كلت لامي كيفت والكل قرر يروح حتى معمر يأخذ اجازة لان ضايجين من ضغط الدوام ويريدون يتونسون ...كلت لسالي كيفت كالت روحي حركي اعصابهم بلي راح يشوفوه ولج الكل راح يتخبل من يشوفوج هو الجماعة يمكن راح ينجلطوون ههههه...
ظليت صافنة والله سالي متأكدة اني الي راح اتاذة هواية من شوفتهم وعلواه تتفركش الروحة اني اريد ابتعد عنهم ماريد شوفتهم ماريد يكولون تتمسح بينا كل شوية جاية ...
سالي...لا لازم تواجهين كافي هلسلبية الي عايشة بيها اشو همة عايشين حياتهم ولا دايرين بال خو هي ولادايرة بال كاعدة وتخلف عبالها تربطة لان اخذته بلحيلة ولا كانو مسوية شي لا وفوكاها تكلج انجبرت خلي يشوفون الي وصلتيله وحسسيهم انتي مدايرة بال وعايشة حياتج على احسن مايكون وممتتي وراهم وباوعي وردة بصراحة أخوية يريد يتزوج وكلي ع معرفتج ومالكى احسن منج حبي وكلت لامي وكيفت والله ...
وردة...شنو سالي هاي شنو هلخرط ....
سالي...شكو شبيج أخوية مهدي مو تعرفي والله شلون ولد يخبل وانتي هم صايرة موزة...
وردة...وراسن كالت لامي واخذتها رأس مال وامي سوتني فلم ام وردة...والله اذا مقبلتي لاانتي بتي ولااعرفج كافي شمنتظرة كوليلي ...
وردة...سكتت بكيفكم يمةبس والله ممنتظرة احد...طبينا للغرفة وكعتلها دك لسالي ليش هيج ولج ...
سالي....يمعودة دكافي انسي والله اله انسيجياهم واخوية الي راح ينسيج وتغمزلي ...
وردة..بس اني متت وراهم سالي طعناتهم اثنينهم موتتني اني هسة عايشة بلا روح بخيانتهم سالي اني ليش مدانسى زيدون فهميني مو زعطوطة وحبت حبي اله عمر فتحت عيني عليه وهو نطاني امل ليش هيج دمرني واخاف لا ماكدر انساه واأذي واخوج ...
سالي...لا لتخافين اني ادري باخوية راح ينطيج شحنات إيجابية وينسيج امج ...اكلج شنو هلبجي احنة شكلنا هاي من تروحين هناك شراح تسويين واني مثل الصدك اكوللها صيري قوية لا هواية اصلا راح تخليهم يتشمتون بيج كافي وردة كافي ترة انتي كلش ضعيفة اني مانطيج مجال بعد تخلين الناس تستغلج لان الي اذاج عايش ومرتاح كافي وكومي خلي نطلع تشترين هدوم الا اخليج تخبليهم ...كمت كلت لامي وحضرت روحي وهي هم خابرت ع امها وطلعنا للسوك واشترينا هدوم كومة والها هم علمود النسوان يريدون يجون يشوفوها واني اخذت نفنوفين واحد بيج والثاني ماروني ومكياجات وعطورات لان كلشي ماعندي ولا ابالي اطلع اشتريهم كملنا ورجعنا وكعدت عدلتلي شعري ...ورة يومين حضرنا ودنطلع واجوي بيت معمر وشهد وطلعنا سيارتين من الفجر وصلنا جانت ضحى على ظهرية اني رحت لبيت جدي مقبلت اروح لبيت خالي مباشرة كلهم راحو كبل لان بيبي هناك كامت تبقى من وفاة جدي بس اني وشهد رحنا لبيت جدي طبينا سلمنا وكلهم تعجبو بشكلي ظلو صافنيين كعدنا للعصر وجان يجون امي وقيصر وبيت معمر ...امي سلمت عليهم وكعدت ..
