بقايا حلم

الجزء6

امي كعدت تحضر روحها وتبجي ودزت ع شهد ورجلها ومعمر ومرته اجوي واني ضليت صافنة ماريد اروح قيصر اجة عليه قيصر...وردة هم متريدين تجين ترة عيب وامي تزعل. ..
وردة...لا عادي لازم اجي ميصير عيب مردت ابينله اكو سبب لان كل مرة ماروح وياهم حضرنا واجوي كلهم وطلعنا وصلنا دنيا ليل والهوسة بلباب مسويين الفاتحة ابيت عمي الجبير ابو زيدون لان مساحته جبيرة همزين مشفت أحد طبينا كبل لكيتهم بلمطبخ  سلمت كلهم جانو موجودين والكل ديولول ويبجي كاعدين وطبت سلوى اجتي دتسلم سلمت على امي وشهد ومرت معمر وصلت يمي رأسن كمت انصدمت عبالها أضل كاعدة رحت وكفت ع السنك اجتي يمي شلونج وردة حبيبتي انداريت عليها مجاوبتها كمت اباوع بعينها اريد اشوف نظراتها بلكي افتهم شي منها همزين محد منتبه لان الكل ملتهي وبيبتي تخربطت وديبجون ...
سلوى...شبيج وردة ممشتاقتلي صار 7 سنوات مشايفتج ولا سامعة صوتج ...
وردة...دنجت حطيت ايدي ع اذاني ماريد اسمع صوتها ماريد اشوفها وين اروح ياربي...
سلوى... وردة تعاي بغرفتي اريد احجي وياج ...
وردة...عفتها ورحت كعدت يم شهد صاحتلي مجاوبتها لهيت نفسي وياهم حتى لتجي يمي وبعد مشفتها جانو بعدهم مجايبين جدي للبيت كعدنا كلنا بلهول والنسوان تعدد وتبجي مبقة احد ماجة بعدين كالو جابو طببو للهول وخالاتي وامي ملخو روحهم من العياط اني ظليت يم شهد واكفة شوية ولمحت زيدون واكف اباب الهول ع الطرمة همزين مشافني صرت ورة النسوان حتى ميشوفني اني الي اتختل منهم عبالك اني الي خنت اني الي غدرت مو اني الي انطعنت من اعز واغلى اثنين على كلبي ....
كملو وطلعو راحو ديدفنو فرع البيت بقينا بس احنة البنات وسلوى هم بقت كاعدة وعينها عليه اباوع محلوة صايرة تخبل ضليت صافنة عليها شسويتلج وهيجي موتتيني بايدج شافت النسوان ملتهيات وهم ردت اجتي يمي ...
سلوى...وردة ليش متحجين وياية شلت راسي ...
وردة...لان ماكو حجي خلص خلصنا 10 سنوات احجي شستفاديت ...
سلوى...وردة والله مو اني همة ..... قبل لتكمل
وردة..كافي عفية رجاء ماريد اسمع اي كلمة منج اني محاجيتج جاية يمج وللعلم مرايدة منج اي تبرير انسيني يا بت خالتي مثل ما اني نسيتكم ....
سلوى...اني اختج وردة تنسين اختج والله ميتة ع شوفتج وردة ليش هيجي تسوين خلي احجي. ..
وردة..عفية لتخليني أضحك واحنة كاعدين بفاتحة عيب فدوة عوفيني بحالي كانما مموجودة اوكي روحي التهي بروحج عفتها وكمت ظلت صافنة عليه...يعني مثلا شتريد مني ابوسها واكولها مشتاقتلج لا واباركلها همين واني اشوف جهالها كدامي يكمزون عمر كامل اني احلم بحياتي وياه اوووف ياسلوى لو تدرين شسويتي بيه ظليت الهي نفسي وية بنات خوالي حتى لتجي بعد ورة جم ساعة اجوي دفنو ورجعو وظلينا الليل كله كاعدين ماكو نوم ثاني يوم يسوون الفاتحة جادر بلشارع والزلم طابة طالعة بلطرمة صار الفجر ولان البيت مكفة عالم هواية نسوان خوالي وجهالهم راحو لبيت جدي وكالو الصبح نجي طلعوواني هم طلعت صحت لقيصر قيصر اريد اروح ابات لبيت جدي. ..
قيصر ..شنو هسة وكتها وردة باتي هنا ...
وردة..لا اروح هو بلشارع الورانا مو بعيد اني اروح ...
قيصر..صدك تحجين اكعدي عاد وردة. ..
وردة..قيصر اريد اروح عفية ....ظل صافن عليه...
قيصر... هاي شبيج ....
وردة..مابية شي راح البس عباتي نسوان خوالي هناك اروح يمهم والصبح ارجع وياهم لفلفت روحي ورحت كلتلها لشهد ولان امي مو بوعيها ابد صايرة فلم داطلع صرت بوجهه ظليت اباوع عليه دنجت وعفته وفتت حتى سلام مسلمت عليه رحت لكيت قيصر واكف...
