اسفه كان فيه اغلاط املائيه الاني نكتب و دموعي مش قادره نشدهم و صعب عليا نكتب قصتي هكي و الناس تقراها 😭
ذكرياتي البائسه😿..
بابا و الشباب خاشين و رافعين صدوق (تابوت)اني طحت معاش رفعوني كرعيا و ماما وخواتي يبكو والنساوين يزغرتن (احني عندنا وقت يجيبو الشهيد يقعدو يزغرتو عليه و يقولو لا اله الا الله والشهيد حبيب الله)
دخلوه و بابا نادا ماما و خواتي اني مخشيتش معاهم كرعيا مش حاملاتني جتني ساره تجري نوضتني و دخلتني و ماما كانت مقعمزه علي راسه و تبكي و خواتي يبكن و منهارات وخالاتي والاقارب واقفين يبكو
اني..لو سمحتو ممكن تطلعو شويه😢
ماما تعنقاته..اني منيش طالعه😭
اماني..ريان اسكتي شن اطلعو هادي
اني..اطلعوووووووو اطلعووووو خلوني معاااااااه بروحي شويه بسسسس😭
بابا فهمني..اششسس يابنتي خلاص اسكتي حاضر توا خليهم شويه و يخشو الشباب صحابه يشوفو و يطلعو واقعدي معاه بس راههو عندك 10 دقايق يا ريان 10 دقايق بس اني مش حنطلع
اني..😢باهي غير خلوني حتي 5 دقايق بالله عليكم
ماما تبكي و تدويلا..اميين و ين عديت يا ولدي وين عديت و سيبتنا وين خليت مكانك يا غالي (واغني عليها)
اماني و ايمان جوها ..ماما مااااماا نوضي نوضي
اني..😭ياربي اللهم اني اسألك رد القضاء او اسالك اللطف فيه يااااااااارب يااااااارب😭😭
بابا..اييييمن عضيييييممم
ايمن خش هوا وعضيم يجرو..خيركم خيركم ماماااااا
ايمن و عضيم رفعوها يجرو وطلعو و راها خالاتي و قعدن خواتي
واني منهاره و مش عارفه في من نبرق امين الي قدامي شويه و بيقلو معاش بنشوفه ولا ماما الي حالتها مايعلم بيها الا ربي
بابا..ايمان اماني اطلعن بيخشو صحابه
اماني جت بتنوضني
بابا..خليها
ايمان..بس
بابا قطع عليها..الكلام كلمه
ايمان واماني طلعو وقعدت اني و خشو صحابه شافوه و جي حسن لي بابا قاله هيا وقت يا عمي
اني..لاااااااااا لااااااااااا اميننن مش حيعدي لااااااا لااااااا بالله عليكم خلوني شويه بس😭😭
بابا جي حضني..اششش خلاص ريان اهدي اهدي
بابا اشر لي حسن متع مزال شويه
اني..بابا معليشي سيبني شويه
سيبني نضت جبت المصحف و قعمزت بحدا راسه
اني..انت كنت تقولي ريونتي صوتك حلو في القرأن اقريلي واني توا بنقرالك بس الاسف بتكون اخر مره
و بديت نقرا و اني نبكي و بابا مقعمز ورايا
اني..خلاص توا هكي انت بتمشي و بتسيبني و اني بنقعد بروحي من بيعرفني لما نضايق من يقولي ريونتي انحبك يا غاليه لمن بنشكي همي انت كنت الاب و الام و الخت و الاخ و الدنيا كلها انت كنت كنز بالنسبه ليا اني من توا ييقوف معايه من بيقولي يا طشتي و ياكبيدتي من يا اميييين مننن مننن بس الله غالب ملزومين نصبرو و حنقعد زي ماوعدتك ريونه القويه و حندير الي قتلي عليه و كل شي وصيتهلي (بست علي راسه)ربي يرحمك يا غالي و يسامحك هي توا الاسف بنقولك باي بس حنزورك كل جمعه (ونضت)
بابا نادا الشباب و جو رفعوه و هما طالعين
اني..رورورورورورورورورورووري (كلهم برقو فيا مصدومين)واني باعلا صوت ربي يرحمك يا غالي فااجنه يا امين فالجنه يا امين
و بدن النساوين يزغرتن
واني خشيت لي داري و لحقتني ساره
ساره..ريونه
اني..نعم
ساره..عادي نخش
اني..بدون ماتسألي خشي
خشيت فتحت صندوق كان عندي كنت حاطه فيه ورقه عاطيهالي حيات امين من بداية الحرب و قالي ماتفتحيهاش الا كان صارتلي حاجه افتحيها خديتها و قعمزت نقرا
