طبعا بندوي بالعاميه يعني اني ريان مش حنكتب ريان لا بنكتب اني تمام👍
تعريف الشخصيات: الاسماء واقعيه
عيلتي:
ريان:مواليد 2004 نقرا شهاده اعداديه متفوقه في لقرايه طويله و مش رقيقه و مش سمينه هههه مليانه شعري طويل و اسود و عيوني عسليات انحب لقرايه و انحب نكتب وااجد حلمي نصير كاتبه معروفه
اماني :مواليد 91 متخرجه متشتغلش قاريه فيزياء و متجوزه
ايمان :مواليد 90 متخرجه تقري احياء و متجوزه
ايمن: مواليد 89 دكتور جراحه متخرج يشتغل في طرابلس و متجوز من الزاويه و عندا شركات في طرابلس
رحمه:مرته مواليد 92 تقرا طب عيون
امين:مواليد 92 يقرا هندسه
عبد العضيم:مواليد 99 يقرا اولى كليه انجليزي
ماما (سعاد):عمرها 51 سنه ربت منزل
بابا (رجب):عمره 58 سنه يشتغل سواق حافله حالتنا الماديه ممتازه
عندي 4 عمام مش حنتكلم عليهم وااجد الا عيت عمي رمضان و محمد و مفتاح
عمي رمضان: عمره 69 سنه متجوز مرته اسمها فاطمه و عندنا 4 بنات مش حنتكلم عليهم الا وحدا بس اسماء و عندنا 5 اولاد حنتكلم علي محمد بس مرته حنان
عمي محمد:عمره 72 سنه متجوز مرته اسمها عائشه ههههه ماما تقوللها شوشو😂
عمي مفتاح:عمره 45 سنه متجوز مرته اسمها زينب و تقري
عندي 6 عمات بس مش حنتكلم عليهن واجد وقت بنتكلم عليهن نعرفكم بيهن😊
هههه نسيت صحاب خويه أمين اني نقابل فيهم يعني نطلعلهم و نهدرزو و متعودين عليا زي اختهم
خوالي:(اهل امي)
حنتي ام ماما نقوللها امي و امي الي جابتني نقوللها ماما و ام بابا متوفيه و بوه متوفي
امي خوالي:75 سنه 😂 اسمها فاطمه عزوز لاخدمه لا قدمه بس ههههه و مرات نقوللها ختيارة الجن😂
سيدي (بو ماما):87 سنه😂 اسمه عمر شيباني يخدم احني عندنا نقولوله سوق العرب
خالي محمد:عمره 50 سنه يشتغل عندا مقهى متجوز مرته اسمها أمال و عنده 5 صغار عبد العضيم و أحمد و جهاد و مندر و معاذ
خالي عبد الرحمن:عمره 45 يستغل في الحديد متجوز مرته هههه عندها اسمين نسرين و دارين و عندا 3 صغار عمر و بشير و لارين
خالي عباس:عمره 37 سنه يشتغل في مستشفى في الاداره متجوز مرته اسمها فاطمه هههه احني نقولولها بطه عنده 7 صغار اسمهان و همام و بسان و الحارت و رغد و التوأم عمر و فاطمه (هههه الصغار مرتبين حسب العمر😂)
خالي حمزه:عمره 28 سنه يشتغل في مستشفى دكتور و خاطب خطيبته اسمها فاطمه جراحه اكتر شخص مقرب مني واااااجد و كل اسراري عندا
خالي عبد العظيم:متوفي
صاحباتي:
اسيل:قمحيه نقشها رقيق و شعرها قهوي و سمينه شويه
تسنيم:بيضه طويله نقشها رقيق شعرها اسود و طويل
الاء:رقيقه و قصيره سمره شعرها اسود يوصل فكتوفه
هادو صاحباتي المقربات مني ☝و البقيه تتعرفو عليهم مع الحلقات
