ذكرياتي البائسه😿
الشيخ..والله بنتك يا استاد رجب دايريلها سحر
بابا..شنوو كيف سحر من بيديره ماعندناش حد فالحوش احني غيرنا
الشيخ..اهدى يا استاد رجب تتعالج انشاء الله و ينفك السحر
بابا..بس من بيديرا ياشيخ محمد معندي حد اني
الشيخ..رد بالك ياولدي من الاقارب الي جايين من برا رد بالك
بابا..شن تقصد
الشيخ..حيجي يوم وتفهمني يا رجب
و قعدو يهدرزو شويه و روح الشيخ واني ماطلعتش من داري بكل
فاات الوقت واني قعدااا علي نفس الحاال بس تحسنت و بدا الشيخ يجيني كلل يوم و ايمن و رحمه مشو لي طرابلس بس ايمن قعد اكتر من 10 ايام مكلمناش بكل لين في يوم اتصلت بينا ام رحمه (مفيده)و قتلنا ايمن مريض وااجد واحني جايينكم فالطريق بنجيبوهلكم فاات الوقت و جابو ايمن اني نسمع في دوشه نضت
اني..ماماا من فيه
ماما ماردتش عليا و صوت بكاها (عياطها) واصل لعندي فوق بديت ننزل من ع الدروج و نبرق لين خشيت لدار
انيي..😭لاااااااالااااااا عدييييي عدييييي انت تبييي تقتلنييي شن تبييي منييي عدييي عدييي
وقعدت نعاود في نفس الكلاام لين جتني ماما و عضيم نوضوني لي داري و اني قعدا شاده ع وجهي و نعيط و نقول بعدوه بعدوه بيقتلني
فات الوقت وايمن زاادت حالته في السوء و مفيش تحسن و الدكاتره قالو عندا السحايا (بعيد عليكم) بابا قال بنرفعه لي المانيا وهداكا الوقت كان عندنا عزي ولد عمي متوفي فاماما ماعدتش و بابا اصر عليا نمشي وافقت مشينا غادي وصلنا للفندق و ايمن رفعو للمستشفى طول و بابا مشاله واني تمت فترة علاجي بس مزال متقبلتش الموضوع يعني كييف اني نكره خويه مسحيل و حتي مانبيش نشوفه مزال
بعد مرور 7 ايام
اني نضت الصبح زي كل يوم درت الفطور و فطرنا و عدا بابا و قعدت بروحي كالعاده عديت قعمزت نتفرح عالترفيزون لين شويه و تليفوني اتصل
برقت فيه لقيته (خوي الغالي ) رديت عليه بس مدويتش بس الصوةت كان متع شخص يبكي
ايمن..ريوونه تعاااليلي مستااحشك ريونه انتي تسمعي فياا تعاليلي بالله عليك ريونتي مستاااحشك ع خاطري تعالي باهي ادوي نسمع صوتك بس هيا ع خاطري ريوونه
انيي بديت نبكي و سكرت عليه مشيت قعمزت ع السرير و انفجرت بكي
اني..يااا ربيي لييش كل هدا يصيييرليي اني بسس ليييش لييش ياربي شن درت انيي شن درت يااربي خليه ياربي
وقعدت قرييب 5 ساعات واني في مكاني ليين رقدت نضت مع الساعه 8 الليل بتوقيت المانيا
نضت وقلت حنمشي للمستشفى و حنشوفه لبسة دبشي و طلعت خديت تكسي و مشيت اول ماوصلت سالت الرسبشن (الاستعلامات) طبعا مانفهمش فيها وااجد اني بس كنت نسمع مره مره في كلمات و نفهم فيهن الانهن انجليزي مشيت وين ماقتلي بس ياا رييتني ما مشيت اني فتحت الباب بفرحه
اني..اييممننن
بس لقيت الدكاتره يغ............
يتبع
الكاتبه:ريان رجب الشويهدي
