الحلقه 11
ذكرياتي البائسه😿....
بس لقيت الدكاتره يغطو في وجها😭
اني قعدت نوخر الورا و مش عارفه شن ندير نزرك او نبكي او نعيط او نهج من هالدنيا شويه و وعيت عالي اني فيه و مشيت نجري لدار خشيت
اني..شن شن تديرو انتو حولو هكي حوووولوووو من هنااا خيركم غطيتو
الدكتور..البقاء لله يابنتي عظم الله اجركم
اني..شن شن شنووووو تقووول انت شنووو مستحييل تعرف شن يعنيي مستحيل ايمن مايمشيش و يسيبني انييي من قعدلي ايمنننن بييعييييش فاااهم ولا و خيركم غطيتو هوااا رااقد صح هوا تواا كان يكلم فيااا قالي تعالي مستاااحشككك انيي جيتتههه انيي نبيي نشوووفه (وقعدت نهز فيه ونبكي)ايييمننن نوووض اني جييتك نووض هياا نووض
الدكاتره كلهم جو بعد سمعو صوت هرجه في الغرفه و بابا جيي و انصدمم
اني نحكي لدكتور و نبرق في الدكاتره الي واقفين يبحتو(يبرقو) فينا
اني..هوا حاينوض صح هوا مش حيمووت صح مش حيمووت قول قووووووول انطق تكلمممممم
الدكتور..اهدي لو سمحتي اهدي هدا قضاء و قدر
اني..منعرفش انييي توااا بتنوووضوووه هوااا تواااا توااا بتنووضوووه
الدكتور..اهدي يابنتي اهدي
بابا يدوي و حابس دموعه..ريان اوعي ع روحك شن تقول
اني..😢هداا اايييمننن يا بابا انيي كيف بنديير
وشويه و دخت معاااش نندري ع شي لين وعيت في غرفه تانيه و يدي فيها تغديه
اني..ااه رااسي
بابا..بسم الله ارتاحي ارتاحي
اني..😢نبي نوض
بابا..قعمزي عضيم بكرا بيجي بيروح بينا
اني..😢و ايمن
بابا..قولي ان لله وان اليه راجعون يابنتي الله غالب هدا قضاء ربي
اني..😢اااه ياربي ااه كلا منهااا كلا منها
بابا..ماتضلميش حد يا ريان
اني..بس
بابا..مابسش اسس خلاص
/
/
/
فات الوقت و جي عضيم تاني يوم و بابا كان في الفندق الانه تاعب و يبي يتريح و اني بحدا ايمن😔
عضيم خش للمستشفى يسال في الرسبشن (الاستعلامات)
عضيم..لو سمحتي وين نلقى غرفة ريان رجب الشويهدي
الممرضه..هدي الي عندهم مريض توفع الايام الي فاتو اسمه ايمن الشويهدي
عضيم..اي هيا تعرفيها هيا وين
الممرضه..اي هادو من مايعرفهمش ياناري عليها لبنت اهيا مفيش حد في المستشفى و مابكي علي سباها و طول اليوم وهيا ساده المصحف و مقعمزه بحدا خوها و تقرا لدرجة الدكاتره استغربو فيها و فيه الي يسجل في الصوت والي يصور شي غريب البنت هدي
عضيم..😰ييي هدا كلا من ريان
الممرضه..واكتر حتى الدكاتره تعلقو بيها و حبوها و ديمه يهدو فيها و يساعدو فيها
عضيم..كويس وين نلقاها
الممرضه..اخر غرفه ع يدك ليمين
عضيم جاني خش لقاني نقرى فالمصحف
اني اول ماشفته نصت حضنته وقعدت نبكي
اني..ايمن عدا يا عضيم😢
عضيم كان شاد روحه بسيف..هدا قضاء ربي يا ريان ادعيله
اني مسحت ع وجهي..ااه ياربي 😔
عضيم..اطلعي هي شن عندك هنا بعدين كيف مخليين حيات ايمن هنا و انتي معاه (وطلعنا)
اني..اني طلبت من الدكتور هكي
