اياد: ليش ماعندج
ربى: لا حتى تبطل تشتريلي غالي
اياد: ولج لعد بيش تريدين
ربى: اكو كل اثنين ب١٥ يخبلن بس اووف ياماما
اياد: خرب... تالي وياج شنو مرتي تلبس اثنين ب١٥
ربى: لعد خلي اجلطك لان اني منجلطه حاليا غير اشتريت اساس ب ١٠😲 من طلعنا ياله عرفت لو ادري مامشتريه واني عبالي بالفين ب٣
اياد: هههههه لا والله ماتصيرلج جاره
ربى: والله يوميه اخلي نقطه اخلي يكفيني سنتين وبس للجامعه وبعرسنا اخلي منا
اياد: هههههههههههه على اساس عرسج شي عظيم ولهذا ح تخلين اساس ابو ١٠
ربى: لاتگول اساس عيني اسمه فاندييشن ومتفتت ومنفش وديشن على شنو ماادري ياخاله هل اسماء منين يجيبوها
اياد: ههههه عبالك مرتي ماخذها من الصعيد ولاعبالك بنت بغداد ونزاكه
ربى: أكوم اعزل غراضي واسبح ونتخابر
اياد: خابريني وانتي بالحمام
ربى: اياد😡 شهل سخافه تعرفني اتنرفز من هذه المواضيع شبيك هيج متغير علاقتنا وحبنا وسوالفنا مافد يوم هيج تحجي بجرأه من نخطبنا تخبلت عليه
اياد: هسه انتي حلالي والي حق عليج ومو عيب ولا حرام
ربى : يوووو اروح اولي احسن
اياد: شكو تبلغيني اسبح حتى تخبليني
ربى: ياخايب غير اسويلك مثل النسوان اغرأت وادلع عليك واحجي وياك بخشمي حتى اذوب بيه مو تستهتر عليه
اياد: ههههه والله صريحه
ربى: يله بويا يله خويه خلي اروح اطبخ باجه
اياد: هههههههه اي الباجه الها معاني اهواي اخ اخ
ربى: ولك انت شنو كل كلمه تاخذها بمعنى موزين امشي روح افضل
اياد: ماشي ولاتنسين حمام تخيليني يمج اوووف
ربى: اياد😡
اياد: هههه يله روحي باي