بقايا حلم

الجزء 3

مرت ايام وايام وخلصت العطلة ورجعنا لبيتنا وامي ...
ام وردة...وردايتي حبيبتي انتي كبرتي بعد مو مال رايحة وياية لبيت جدج ....
وردة..ها شنو يمة ليش يعني ابقي محبوسة بلبيت ما ما اروح ...
ام وردة...ولج صار عمرج 16 سنة حبيبتي كافي بعد صرتي مرة اني يومين وارجع...
جانت امي كل مناسبة تروح بس هي وقيصر او وية معمر وأبقى اني وشهد بلبيت او نروح لبيت عمتي نبات علما يجون وزني زاد كلش بلنسبة لعمري وسويت رجيم وبديت العب رياضة بس مااستمر ماعندي إرادة ابد واترك لحد ما وزني بدأ هواية يزيد واني ابد مدايرة بال. ..
وبدينا نحضر لعرس شهودة حبيبتي جانت مخطوبة لابن عمي يموت عليها خوش ولد وشاريها عمامي كلش يحبونة وطيبتهم واضحة بمعاملتهم ويانة ...حضرنا للعرس واجوي خوالي وخالاتي وسلوى همين اجتي صار كومة مشايفتهم رحت اشتريت نفنوف كصير يخبل بس اني لان شوية مربربة مرتاحيت بي شوية تضايقت فتحت شعري اسود طويل يخبل واني بيضة وعيوني ملونة وحطيت مكياج لاول مرة ...
وردة...لج سلوى اتمنى زيدون هسة يشوفني ...
سلوى...اي صيحيه خلي يشوفج. ..
وردة....هاي شبيج سلوى شنو شصيح. ..
سلوى....اي شبيج حتى يشوف هلجمال كله ولج حرامات اطلعي بلكي يلمحج هسة هو يجي ...
وردة...دسكتي اسكتي واحد ميحجي كدامج حجاية طلعنا وتونسنا وجانت حنة تخبل كضيناها دك وركص لان بس نسوان وثاني يوم بلعرس زفيناها حبيبتي واحلى عروسة وامي دكتها بجي ع فراك شهد وفرغ البيت علينا صدك شهد مالية البيت ام كلب الطيب وام عقل الجبير والمدبرة امي جانت هواية معتمدة عليها ...
قرر معمر هم يتزوج وحجاها لقيصر وامي كاعده. ..
ام وردة...بس قيصر حبيبي انت أكبر شوكت تفرح كلبي ...
قيصر...لااكبر ولا اصغر مرتب أمورك معمر توكل جان معمر مدبر ويعرف يلملم روحة وامي هم ممقصرة جانت مجهزتلهم هواية شغلات وجان يحب وحدة وياه وقرر يخطبها وفعلا تزوج معمر بس عزل وحده من البداية ومن صدك فرغ البيت اني وامي وقيصر... وامي تتوسل بقيصر يتزوج لحد ماصدمنا يريد يتزوج بت خالتي مطلقة لان ميصير عدها اطفال وامي سوته فلم وهو عاند ومقبل يتزوج ولا نفتح وياه موضوع الا هي وامي كلبتها عزة ومتحجي وياه واني وشهد ومعمر نتوسل بي بدون فايدةجان قافل وامي هم عاندت وياه ..
ام وردة...روح عساك بقيت بلا زواج عمرك كله ولا تشمر روحك بهلهبية عافها وطلع وشال من باله سالفة الزواج جان وكت امتحانات مال كليات وزيدون جان يمر بين فترة وفترة لحد ما مرة نطاني عطر ...
وردة ...من تشمي تذكريني ...
وردة...لا عفية العطر فراك ...
زيدون..يافراك وين تروحين مني وردايتي انتي الي لتخافين. ..
وردة...يمة انهزمت من سوالفة شكد جرئ بحكم عمره لان جبير بس اني سنوني تصك من يحجي. ..فتحت العطر والكا حاطلي صورته بي جنت ماانام اذا ماحضنهن كبرت احلامي بي صار عمري 18 سنة و18 سنة حب ومشاعر صادقة مو مراهقة ومن جنت احجي لسالي تاكدت مو مشاعر مراهقين ويومين وننسى وجنت اسولفلها كلشي هي وسلوى ...
وردة...لج سلوى الحكيلي كلي وردايتي وين تروحين مني يعني يريدني ...
سلوى...منو ...
وردة..شنو منو يومية منو منو هو اني شعندي غيره واحجيلج عليه ...
سلوى...ولج وردة تدرين هلكد منحجي بي كمت اني هم احبه. ..
وردة...هااااااااا ....
سلوى...اي والله ولج النهار كله افكر بي ....
وردة...هاي شدتحجين سلوى صدك يعني لو تشاقيين ....
سلوى..داشاقة عيني قابل أخذته منج. ..
وردة..شتاخذين سلوى تعرفين شنو زيدون بلنسبة الي وعمري كله جان مرهون بنظرة عيونه وقصتي وياه ع ايدج سلوى اني بلا زيدون جسد بلا روح ماتخيل نفسي اعيش وية واحد غيره أو بعيد عنه يمكن اتخبل اذا صار لغيري يمة يمة لتخليني افكر هيج تفكير ....
سلوى...اني شعليه غير انتي كلبتيها دراما ....
