Bakit ba ikaw ay kayhirap abutin?
Para bang ikaw ay isang bituin
Na kailanma'y hindi maaaring sungkitin.
Ni hindi ko maamin
Ang itinatagong damdamin
Sa bawat sandaling
Tayo ay magkapiling
Dahil sa iyong harapan
Ako'y iyong kaibigan
Na pinipilit makinig
Sa inyong kwentong pag-ibig
At sa bawat pagtalikod ko,
Ay may luhang itinatago
Masakit man sa damdamin
Pero kailangan tanggapin
Abot-kamay nga kita,
At palaging kasama,
Pero hindi pa rin sapat
Para sa pag-ibig na tapat
Ngunit hindi ko ipipilit
Ang relasyong nais makamit
Para sa hatid na saya
sa pusong umaasa
Kaya't masaya na ako
Sa kung anong meron tayo
na kahit kailan ay hindi magbabago.
Hindi ko isusugal ang ating pinagsamahan,
Kaya't itatago ko na lamang
ang nadaramang pagibig.
Basta nandito lang ako,
mananatiling kaibigan mo
kahapon
ngayon
at magpakailanman.
--xxRAQUIxx--