ام وردة...حضرن نفسجن زيدون عزمنا ع الغدا باجر وردة...واني انصفكت بلة شراح اطلع حجة مراح يجوزون مني شلون اتصرف هسة ...نمنا وثاني يوم من الصبح كالت كومن ...واني أخذتني الهبطة وحتى مغص صار عندي ماريد اروح كلت لشهد ماريد اروح ...
شهد....امي تكتلج والله كلشي ولا زيدون يزعل امشي عاد لعد احنة شكو جايين كافي عاد هاي الانطوائية...
وردة... انطتني محاضرة من هاي التمام كمت حضرت نفسي لبست جبة خليجية كلها شغل تخبل واني من ضعفت كلشي كام يلوكلي ولفيت الشال وضربت ذاك المكياج وشحاطة تكرمون عاليه طلعت نسوان خوالي صفنو ولج وين جنتي ظامة هلجمال لج وردة ديري بالج من العين لان الكل راح ينصدم من يشوفج لعد اني شلون جنت بلة....
يمعودين قابل شصار اشو كل وحدة تكول للكمر كوم وامي كاعدة وتصلي ع النبي من عيونهم طلعنا جان زيدون هو واخوه واكفين بلباب ميروحون اليوم لدوامهم لان احنة جايين عود..واحنة رحنالهم مشي لان كلش قريبين طبعا من بعيد ضرب صفنة واني منتبهة عليه واسوي روحي مدايرة بال وملهية روحي وية مرت معمر دنمشي بالاخير بوس اخوتي وسلم ع شهد واني ميعرف شيحجي بس يباوع عليه الكل طب جوة شلونك ابو حسام مجاوبني بس يباوع ....
عاد أخو سلوان ولج وردة هاي شنو معرفتج والله... شلونك سلوان ...
سلوان....الحمدلله عيني والله حقج تشيلين خشمج علينة ومنشوفج كل جية والله وردة مالها خلك اثاريج تخافين من العين ...
وردة...لا يمعود اخاف منكم انتو اهلي ...
زيدون...يلا سلوان شوف وين تريد تروح ...
سلوان...وين اروح زيدون دشوف الجمال عيني هاي وين جنتي ضامته علينة ...
وردة...كافي الله عليك راح تخليني انغر...
سلوان...حقج عيني والله لو ممزوج ...
وردة....سلوان كافي ترة مرتك صديقتي .....
سلوان...دنشاقة عيني بس والله دباعي عيونج صايرة تسبي. ...
زيدون...سلواااااان.....
سلوان...رايح رايح يمعود ...
وردة...بقينا اني وامي بلاخير هاي السوالف كدامها وعلاساس ديسولف وياها ويخنزر ع اخوه ...
زيدون...تفضلو عمة تفضلو...
ام وردة...زاد فضلك حبيبي جهالك شلونهم يباوع عليه ويجاوب ...
زيدون...الحمدلله عمة صحتج شلونها ....
ام وردة...زينة حبيبي زينة....
وردة...دخلنا تلكتنا امه وسارة اخته ومرت سلوان صافنين وهم نفس الصدمة والحجي مال الكل ...سلوى جانت ابيت أهلها امي سألت عليها والوجوه انكلبت عاد مرت خالي جاوبتها زعلانة خية ليش هي اصلا تكعد راحة امرمرته للولد وهو كاعد ...
زيدون...كافي يوم سدي الموضوع....
عاد امي كسرت الموقف...
ام وردة... ميخالف مشاكل تصير بين المرة والرجال وبعدين يتصالحون....
وردة...هو يباوع ويدنج عاد مرت سلوان ظلت تخرط هي هم كرايبنه من بعيد واني لهيت روحي وية سارة دتسالني على العملية واكلي والرياضة سوالف بنات و كلشي مسمعت منها لان ماريد اعرف أخبارهم ...
عاد صاحتني مرت سلوان اكول وردة انتي وسلوى جنتو صديقات ليش تخاربتو من بعد متزوجت زيدون كدام شهد ظلت تباوع عليه وعليها عاد شهد جاوبتها ...
شهد...عيني شنو قصدج ترة عيب الي دتلمحيله زين. ..
مرت سلوان...العفو شهودة مو قصدي ...