عضيم..كييف هكي يا ريان وين بابا
اني..بابا عدا للفندق بيتريح
عضيم..ومسيبك بروحك
اني..معايه اادكاتره كلهم و تقول بروحك
عضيم..لا سمح بكل الدكاتره صار اي باين الانه الممرضه تشكر فيك
اني..باهي كويس
عضيم..بكلل
اني..وبه شن حال ماما وخواتي
عضيم..امك ربي يفرج عليها
اني..😢اااه وخلاص بس
عضيم..طيارتنا الساعه 8 بكرا الصبح
اني..و الدفينه
عضيم..مش معروف
اني..باهي تو امشي شوف بابا انت
عضيم..اي توا ماشي هي اطلعي
اني..عدي اني بنقعد
عضيم..حلوا هدي هيا قدامي
اني..عضييم فكنا وعدي
عضيم..ياربي جيبك ياطولت البال ماشي نجيب بابا ونجي ماتطلعيش من هنا
اني..حاضر
عدا عضيم و قعدت اني نقرا فالمصحف بصوت عالي زي العاده شويه و جاني دكتور (محمد)كان دكتور ليبي بس عتيش بره
د.محمد..اهلا شن اخبارك اليوم انشاء الله تمام
اني..صدق الله العظيم اهو نقولو الحمد الله وانت
د.محمد..الحمد الله
اني..كويس
د.محمد..ممكن نعرف من الي كان معاك
اني..عضيم خوي
د.محمد..اهاا تمام طمنتيني الانه بوك مأمني عليك
اني..كويس بارك الله فيك
د.محمد..اي هي نستأذن
اني..خود راحتك
وطلع
/
/
/
بعد مرور فتره روحنا للحوش و يوم الدفينه اني بتت بحدا ايمن و تاني يوم مزال 10 دقايق و ينقلو
اني حصنته هوا صح متوفي بس اني كنت مستاحشه حضنه..ههه صح انت ماتردش عليا بس انت تسمع فيا و ممكن تكون تشوف فيا ربي يعلم بس بنقولك حقك حناخده ولو كان حيكلفني عمري كلا و يا اني يا هيا في هالدنيا ههه بااي يا غالي توا بااهي بسلامه يا حنين حنستاحشك بس حناخد بكلامك اني ريونه الي كيف الجبل ماتهزه ريح و اعرف انه اني نحبك وانت بنسبه ليا مش خو بس انت كنت عمري بعد موت امين بس توا اني من بعدك وليت جسد بلا روح اااه ياربي 😢هي باااي يا غالي
ونضت طلعت بره و جو بابا و لولاد رفعو و ماما قريب تطلع من عقلها
ورحمه هه رحمه دروحها تبكي بس بلا دموع 😂هههه بكي اخر اصدار هدا 😂و ميرا قعدا هيا هيا و تهدي في ماما هيا وخواتي
/
/
/
/
بعد مرور شهر كان يوم اثنين العشيه الساعه5:00
قعدا اني و ماما و بابا بس فالحوش و ميرا طالعه(للعلم هيا تعرف تسوق)و عضيم طالع
اني..اففف كساد شن هدا وااك
بابا..وليش ماقلتي لعضيم يطلعك
اني..ع اساس ياخد فالكلام و هيطلعني هوا يعني كان نجنح مش هنطلع
ماما..وانتي ديمه مكسده قعمزي واسكتي
اني..ووه تي خيرك يا نبع الحنان فايره
ماما..ترا اسكتي مش ناقصني برادتك
اني..😂منوره يانبع الحنان باهي به خلي نكلم ميرا تجيني تطلعني خيرلي
و شديت تليفوني بنتصل
طوووووووووط طوووووووووط
اني..الووو يا قهره وينك تعالي طلعيني
__..لو سمحتي انتي قريبت البنت الي عندها الهاتق هدا
اني برقت في تليفوني قلت بالك غالطه فالرقم و رديته رديت عليها
اني..ويين ميرااا وانتي مننن
__..صاحبت التليفون راهي...............
يتبع
الكاتبه:ريان رجب الشويهدي
