ذكرياتي البائسه😿..
احني جيناه نجرو..شن صار
الدكتور..الحمد الله وعت و حالتها مستقره توا بنطلعوها لي غرفه عاديه(وعدا)
اني..الحمد الله يا ربي الحمد الله🙏
بعد شويه و طلعو ساره من العنايه و حطوها في غرفه عاديه
اني خشيتلها نجري..😻ساااااااااارهه كببييددتيييي
ساره بصوت ضعيف..رييو و ونتييي
اني..حيوانه خوفتيني عليك هكي خزووووو عليك يا تيسه
ساره..ههه
ماما..الحمد الله ع السلامه يابنتي
بابا..بشفي يا سروالنا😸
ساره..هههه
اني..الا سارتي ايوا
بابا..لا بناكلوها احني تقولي الا سارتك
ساره..ههه
بابا..هي يا سعاد (ماما)تعالي نمشو للفندق نجيبو دبش لي ساره
ماما..تمام هي
وطلعو.
ساره..وين تليفوني بابا ماكلمكمش
اني..اتصل بينا يبي يكلمك امس بس
ساره..شن
اني..بابا دواله كل شي😟
ساره..لييش ياريان لييش
اني..ياساره انتي برقي في حالتك
ساره..ههه ترعشي فيه واني ايامي قريب يتمو
اني بعصبيه..معاش تقولي هكي انتي بتصحي و بتطلعي من المستشفى و بتروحي معانه و بنحققو حلمنا
ساره..بتحققيه بروحك يا ريونه اني معاش نقدر
اني😢..معاااش تقوليي هكي معااش تقوليي هكي انتي بتعيشي و بتروحي معاايه اسكتي
ساره..خلاص ريونتي اسسس اسفه
و قعدما نهدرزو و جو بابا و ماما جابولها دبش
عند ايمن روح للحوش و كان باين عليه علامات الارهاق و قلت نوم
ريونه بنت ميرا..حيي عمووو انت جيت
ايمن..ههه اي جيت تعالي ياشمحه
ريونه جاته قعمزت في حجره..انت وين تنت (وين كنت)
ايمن..ههه عديت لمكان شويه وجيت به وين ريان و حنتك وجدك مهناكش
ريونه..هما عدو لي امليكا
ايمن..ليش عدو هما يدهورو 😊
ريونه..لالا حويله ساله مليضه
ميرا..ريوونه وينك
ريونه..هنا يا ماما بحدا عمو ني
ميرا..اهلين ايمن كيف حالك
ايمن..تمام الحمد الله وانتي
ميرا..الحمد الله
ايمن..وين ماما و بابا و ريان
ميرا..سافرو لي امريكا ع سبه ساره مريضه
ايمن..شن عندها
ميرا..لوكيميا
ايمن..تمام هي نوضي ريونه توا عدي لي مامتك و بعتالي نطلعو جميع باهي
عندنا احني طلعنا كلنا من غرفة ساره الانها تبي تتريح بعد فتره اني قتلهم بنخش نشوفها خشيت لقيتها نايضه و تدور في نفس و مش قادره تنوض
اني مشيتلها نجري..ساره ساره خيرك نادي دكتور ونجيك (وجيت بنمشي بس شدتلي يدي)
ساره..لا ت ت تعالي
اني..ساره بنادي دكتور انتي مش قادره تتنفسي ارخي يدي
ساره..ل ا لا قعمزي ا انيي نعرف ر وحي بنموت و مش حنقعد وا اجد
اني..لا انتي بتقعدي معاايه و بتروحي معاايه فاهمه ولا
ساره.. ا ا اهدي بنقولك حاجه ضروري نقولهلك
اني..ساره بالله عليك خليني نادي دكتور 😭
ساره..ريوونه اسسمعييني انني ربي مش كااتبلي نعيش حققي حلممنا ببروحك و انني ننعرفك تقددري
اني..😭ساااره خلاااص
ساره..ا انيي ببس كببيدتكك و صاحبتك اني بس ساررتك و حبيبتك و وخيتك
اني..😭ساااااره والنبيي خلاااص
ساره..ريووننه متتنسينيش
اني..خلااص خلااص اسكتي خلاص 😭ساااااارهه ساااره ردييي عليا سااره دكتوووووور دكتووووور سااااره نوووضي
ماما..خيركم خيركم
اني..دكتووور فيسعع😭
جو الدكاتره و طلعوني بره وخشو شويه و طلع الدكتور
اني..شنو شنو تكلم ساره ناضت صح
الدكتور..للاسف لا البقيه في حياتكم عظم الله اجركم
اني..لاااااااااا لاااااااا سااااره ماماتتش هيااا وعدتني لالالا كداااب انت كداااااب ساره متموووتش ساره متمووووتش😭(و سيبتهم خشيت لدار الي فيها ساره)
اني..😢هيي نوضي سااره نوووضي حبيبتي (الدكتوره جت بتحولني)
الدكتوره..خلاص لو سمحتي
الدكتور خش يدوي لدكتوره..خليها عادي
اني مش لاهيا بيهم بكل..ساره هي نووضي حبيبتي انتي قتيلي بنحقوو حلمنا مع بعضنا😢و بنمشو لي فرنسا مع بعضنا هيي نوضي ساره نوووووضييي بالله علييك😭
جاني الدكتور يبعد فيا
الدكتور..خلاص لوسمحتي اطلعي
اني..حوووللل انت حوووللل ساااره ماماتتش كدابين انتم كداااااابيييين كداابين ماماتتش ساره لا (واغمي عليا
بعد نص ساعه او ساعه وعيت لقيت روحي في...........
يتبع
الكاتبه..ريان رجب الشويهدي
نعرف بانها خلقه قصيره بس معاش نقدر نكتب اكتر من هكي واعر نكتب شن صار في وفات توامي😭