وردة...لا حبيبتي متخاربنا ماكو شي بس تعرفين مشاغل الحياة واني التهيت بعمليتي وهي هم التهت بحياتها وأطفالها وتبقى بت خالتي وصديقتي بهلاثناء شهد كامت دتغسل لبتها وبقينا وحدنا اني وياها ....اجتي قريب يمي وحياتج الي باكتها منج. ..
وردة...انداريت عليها شنو قصدج ...
مرت سلوان...تعرفين شنو قصدي وكلنا نعرف زيدون جان رايدج الج بس سلوى لافت عليه وخربت بينكم....
وردة...شنو هلحجي ترة ماسمحلج تدخلين هيج ....
مرت سلوان....بكيفج حبيبتي بس اني سمعتها دتحجي بتليفون والي عرفته هي حاجية وية زيدون وحاركة فلمج ع اساس انتي وصديقتج متراهنة عليه توكعي وهو تخبل عباله صدك وجانت ردة فعله قوية من خطبها لا عبالج تحبج متحب أحد غير روحها وقبل فترة هم كبت العيطة وانفضحت كدام زيدون لان سمعها تحجي بتليفون تكلها ماعرف المن انتي الي وزيتيني وخليتيني اتبلى عليها وخايفة ليصير شي بواحد من جهالي من الي سويته وكتلها ووداها لاهلها النهار كله مشاكل زعطوطة متسمع كلامه وهو حجيه حد السيف علينا كلنا وميقبل أحد يخالفه وهي تصرفاتها مموزونة ومتسويله حساب وصار 10 أيام زعلانة ميقبل يرجعها وعمتي طك كلبها ع الجهال وهو كل يومين يروح يجيبهم تشوفهم ويرجعهم. ..
وردة...واني شنو ليش دتحجيلي الي صار صار وانتهى ومو يمي اصلا ولا ابالي ويبقون اهلي احبهم واحترمهم ربي يسعدهم تسمحيلي ورجاءا هذا الحجي متحجي بعد كدام أحد زين واصلا اني انخطبت ومن ارجع نتمم كلشي...طلعت وعفتها ردت مكان افرغ بي الشحنات السلبية إلى انطتنياها دوختني فوك دوختي وخلتني اتورط حتى بلخطوبة المزعومة حسبي الله عليج يولي شكد تحبين المشاكل. ..
ليش سلوى ليش اني شسويتلج وهو هيج من حجاية يصدك. ..رجعت للهول جان طالع ورجع بطبتي للهول ولا شلت عيني ولا باوعت عليه ظليت اتصفن بلحجي الي سمعته وكلما البنات يحجن وياية ارفع راسي اشوفه يباوع اسوي روحي مدايرة بال بعدين كمت لهيت روحي وية سارة بلمطبخ. ..
سارة...وردة عيب اكعدي انتي خطار. ..
وردة...ميدرون اني دانهزم ماريد اشوفه كدامي كلبي يون عليه من شوفته وكلبي يسألني ليش مو عيونج تريد تشوفه مو راحتج بشوفته ...لا حبي اني اضوج من الكعدة ...
سارة...اي عيني بس يعجبنا نباوع عليج صايرة شكل جمال تخبلين مرت سلوان تغمز والله احلى من سلوى ...سارة هجتها كافي عاد شبيج متعرفين تحجين كل وحدة جمالها شكل مو معناها زعلانة ونكعد تحجي عليها كافي بطلي ...
مرت سلوان...اووي عيني سبينا العنب الاسود شصار شحجينا عليها لما مدولبة اخوج ولاعبة بي طوبة هي وأهلها اني شعليه عافتنا وطلعت ....
سارة...لايضل ابالج وردة هاي متعرف تحجي. ..
وردة...لاعادي حبي خلي نحضر الاكل ....
وتستمر الحكاية.....
أنت تقرأ
بقايا حلم
ChickLitحب طفولة وحلم لفتاة تمنت تعيشه بس القدر هو الي يقرر ولو بيدنا نعيش احلى عيشة بس بس بس وردة راح تحجيلكم قصتها
