كنت كانظل ندعيليه بالرحمة خصوصا مين عرفت بللي مات سكران ضرني خاطري وكنت نبهتو
الدنيا مادايماش ماكاتعرف لاكبير لا صغير داك الليلة كان كيودعني بديك التبسيما لوقت اللي ضرباتني الفيقا مع الوحده ونص وتخلعت هو نفس الوقت الي مات فيها حيت الحب ديالو وصل تالنخاع كنت كنحس بيه مقلق فرحان
فداك لوقت جاو عندو صحابو وقالو والو تمشي معانا مشا معاهم لبواط شربو هو شرب غي شوية مابقاش بغا يكلس مين كان خارج واحد كيعرفو قالو وصلنا معك كانت معاه صاحبتو وصاحبتها ركبو بربعة فواحد الفيراج بغا يدوبل جاي كاميو بغا يرجع الطريق لقا واحد مابغاش يعطيه البلاصا فين يدخل وتصاطح مع الكاميو و كولهم ماتو كنت كندعيليه ديما بالرحمة تالدابا مازال كنترحم عليه واخا سمعت بلي اللي كيموت شارب كيدخل موباشارا للنار ماكيشوفش فيه ربي وكنت كنقول ربي غفور رحيم واخا غيتخفف عليه عذاب القبر
من موراها ب عام تزوجت الحمدلله ربي عطانا نعمة النسيان وقلبي دق للمرة التاني ولو كان مازال حي ماكندنش بلي كنت غانتزوج او قلبي يبغي شي حد هاكا
ربي مادارش الساباب بش تكون بيني وبينو شيحاجا حيت ربي مكتب عليه يموت كيما كتب عليا نتزوج براجلي حبيبي ونولد وليد ونسميه على سميتو (المرحوم) ششششت تبقا بيني وبينكم
هادي هي قصتي
______________________________________
كيما العادة متنساوش تديرو فوط و تسيفطولي فالتعليقات اﻷحاسيس ديالكم ونتوما كتقراو هاد القصة
أنت تقرأ
حب من طرف واحد
Romanceقصة مؤثرة ، فيها الحزن و الحب من طرف البطلة لﻷن الحب عند البطل ديالنا لا يسوي شيء (متلاعب) يعني فالبداية غيشوف البطلة كوسيلة باش يضيع وقتو لكن تجري الرياح بما لا تشتهي السفن من بعد مدة غيتبدلو مشاعرو تجاهها لمشاعر حقيقية لكن القدر المؤلم كيتدخل بين...
