بقايا حلم

الجزء9

لا حبي عادي حبي نحضر الاكل مدخلت بشي ولا راح ادخل ولا راح اسأل عليهم سبحان الله الموضوع كله صار كدامي بلا اي مجهود لهيت روحي بلمطبخ نصبنا الاكل وتغدينا وراها سوالف وكعدة كعدت عكسه حتى عيوني لتخوني واباوع عليه وكلهم كاعدين حتى خالي وبيبي وسلوان هم رجع جان مرته تجفصها دتحجي وية امي. ..
مرت سلوان...اي خالة مبروك ع وردة يارب يتمملها بخير والله فرحتلها من كالت راح تنخطب وردة تستاهل كل خير ....
وردة...الكل سكت لان محد يعرف بس امي حتى شهد مصار مجال اكوللها. ...
قيصر... شنو هاي منو كال. ..
عاد امي افتهمت الفلم رادت تعطب الدنيا بقباحتها لا يمة بعد كلشي ماكو بس سالي خطية حجت وياية ورايدة وردة لاخوها قبل منجي بيوم اول بارحة هذا الحجي واني كلتلها نروح ونجي واكول لاخوتها ويصير خير ساد السكوت محد جاوب ولا انداريت ولاشفت ردة فعله...عاد مرت خالي كالت والله وردة حبابة وعاقلة لو عندي ولد ممتزوج جان مفوتتها ان شاءالله تنسعد وتشوف كل الخير ....
ام وردة..الله يخليج ام زيدون وتفرحين بسارة ....
لحو علينة نبقة امي قبلت بس اني كلتلها لا يمة اني اروح لبيت جدي وشهد هم كالت نروح معمر طلع ودانا بقت امي وقيصر ابيت خالي باتو وثاني يوم مر عادي وياهو الي يجي من الكرايب ينصدم من يشوفني وحدة تكول للخ حرامات ماخذناها لفلان والخ اي والله فقيرة احسن من الحية العندي واني صافنة عليهن وابتسم بلة هذني شتحجين وياهن نسوان كبار وهم يدورن مظاهر اخذوهن كل وحدة ملكة جمال ومن اسكطن ورة الزواج ميردوهن هنة هيج يحجن لعد رجولتهن هسة شيحجون عليهن متعرفين ترضين احد بهلدنيا يعني اني لو ممسوية العملية جان صرت حديث الساعة ويجيبن ويركعن بيه عفتهن يحجن واني التهيت بصفناتي اللي صار بيه والي جره ...كملنا اليوم وثاني يوم جانت الحنة مال نور رحنالهم من الصبح وتلكتنا وهم نفس الاسطوانة إلى من اجيت الى هسة اسمعها شلون صايرة وشسويتي وصايرة تخبلين وعمت عين الرياجيل الي مدتباوع واني صافنة عليهم لعد اني وين جنت وين صرت وممنتبهة ع نفسي ولعد شكد جانو يستهينون بيه ومحد محترمني لشكلي وهسة سووني بطل الحفلة اجتي نور وظلت تعيط ولج هاي شنو شلون هيج صرتي ...
وردة...كافي فدوة ترة دخت من هذا السؤال...
نور...وردة تعالي وياية للصالون عفية حبابة...
وردة... كلت لامي وخابرت قيصر ورحت وياها اخذت نفنوفي حتى البسه هناك رحنا وجان دورها بعده مجاي وكعدت تسولف ع زيدون وع سلوى يعني مكتوب ع وجهي خيانة زيدون وسلوى طلع الكل يدري واني بعيدة عن كل شي ....
وردة...يمعودة نور واني شعليه بيهم عوفج منهم خلينا بيج. ..
نور...يا بيه ولج اني اريد احجيلج لا بعدين مالحك مدام وحدنا وكعدت حجت نفس حجي مرت سلوان بس الي زيدته انو سلوى سوت أشكال وطلعتج وحدة خاينة وتريدين تنصبين عليه وتوكعي حتى امه وخواته كلش حقدو عليج وكتها بس بعدين عرفو سلوى ع حقيقتها من تصرفاتها ...
وردة...اني ميهموني بعد لامن بعيد ولا من قريب ولتجيبلي طاريهم فدوة وخلينا فرحانيين بيج ...عزة بعيني لو واصل حجي لاخوتي جان طيحو حظي حسبي الله حسبي الله....
بدت بيها واني هم بس شسورت شعري لان كلش طويل مو مال تسريحة ولبست الفستان الماروني ومكياج طوخ. ...
