حدقة العين

البارت -- ٧ --

ربى

رجعت من الدوام
اياد معصب نار

أياد: ليش تأخرتي 😡
ربى: الخط تاخر عليه مو خابرتني واني بالسياره
اياد: اكو شي ضامته عليه😡
ربى: شنو الي ضامته

شكله عصبي ويهز برجليه
خليت ايدي على خده

ربى: شبيك

ضرب ايدي

ربى: اااااه هاي شبيك
أياد: اكو موضوع بالجامعه ضامته عليه واول يوم بلغتج لاتخفين شي صح لو لا

يصيح وگام على حيله

ربى: لاتصيح احجي بهدوء خلي افهم

كسر غراض ع الميز وشمرهن بالكاع

اياد: انتي خليتي بيها هدوء
ربى: ضميت عليك لان كم يوم ونقلت نفسي همام نقلني وصار تساوي بالقاعه وشغلة كم يوم
أياد: شنو نقل شتحجين انتي😡
ربى: لعد على شنو تقصد
اياد: ولج شنو انتي الف موضوع ضامه عليه شلون اثق بيج بعد
ربى: ماضامه شي سالفه بسيطه ماتسوى عدد الطلاب اكثر وهمام نقلني ولان مايصير اول الايام وبعدين انقلت وحاليا البنات اكثر
اياد: والولد الي شربج ماي
ربى: شنو شربني مجرد انطاني بطل والله

يصيح وتقرب عليه خوفني

أياد: كافي ولج ليش تضحكين عليه
ربى: خلي افهم لاتصيح

سحبني من شعري وضربني

أياد: ربى اني قريت رسائل أحمد فايبرج مفتوح بحاسبتي ومامحذوف وقريت كل الكلام ميته عليه تريدي
ربى: ليش ضربتني شلون تضربني
اياد: اكسر راسج حقيره
ربى: ماعاش الي يضبرني
أياد: اريد اشوف شلون ماعاش

ضربني واني بحاله مصدومه شنو يضربني اكيد مو اياد
شخص ثاني مو هوه

مااكدر اصيح ويسمعوني بقيت ساكته

ربى: كافي بعد ماتحمل الالم ارحمني أياد

انتبه على نفسه وقساوته وتركني
واكف يم الباب ويصيح

أياد: اكو مره مزوجه تلتقي بحبيب القلب وتتراسل وياه
ربى: ماراسلته ولا جاوبته
أياد: انتي انسانه وسخه
ربى: اصبع ماتوصل لشرفي مقهور لان تعرف شريفه ومحافظه على شرفك

رجع ضربني وختلت وره الزاويه
تركني وطلع من الغرفه
بقيت ابجي والم الغراض الي كسرها واعزل
اسمع خالتي تصيحني
طلعت من الغرفه
مااخليها تشوفني

ابتهال : شكو ربى
ربى: ماكو شي ... عادي لان تاخرت تعارك وياي
ابتهال : مخبل اووووف شيخلصها وياه ٤سنوات احنه والبنيه ح نتبهذل

عفتها ودخلت غرفتي
مقهوره منا ضربني اول ايام زواجنا
يصيحون عليه ماانزل
بقيت بغرفتي وألم راسي والم جسمي
فتحت موبايلي
كتبت رساله لاياد