قيصر.. بلة اعوف الهوسة واوصلج ...
وردة..واسمعة من وراية اني اوصلها قيصر وين تريد اروح. ..
قيصر...تريد تبات ابيت جدي. ..
وردة...اني ولا درت وجهي خرب روحك قيصر شخربطت الدنيا...
زيدون...يلةوردة تعالي اني اوصلج ...
قيصر...روحي يلة...
وردة.. مجاوبته لقيصر خليت وطلعت وصعدت بسيارته بس ليورة ولا حجيت كلمة والطريق كله عينة بلمراية واني اباوع ع الشباك ....
زيدون...وردة ....
وردة...مجاوبته ...
زيدون..وردة ...
وردة...باوعت عليه بلمراية شلونج ...عايشة....
زيدون...مسلمتي عليه مشتاقيلج انتي غالية علينة وردة ونتمنى نسمع اخبارج بكل خير. ..
وردة...دنجت اريد ابجي بس ماريد كدامه 5 دقائق وصلنا لان البيت كلش قريب وكف السيارة نزلت كلتله شكرا ...
زيدون...تدللين يااغلى الناس ...
وردة...نزلت حتى بدون مااندار طبيت لبيت جدي وسديت الباب ليش ياربي شيريدون مني بعد والله حتى انجبرت اجي لان ماريد اشوفهم من تحطمت بغدرهم مو روحي ماتت وراهم  7 سنوات جمر مو عمر نار وتجويني دخلت سلمت عليهم شفت مرت خالي على كلتله راح انام بغرفة بيبي طبيت وذبيت كل تعبي وقهري بجيت لحد ما ورمت عيني ماعرف شوكت غفيت كعدت رحت وياهم للفاتحة لمحته واكف بلباب انتبهت بس يباوع لحد مادخلنا للبيت طبينا والتهيت بشغل وية البنات وسلوى ولا احتكيت بيها كأنما مموجودة كلماتجي يمي اوخر منها خلصنا اول يوم وهم رحت لبيت جدي ورحت وية نسوان خوالي من وكت راحو ثاني يوم نفس الشي طبيت لغرفة سارة بت خالي مددت شوية طبت عليه..
سلوى... وردة مو تطلعين احنة لازم نحجي ...
وردة...نعم شتريدين .....
سلوى...انتي شبيج ليش هيج تعامليني اني سلوى وردة اختج ...
وردة..اول شي اني شهد اختي وبس ماعندي خوات بعد وثاني شي انتي ليش عينج صلفة بس حرامات انخدعت بيج ولو الي مثلج المفروض مينحجي وياه ...
سلوى..مو عيني صلفة بس لازم ابررلج الي صار ...
وردة...ميحتاج لان ميهمني اثنينكم متهموني زين بلنسبة الي بح ولا كانو موجودين ...
سلوى..كافي وردة والله انجبرت انتي لازم تسمعيني ...
وردة..اوكي سمعتج وكافي بعد كمت داطلع....
سلوى..وردة ....
وردة...كافي كافي اني نسيتج ماكو أحد بحياتي اسمه سلوى ابد اوكي ورجاء رجاء لتحتكين بيه بعد تخلص الفاتحة واروح ومتشوفين وجهي بعد طلعت وعفتها كمت اشوفها تباوع وادنج. ..
خلص الثاني وبدينا بلثالث جان شغل كلش هواية اني اتقصد ماطلع بلطرمة ادز البنات لان ماريد اشوفه ومرتين شفته بوجهي وبليل رحت مددت بغرفة سارة غفيت شوية وفزيت ع دكة الباب جان تنفتح الباب سارة سارة عباله اخته سارة بلغرفة سكتت شافني ابتسم ...
زيدون..وردة خيرج خومابيج شي ....
وردة..لا ماكو شي عفته وطلعت خلصت الفاتحة ومعمر عنده دوام جلبت وياهم هو ومرته امي توسلت ابقى للسبعة مقبلت والي افتهمته سلوى هي وزيدون مشاكل ومطايقها وهي هم مطايقته وحتى مشاكل وية مرت خالي من وراها وميمر شهر الا وهي زعلانةيم أهلها وأهلها يرجعوها ...
بعد ميهمني حتى أعرف أخبارهم تعبت من التفكير بليش ليش هيجي سووو بيه ليش املني شنو الي خلاه يغدر بيه سلوى اتاكدت جانت تغار بس جنت معمية بصداقتها ومفكرت هي دائما تحاول تبينلي حبها وخوفها عليه بس غيرتها جانت واضحة واني ماعرف شلون جنت ابررلها مواقفها صدكت بيها واني مغمضة رجعت لبيتنا وكلي امل اغير من حياتي لان ردت شي جديد انساهم بي .....
وتستمر الحكاية .....