وردة...لا بس هاي الأفكار أحاول ابعدها عني يمة اني فرحانة اليوم وظلينا نسولف مبقينا أحد سالتها على بيت جدي وخوالي وخالاتي كلهم وسلمت عليها وسديته وخلصت هلسنة وبقتله سنة وحدة وجان الفضول يموتني جنت اكعد ابحوش بكتبه بحجة انظف وادور كل ورقة بيهن والكا كاتب اسمي بلطول وبلعرض يمة كلبي وجعني ليش لعد ميحجي وياية يمكن يخاف عليه لحد ما يكمل ويخطبني يمة يمة ويخطبني ويصير آلية زيدون حب عمري حب طفولتي حب مراهقتي حب حنين حلمت بي وتمنيته يصير آلية وحتى من يبتعد عني يأخذ كلبي وياه زيدون حبه دمرني جنت عايشة ع أمل انو اصير الة وحياتي الي بنيتها بخيالي وياه .. وخلصت السنة وقبل ليروح للبصرة سلم علينة ونطاني بأيدي ورقة يمة كلبي انخمط وطار من أروع فرحة شفتها بعينه يمة يابعد رويحتي روحك ربي يحفظك الية ويحميك من كل شر .طلع واني ركضت للغرفة وقريتها وكل كلمة عيشتني وياه عمر مليان حب وعشك واحلى شعر يافرحتي بيك وفرحة عمري بحياتي وياك هم يجي يوم وتصير ابو بيتي يابعد بيتي رحت ركض خابرت سلوى ولج راح اموت من الفرحة وسولفتلها ...
سلوى...شفتي نصايحي شلون جابت نتيجة بس حسيت بنبرة صوتها تغيرت ....
وردة..خيرج سلوى ...
سلوى..ماكو شي قابل شكو ...
وردة..عفية طمنيني من يوصل بسلامة...
سلوى..اي طبعا ليش لا حبيب الكلب طبعا خوما مثل حضي محد يباوع علينا ....
وردة..سلوى خيرج حبيبتي ليش ضايجة منو قاهرج سولفيلي. ..
سلوى..ماكو شي عادي هو شنو الجديد..
وردة.. سديته منها ومستغربة من تصرفاتها ....
زيدون بعد مشفته ولا اجة واحنة روحاتنا قلت كلش جانت بس امي وواحد من إخوتي يروحون وياها وبس بلمناسبات شهد اختي صار عدها أحمد ومعمر هم صار عنده ولد وقيصر معاند بسالفة الزواج وميقبل أحد يفتح موضوع وياه مرت ايام وايام ومنكطعت وية سلوى وهي الوحيدة الي توصلي اخباره وهو مشغول جان بلشغل تعين مركزي بمركز صحي والعصر بعيادة وية طبيب جانت سلوى منفذي الوحيد الي تعرف هو شديسوي ...
وردة..ها سلوتي حبي شلونج ...
سلوى..هلا بوردة عمري انتي شلونج ...
وردة...مشتاقتلكم ...
سلوى..مشتاقتلنا لو مشتاقة لحبيب الكلب ...
وردة...ولج راح اموت ع شوفتكم كلكم والله ...
سلوى..اعرف والله اعرف اني هم اتمنى اشوفك متصيرلكم جية ...
وردة..يمعودة امي مدتقبل وعمامي همين لحو كبرتي وكبرتي ومكابلة الحياطين وكاعدة. ...
سلوى..ربج كريم حبي...
وردة... وكلعادة المكالمة كلها زيدون كال زيدون حجى صار عمري 20 سنة واني كاعدة بلبيت مجان الي واهس دراسة ابد ووزني شكد ماجالة ديزيد وحتى شكلي ضايع من ورة جسمي وسمني اسوي رجيم واعوفه وارجع اسمن إضعاف عايشة حياتي الروتينية الي مالها طعم غير من اخابر سلوى واسمع اخباره ويصير عندي انتعاش من اعرف بي زين ومرتاح مرتين اجانة بشغل لبغداد وعيني تحجي وياه وعيني الي تسلم عليه واحسه يفهمني وهو هم يجاوبني بابتسامة ويغمزلي واني روحي تطير للسما من الفرحة راح واخذ روحي وياه وشبعت من نظرة وحده من عينه ...
وبيوم جان جاي معمر هو ومرته وابنه وشهد وابنها رجلها وصلها وراح امي عازمتهم ع الغدة وكلنا مجتمعين ع الاكل ودك التليفون امي جانت كاعدة قريبة عليه شالته وكلبي جان يدك وياه حسيت التليفون يخصني اكيد سلوى تريدني رفعته امي وسلمت جانت مرت خالي ابو زيدون وسألت ع خالي لان جانت صحته مو شي وسألت ع الكل الحجي الحجية شلونهم الحمدلله رب العالمين .....سكتت امي وبعدين ياااا بلمبارك بلمبارك عليكم وعليه يمة فدوة لحبيب عمته يستاهل كل خير اي الله كريم شلون منجي لازم نجي أن شاءالله سدته منها واني صافنة على امي. ..
عاد شهد سالتها ...
شهد...هااا يمة شلونهم بيت جدي...
ام وردة..الحمدلله بخير كلهم زينين. ..
شهد...لعد المن دتباركين ...
ام وردة..زيدون خطب حبيبي وراح يتزوج ....
وردة...اني سجينة وبكلبي ضليت كاتمة الوجع ومدنجة ودانتظر امي تكمل ....

وتستمر الحكاية......