طلعت وبالي معاه كنفكر كيفاش تاهو تلف فالهدرا زعما يكون كيحس بشي حاجا من جيهتي موحال عزيتهم وبزو علي نبات على ود العشا ديك الليلة قلبي كيضرب كانقول فراسي عنداك غي يسمعو قلبي فصباح فطرنا ومشينا المقبارة وهو معانا رجعنا مشيت لدارنا دازت يوماين كنت خارجا نتسخر بانلي غادي جيهت دارنا مين رجعت هزيت عيني فالحيط هي تبانلي مكتوبا " كنبغيك امال " وقلب كبير مشيت لدارنا مصدوما ماعرفتش باش تبليت ماقديتش نصدق من تما غبر كنخرج بغيت كنشوفو نعطيه الضو الخضر باش يجي لعندي دازت عشرين يوم داك نهار مايتنسش لي من الماضي الاليم خرجت فالعشية تساريت مين كنت راجعا بانلي كالس حد دارهم شفت فيه وكانت اخر شوفا اخر مرة نشوف عويناتو الخضرين ماسخيتش نمشي وانا كنشوف ديك التبسيما وداك الوجه والعينين اللي ملكوني مشيت الدار وقلبي مقبوط ونفسي مزيرا دخلت البيت سديت عليا ودرت الراديو وصلت تناش ونص هي تبدا اغنية الوليد الوليد انا جيت انا جيت انا جبت جونيمار وزاد قلبي تزير طفيت راديو ونعست مع تناش ونص دربتني الفيقا وقلبي كيدرب قريت القران ودعيتلو بالسلاما ورجعت نعست فالصباح فقت بكري كلست كانوجد الفطور جا خويا لكبير دخل قالي را خو صاحبتك داى كسيدا ومات ماعقتش براسي تالقيت راسي غادا كانجري فالزنقت شعري عريان لابسا غي بيجاما وكانقول ياربي ياربي نكون غي كانحلم كيما ديما كنحلمو داير كسيدا وميت ماسحابليش الحلم غادي يتحقق
وصلت قدام الدار كيبانولي الناس و الكراسي و القاعة كنقول ياربي يكون عرسو وماتكونش كنازتو كنت ديما كنصبر راسي يتزوج شي وحدة و ماصبرتش راسي على الموت ديالو مين طلعت للدار تلاحت علييا ختو كاتقوللي ماعرفتش واش نصبر راسي ولا نصبرك كنقوليها لالالالالا غي كدوب دابا يجي هو موالف يبات برا عاد البارح شفتو مافيه والو بقيت كنشوف فماماه حاسا بيها والاكين مامصدقاش كنت مصدوم دموع مابغاوش يهبطو ماخسيتش براسي تالقيتهم كيديرولي الريحة من بعد مافخت الصدما حيت وقت الكنازا كنت مرفوعا ماحسيتش بالعالم كنت كنقول دابا يدخل مع الباب غي كانحلم لدرجة كنقرس يدي نود نطل من السرجم يبانلي جاي كولشي عاق بيا اللي كنت خايفا منو يعرف مشا الحظة اللي ماتنساتشلي ملي جابوه فالصندوق مو تلاحت عليه ماخلاوهاش تقيسو حيت مافيه مايتشاف نهار غانمشيو القبر فتلت يام كان عيد الحب 2012، كيبحال دفنت قلبي معاه مابقات تحلالي تاحاجا فهاد الدنيا ايماني بالله وبقدرو هما اللي صبروني
أنت تقرأ
حب من طرف واحد
Romanceقصة مؤثرة ، فيها الحزن و الحب من طرف البطلة لﻷن الحب عند البطل ديالنا لا يسوي شيء (متلاعب) يعني فالبداية غيشوف البطلة كوسيلة باش يضيع وقتو لكن تجري الرياح بما لا تشتهي السفن من بعد مدة غيتبدلو مشاعرو تجاهها لمشاعر حقيقية لكن القدر المؤلم كيتدخل بين...
