قالو ليا بلي هو حاس براسو و لبنت للي جات جديدة وعجباتو خاصو يتصاحب معاها هو اللول صدموني بهظرتهم حيت بديت كنفكر فيه ولاكين قررت مانطيحش ليه فالشبكا خصوصا منين عاودولي عليه بلي هو زهواني كيتصاحب مع بنت سيمانا ويقلب عليها سوا قدا غارادو سوا لا
واحد نهار خرجت انا وختي وبنات دربنا نتساراو وقفنا نشريو لاكلاس شريت انا للولى وسبقتهوم قطعت الشاريع هو يوقف علي وكانو معاه شي دراري فطوموبيل وكولهم كانو سكرانين شفت فيه غير هو للي كانشوف فدوك العينين الزوينين مقلوبين وكيضحك خفت وتميت راجع اللور عاد زاد فحالو قالولي لبنات هو ديما على داك الحال
تخلعت مشيت للدار وبقيت كنفكر فديك الحالة للي شفتو بيها ماحملتوش ولاكين كيغاندير نخلي قلبي مايتعلقش بيه ،مابقيتش كانخرج واخا كانقنط جا الدخول المدرسي تسجلت و بديت القرايا وكانتمنا مانتلاقاش بيه حيت منين كانشوفو كانولي حمرا وكانبدا نتفتف فالهدرا تعرفت على بنات واحد كليكا ديال البنات وليت مصاحبا معاهم وقت ستيراحا كنخرجو البرا نشريو الحلوى و رايبي واحد نهار خرجنا فالعشية مين تمينا راجعين تلاقينا بولاد قيسمنا حدا باب الكوليج دورت وجهي لجيهت الشاريع هو يبانلي على رجليه حيت هو ديما ف الطوموبيل اول مرة نشوف فورمتو و طولتو ومشيتو وحوايجو الي دابا مانسيتهومش واحد شوي كيبان لي جاي جيهتي تصدمت حتى بان لي دخل وسط الكليكا هو يجبدها بتصرفيقا لواحد البنت كانت معانا فلكليكا هو يجرها قاليها سيري للدار تانتفاهم انا وياك وشد لولد للي كان حداها كاليه لاش واقف معاها وجاوبو داك دري قالو غي بنت قيسمي مابيني وبينها والو ولف عليه قاليه اخر مرة توقف مع ختي ولا تلوم غيراسك عاد شفتو مزيان و عرفت شباه للي بينو و بين ختو الصغيرة ماعجبتنيش الطريقة الهمجيية اللي تعامل بيها وهو حلال عليه يتفلا على بنات الناس حيت بوكوس و عندو طوموبيل ولاباس عليهم ولاكين قلبي ماطاوعنيش عاد ماكيزيد نتعلق بيه و كانفكر فيه كثر من اللول وصبرت وخبيت للي فقلبي بش مانبيش لشي حد دوزت داك لعام ونجحت طلعت لليسي درت تاخاصوص رياضة وحيت غي هو للي كان معمر قلبي و تفكيري كانو بزاف كيبغيو يهدرو معايا و ماكنتش كانبغي ماعرفتش كن حاسا بلي شي نهار غانهدر معاه ونبدلو للا فضل بديت القرايا من بعد ماسافرت فالصيف باش مانتلاقاش بيه وليت نشوفو صباح و عشيا حيت ماملش بغا يطيحني فالشبكة وطحت نيت ولاكين غي فحبو وحلفت مانطيح ليه ونتنازل ليه بسوهولة و هوا بدا معايا حرب الاعصاب يدوز من حدايا يبقا يشوف فيا يتبسم ويمشي فحالو كنت كانتعذب كانشوفو كيديرلي هاكا وخلاص مين كانشوفو واقف مع شي وحدة
أنت تقرأ
حب من طرف واحد
Romanceقصة مؤثرة ، فيها الحزن و الحب من طرف البطلة لﻷن الحب عند البطل ديالنا لا يسوي شيء (متلاعب) يعني فالبداية غيشوف البطلة كوسيلة باش يضيع وقتو لكن تجري الرياح بما لا تشتهي السفن من بعد مدة غيتبدلو مشاعرو تجاهها لمشاعر حقيقية لكن القدر المؤلم كيتدخل بين...
