شديتو ودرتو فسطل صباغا خاوي وشعلت فيه العافية وبقيت كالسا فالسطح تاتحرق الكتاب كولو وعيني تسدو بالبكا
سافرت من بعد داكشي قولو هربت لعند بنت خالي باش نبكي فراحتي كلست شهر رجعت غي على ود لقرايا العام التاني فالباك درت الحجاب وليت حدودية ومنعازلة بقات عندي غي صاحبتي وحدا اللي هي ختو وماعمري قلت ليها باللي كانبغي خوها دخل البرد واحد النهار كانت بنت خالي عندي وكان خاصني واحد القصة نلخصها وطلبتها من صاحبتي واخا كان مشا لحال مشيت عندها و ديت بنت خالي مين كنا واقفين قدام الباب سمعنا شي غوات فالدورا وانا كنميز صوتو وسط مليون صوت سمعتو كيتغاوت وانا نقول لصاحبتي را خوك هادا مشينا طلينا لقينا شي صحابو كيدابزو وهو مخشي كيفك وصدق مشاد معاهم
مشينا كانجريو وانا ماحسيتش براسي تادخلت كانفك وكانجروه انا وخواتاتو فركتنا جقلا قاتلي صاحبتي تسناي نقول لخويا يوصلكم قلتليها لا لا غانمشيو بوحدنا
مشيت انا وبنت خالي للدار غدا فال صباح مشيت نقرا كلست انا وصاحبتي قالتلي باللي خوها لبارح مين فكيناه بقا معصب و مشا سكر وجا كيحيح ناس عيطو البوليس وجاو بغاو يديوه ودفع بوليسي طاح وشدوه دوزوه المحكاما
ماحسيتش بدموعي تابداو ينزلو ختو تصدمت فييا ماحكيتش ليها ديك الساعة تال غدا حكيت ليها بكولشي فهماتني ولات اخبارو كاتجيبها لييا
باه دور لفلوس ودوز غي شهر وخرج حاولت نساه واخا صعيب ولاكين العكس كانزيد كانتوحشو ونبغيه واخا كانسمع طوموبيلتو و الموسيقى ماكانطلش من سرجم
كانت واحد بنت جيرانا كانترينيو ف لاصال كانت مصاحبا مع واحد الدري ضريف فينما كانو كيتخاصمو كنت كنصالحهم وليت انا وياه اصدقاء كانوقف معاه عادي فالدرب كان كيدوز بعد المرات كيلقاني واقفا معاه بدا يتقرب منو واحد نهار داك الولد كان كيتناقش مع واحد الشمكار هو يوقف عليه بالطوموبيلا قاليه خلي علك الزبل طلع نوصلك فين بغيتي
تعارف هو وياه وتبادلو النمرا تلاقيت انا وداك لولد من بعد يوماين وعاودلي داكشي اللي طرا فهمت بللي ماشي صودفا والاكين سكت تانشوف شنو غايطرا من بعد كنا انا وبن جيرانا كالسين حدا الدار هو يعيطليها قاليها غاندوز من حداك نجيبلك كادو وشوي بان لي وقفت طوموبيلتو ونزل منها داك الدري جايب كادو لبنت جيران ورجع عندو مشاو فصباح كنت غادا الليسي تلاقيت بداك الصديق سولني : قاللي كاتعرفي الريفي
انا: خو صاحبتي
هو: كان غالط كيصحابليه مصاحب معاك نتي تاشافني عطيت الكادو لبنت جيرانا وسولني واش مصاحب معاك نتي ولا هي قلتليه مصاحب مع البنت اللي مديت ليها الكادو واللي معاها صديقتنا ديماكاتصالحنا ضريفا
هو: اه وي وي را صاحبت خواتاتي داخلا سوق راسها
أنت تقرأ
حب من طرف واحد
Romanceقصة مؤثرة ، فيها الحزن و الحب من طرف البطلة لﻷن الحب عند البطل ديالنا لا يسوي شيء (متلاعب) يعني فالبداية غيشوف البطلة كوسيلة باش يضيع وقتو لكن تجري الرياح بما لا تشتهي السفن من بعد مدة غيتبدلو مشاعرو تجاهها لمشاعر حقيقية لكن القدر المؤلم كيتدخل بين...
