Love Me, I'll Die

CHAPTER 2

BLACK's POV

"Thanks for enrolling!" Nagpipigil kami ng tawa ni Thawne at Ryke sa katapat naming faculty.

"Di niya alam kung ano iaasal niya kay Black. Hahaha" Ani Ryke na nakapanghawak pa sa tiyan niya.

"Maybe she's flattered, I can't paint her face." Sabat pa ni Thawne na minsan lang sumakay sa trip namin. More on pangangaral kasi yan, kala mo mas matanda sa 'kin.

"Buti at kahit tatlong beses ka lang papasok in 1 week, wala kang sabado at linggo." Napatingin si Ryke sa sched ko. Sino naman kasi sila para diktahan kung kelan ako papasok?

"3 more semester, graduate na tayo mga 'bal." Sabi ni Thawne.

"And it's been 3 years and a half, wala ka paring girlfriend, 3rd year college na tayo, Thawne." Sumakay sila sa kotse ko, kapag magkasama kasi kaming apat, kasama si Liam Chase Dela Cuesta, mas gusto kong ako ang nagmamaneho at walang body guards, saka mas gusto kong iisang kotse lang para more on kwentuhan.

"It's better this way, no distraction, focus sa school, saka sa sayaw."

"'Bal, ang sabihin mo wala kang mahanap na maganda sa Quellin, hahaha! Ewan ko ba dito kay Black dapat may face requirement din sa school eh." Pang-aasar ni Ryke at natawa kaming dalawa.

"Ulul bal, di kasi ako kagaya sayo napatol sa fangirl." Rebat pa ni Thawne, nakikitawa nalang ako para hindi ako masali sa asaran.

"Well, atleast, di ako under ng secretary ko." Napatingin si Ryke sakin. Sabi ko na nga ba!

"Gago, di ako under nun!"

Kelan pako naging under nun ni Ponkan?

"Kelan daw ba babalik si Liam? Ayon lang matinong kausap sa inyo eh." Agad kong binago ang topic. Gagong Ryke kasi, ginagawang tambayan ang kompanya kaya nakikita palagi ang bangayan namin ni Ponkan.

"Eh probinsyanong magpapari yon, kabahan ka pag nagloko 'yon hahaha" Nagtawanan kami habang binilisan ko ang pagmamaneho.

"Nauna ngang mag-enrol si tukmol para lang sa bakasyon niya daw." Ani Ryke.

"Tapos malaman mo, nagcha-charity charity lang pala sa probinsya nila." Nagtawanan ulit kami. Pulutan talaga ang wala kapag magkasama kami eh.

Nakarating na kami sa lounge ko, malapit lang sa bahay, dito kami madalas tumambay kapag buryo sa trabaho o pag-aaral.

"So I'll get going, may aasikasuhin lang ako, mga 'bal." Paalam ni Thawne.

"Sus nakisabay kalang talaga kasi tinamad kang magmaneho. Hahaha!" Pang-aasar ni Ryke.

"Okay good yan 'bal, kakausapin ko lang din ng masinsinan etong si hapon." Inakbayan ko si Ryke habang kinakawayan si Thawne papalayo, walking distance lang kasi ang bahay nila dito.

Agad naman kaming pumasok ni Ryke sa loob ng lounge.

"Anong masinsinan ba yon, bal?"

"Money money money."

Agad namang ngumisi si Ryke, mukhang pera eh, mamamatay kapag hindi mataba ang wallet. Naglaro lang kami ng bilyar, nakakapagod mag-inom eh.

"1 million, make your cousin fall in love with Kinchescka Olivarez." Nakaupo akong nagmamasid sa pustora ni Ryke. "Take it, or take it."

Natatawa itong nananaghoy, habang inaasinta ang tako.

"Sapul."

Pumasok ang Otso sa butas. Agad naman nitong binitawan ang tako.