جارنا فالخاريج كيدي الناس ل اسبانيا بكونترا داك لعام جاب بزاف الكونترات حيت خويا لكبير مامرسمش فشي خدما قرر بابا يبيع الدار باش يسيفطو كونترا ب سته د لمليون ماكانش عدنا منين نجيبوها ولا نتسلفوها هاكا بابا غامر على وديت يعتق خويا بعنا الدار وعطينا لفلوس كيما عطاو الناس وحيت رتافع شوية العقار شرا بابا ارض قريبا لدار الريفي ب عشرين مليون ورهنا حدا دارنا اللي بعنا ب خمسه مليون وللفلوس الي شاطت شرا منها طوموبيل حيت الي كانت عندنا فسلا كان باعها ديك الوقت والباقي سرفناه مع المودة ساعا داك لعام من زهرنا اسبانيا وسلتها الازمة وهاداك اللي عطيناه لفلوس هرب لبلاد اوخرا
بقا كولشي معلق وانا كنت مراهقة مرضت حيت ماكنتش باغا دارنا تباع تاحد ماكيغامر بدارو وليت معصبا وكانقول لبابا نتا سبابنا بغيتي تعتق خويا صدقتي غرقتينا كاملين
الحمد لله بردنا ديك البقعة ولات تشدني لاكريز مين كانتعصب بالخصوص جاتنا الازمة فسن اامراهقة ديالي وليت حساسة بزاف وكنبكي ديما بسباب وبلا سباب دوزت الصيف كحل بدا الدخول المدرسي وبدينا نقراو ورجعت للضغط النفسي معاه ولا كيدير معايا تاحراميات حيت حاس بلي كانحس من جيهتو بشيحاجا حيت تزنيكت وجهي كاتفرشني كانتلف فالهدرا مين كانشوفو ولا كيدوز من حدايا وللي زاد اكدلو احساسو كنت واحد المرا ف ساحة الرياضة ماقديتش نلعب وكلست جات ختو عطاتني بورطابلها شنو قالي راسي جبدي نمرتو من الريبرطوار فعلان داكشي اللي درت دغيا حفضتها فالليل دبرت على نمرا جديدة و صونيت ليه غي باش نسمع صوتو وليت كل ليلا غي نبقا نسمعو كيقول الو الو واهدري حيت عارف بنت اللي غادير هاكا وهو باقي كما هو تشوفيه تقولي ماكيدير والو زوين بزاف ولا غي حيت مزعوطا فيه كيبانلي اجمل واحد وهو كيكمي و كيتحشش ويشرب عيطلو واحد نهار وحيت ماعارفش صوتي قررت نتكلم
انا: الو الو لابس
هو: الحمد الله شكون نتي
ضحكت و قتلو : وحدا زوينا هه
هو: على ديك الضحيكا عجبتيني باينا غاتكوني نتي اللي كاتصونيلي كل ليلة وتقطعي
انا: ضحكت
هو: كاتبغيني
انا: لا غي كاتعجبني وبغيت نصحك
هو: والاكين بشرط نعرفك شكون نتي ومنين جبتي نمرتي
انا : لا مانقدش قتلو بغيت نقولك شي هدرا نتمنا تقبلها
هو : اوكي
انا : هادوك الدراري اللي كاتمشي معاهم غادي يخرو عليك را الدنيا مادايماش لموت ماكاتعرف لا صغير والا كبير والا زوين والا خايب
هو : الله يهدينا
بزز علي باش نقوليه شكون انا وقطعت فصباح مين ساليت القراية و خرجت مع تناش بان لي من بعيد ودرت راسي ماشفتوش
أنت تقرأ
حب من طرف واحد
Romanceقصة مؤثرة ، فيها الحزن و الحب من طرف البطلة لﻷن الحب عند البطل ديالنا لا يسوي شيء (متلاعب) يعني فالبداية غيشوف البطلة كوسيلة باش يضيع وقتو لكن تجري الرياح بما لا تشتهي السفن من بعد مدة غيتبدلو مشاعرو تجاهها لمشاعر حقيقية لكن القدر المؤلم كيتدخل بين...
