بذكرياتي الئسه😿
لعد نص ساعه او ساعه وعيت ع روحي في حجره و يدي فيها تغديه والدكتور مقعمز قدامي و بابا و ماما بحداه
اني..ااه راسي
الدكتور..اهدي اهدي تريحي توا
اني..😢حول هكي بنمشي لي ساره اني
الدكتور..لو سمحتو استاد رجب و استاده سعاد اطلعو شويه
بابا..كيف
ماما..تمام حاضر (وناضت شدت بابا و طلعو )
الدكتور..ممكن تقولي ليش هدا مقعمز يدويلي ولا يكلمني انب كنت نفسك زمان و صارلي زي حالتك بسبب وفات اهلي كلهم امي و بويه و خوتي و اختي الي مانعلم بيها وينهي لتوا دورت عليها سنين واني ندور بس عبس مالقيتهاش كأنها فص ملح وداب قعدت فتره في مصراته
اني..انت مصرااتي
الدكتور..اي😊اني مش نحكيلك بيش تقولك احزني معايه او هكي اني نبيك تصبري انه امك و بوك بحداك وخوك و الناس الي تحبيهم و صاحبتك ربي يرحمها ادعيلها
اني..😢بس هيا ماكانتش صاحبتي بس هيا كانت زي توأمي كل شي مع بعض ديمه مع بعضنا (قص
الدكتور..فاهمك فاهمك بس هيا توا تبي دوعائك وبس متبيش غير هكي منكم حتي ربي في القرآن قال الله تعالى ( و بشر الصابرين الذين اذا اصبتهم مصيبه قالو ان لله وانا اليه راجعون اولائك عليهم صلاوات من ربهم و رحمه اولائك هم المهتدون)صدق الله العظيم
اني..صدق الله العظيم😔
الدكتور..فلذالك منبيكش تزعلي او تبكي وهيا ربي يرحمها وادعيلها تمام😊
اني..تمام صحيت
الدكتور..لا شكر ع واجب واجبي هدا
اني بديت نفك في التغديه الانها تمت و نبي نوض
الدكتور..ممنوع مزال تريحي توا
اني..بس (قص
الدكتور..تعليمات المستشفى هادي ارتاحي
اني..تمام
خشو ماما و بابا
ماما..ريونه نجيبو حاجات من الحوش ونجو باهي
اني..تمام
اني ندوي لدكتور..عادي نسالك سؤال
الدكتور..تفضلي
اني وندوي بسرعه الاني متحشمه ههه..شن اسمك وكان متبيش تدوي عادي ره
الدكتور..ههههههههه بشوي بشوي خودي هوا اسمي حسن محمد ال****
اني..شن اسمك عاود
د.حسن..حسن محمد ال****
اني..شنوووو
د.حسن..خيرك
اني..شن شن اسم اختك
د.حسن..الاء
اني..........
يتبع
الكاتبه: ريان رجب الشويهدي