هاي شنو ولج طلعتي احلى مني معلية. ..وظلت تشاقة وفرحانة بزواجها نور أكبر من عدنا بس جانت بانية امال ع زيدون وهم انصدمت فترة بس بعدين تداركت الوضع ولحكت ع الباقي من عمرها وقبلت بصديق اخوهاخلصنا وطلعنا اجة اخوها اخذنا من  الصالون ورحنا أمي تخبلت من شافتني وظلت تصلي ع النبي هي وشهد تمشي وراية وتقرة المعوذات والكل مسكت عافو العرس والتهى بوزني الي نزل وشلون هيج صرت كمت مااهتم لان الحجي زاد عن حده لو اني الي جنت مو طبيعية بسمني واجتي سلوى وانسطرت من شافتني معرفتتي ظلت تباوع لحد ما بصوت عالي سألت مرت سلوان...
مرت سلوان....عيني هاي وردة شفتي الجمال شفتي الشعر تخبل صايرة من صدك وردة تفاحة باعي الخدود باعي الرشاقة شوفي عيونها كلسع تنكلب لون وهاي ظلت فايرة شغل جناين وحدة تحرك الخ تخبلت بلزايد تريد تحجي وياية اكثر من مرة هم منطيتها مجال كملنا الحنة ولملمنا البيت وظليت بايته ابيت خالي وثاني يوم العرس هم رحت وياها واني مو محجبة هم سويت شعري وليست النفنوف البيجي بس كلش مستور هلمرة رجعنا للبيت واشوف زيدون بلشارع واكف وية الولد نزلنا من السيارة ونور هي وبدلتها وظليت اعدل وياها واجة وكف يمي...
زيدون... بس ممكن تدخلين تلبسين عباية فوك هدومج من اوغادي متطلعين هيج ...
وردة...ممكن مالك لازم بيه اعتقد اخوتي موجودين نور تبتسم عدلت نزلتها ولزمتها ودخلتها ودخلت ظلت تطلع نار من عيونه ولا طلعت بعد كملنا واجوي اخذوها ولكيته هم واكف بلشارع رحت وية معمر بسيارته وية مرته وجهاله وامي وشهد وية الهوسة اجة يم الباب الي كاعدة يمها بلسيارة زيدون...كلتلج البسي عباه فتحت الباب ونزلت أعتقد مرتك جوة روح اتحكم بيها بلي يعجبك وعفته وصعدت وصلنا لبيت العريس نزلو كلهم واني ولا نزلت خربلي واهسي كلش.. خلص العرس وكلتله معمر عفية وديني لبيت جدي وداني وجانن النسوان كلها راجعة من ورة جهالهن دخلت سبحت وبدلت ومددت لحد ماجوي بيت معمر وشهد ..امي وقيصر راحو لبيت خالي ابو زيدون خابرت امي شوكت نرجع كالت يومين ونرجع نمت والارق موتني بلكوة غفيت ثاني يوم هم خالي كال من الصبح تجون امي هناك هي وقيصر ومعمر بلكوة سحلني شهد كيفت رحنا مجان موجود كعدت وية البنات ومرت سلوان عيونها منا ومنا تحسيها بس تريد تحجي ع اي احد مومهم عدها ....شوية واجة جنت كاعدة بلمطبخ وحدي دانظف الخضرة ..
زيدون...شلونج وردة....
وردة...الحمدلله بخير ...
زيدون...ان شاءالله دومج مرتاحة.....شخبار العريس...
وردة...اني راح من بالي اصلا... هااا الحمدلله. ..
زيدون....تحبي. ..
وردة...الحب بعدين يجي وية العشرة اكيد...
زيدون...وكلبج ...
وردة..شلعته وذبيته اهنيك. ظل يباوع بعيوني ...
زيدون..هتكدرين تنسيني. ..
وردة...نسيتك وخلص وهسة راح انطي عمري كله الي يستاهله. ..
زيدون...بلعافية عليه...
وردة...تسلم شكرا ...عفته وطلعت من المطبخ...
خلصنا اليوم واليوم الوراه كضيته ابيت جدي وراها الفجر طلعنا اجتي امي وقيصر وبلسيارة كاعدين والله زيدون توسل بية نبقى فد أسبوع اني ساكته مشاركت لان مالي خلك اريد ارجع انام بلكي اكدر انسى رجعت ومرت ايام وامي تلح ع الزواج ...

انتظروني غدا مع البارت 10 والاخييييييير

وتستمر الحكاية.....