كنخاف نتلاقا بيه ، دابا ولا كيشوفني معاها بزاف وكيجي هو وصحابو حدا للييسي قدامنا كانت البيعة و الهضورة مين ماكانكونوش قاريين كانكلسو فيه واحد المرا كان كالس هو و جوج صحابو وانا كنت كالسا مع شي بنات بعادين عليهم شوي تمت واحد البنت جايا العندنا مين كلست هي تقول
البنت: عرفتو الريفي على من هضر
البنات : على من
هي: على امال
حيت مين كانت دايزا من حداهم سمعتهم شنو كيقولو بيناتهم سولو صاحبو قالو
الريفي : شنو سميتها
صاحبو : امال
واحد فيهم قال : شوفو شنو لابسا
قالو : فيستا كحلا وطالقا شعرها طويل
الريفي: باينة فيها مايدار بقا كيدحك وقاليهم عندها فصالا مطرطقا
مين قاتلي ديك لهدرا حسيت بنفسي ضاقت حيت واخا ماعطيتوش فورصا منين يدوز لييا مازال حاطني فبالو يدوزني حتى انا خليتهم ومشيت للدار سديت علي وكلست كانبكي حيت صافي فات الفوت مابقيتش كانتحكم فقلبي ونبزز عليه مايبغيهش وحيت هو مايستاهلش نعطيه قلبي صبرت وقاسيت وانا كنشوفو ديما مع البنات وحاولت نشغل راسي بالقرايا واخا صعيب بديت نتعاود مع جوج بنات وقلت ليهم بلي كانبغيه حاولو يساعدوني ونصحوني باش ننساه حيت هو ريفي يدوز فالبنات تايعيا فالاخير يمشي يتزوج ريفية من بلادو ولاباس عليها بحالهم
موشكيلتي تاحد فهاد الدنيا ماكان كيعمرلي عيني ولا نقد نهدر مع شي حد كنت كانتسناه يحس بي هو لاشفتو بحال ملكت الدنيا لاشاف فيا بدوك العينين عاد كاترجع فييا الروح كنت كانحس بيه من البعيد كانقول البنات هاهو جاي والله قريب حتى كيبان يبقاو يضحكو عليا كيقولولي عندي الحاسة السادسة وانا كنت كانحس بيه غي هو بوحدو تسدت لي الشاهية و ضعافييت مابقيتش كانعس من كترت ماكانفكر فيه تراجعت فقرايتي واخا هكاك نجحت ف اولى باك داك الصيف ماسافرناش حيت جدا مسكينا ماتت الله يرحمها من اطيب خاق الله اتر فيا موتها فنفس لوقت واحد
أنت تقرأ
حب من طرف واحد
Romanceقصة مؤثرة ، فيها الحزن و الحب من طرف البطلة لﻷن الحب عند البطل ديالنا لا يسوي شيء (متلاعب) يعني فالبداية غيشوف البطلة كوسيلة باش يضيع وقتو لكن تجري الرياح بما لا تشتهي السفن من بعد مدة غيتبدلو مشاعرو تجاهها لمشاعر حقيقية لكن القدر المؤلم كيتدخل بين...
