هل كان حبآ

البارت الخامس

مروان..ضلينا بيت عمي  خلصت امتحاناتي موكلش زين

بس قاومت وي كل المشاكل قريت بدت عطلت نصف

السنة كاعدين انسولف  اني وهيام اقترحت عليه انو

اشوف شغل حتى ابدي ابني بيت لاخواني عجبتني

الفكرة .

هيام ..اقترحت عليه يشتغل وافق بس كال لاتكولين لاي

احد اني  راح اشتغل لان ماراح يوافقون وي الدراسة

اني كلت ليش اقترحت عليه هيج اقتراح بكلبي بعدين

كلت هو هذا التصرف الصحيح لان وراه زواج هوه

واخوانه يكعد يبني بيت من يخلص دراسه واصلا

هومتأخر لازم يتخذ هيج قرار  طلع يدور على شغل بس

جان كلش متحمس رجع باليل كالي لكيت شغلين الصبح

والعصر بس انتي غطي عليه بغيابي كتله اوك مبروك .

مروان ..طلعت ادور على شغل لكيت شغل بمول بس

متعب ينطيني250 بالاسبوع ومحل ملابس

ينطيني150 بالاسبوع وافقت على الشغلين لان عطله

وماعندي شي جنت ارجع للبيت تعبان يكلولي شبيك

اكلهم من الطوبة هالايام العب طوبة واتعشه وانام

وهكذا...

هيام ..جنت كلش ضايجه على مروان يرجع من الشغل

تعبان عيونه ما يفتحهن يضلون يسئلون شبيه اني يضل

وجهي ينطي الوان ما اعرف اجذب اسوي نفسي ما

اعرف بالموضوع اصلا لحد ماخلصت العطلة بدأ الدوام

كام يرجع من الدوام ياخذ كتابة ويروح للشغل استمر

تقريبا على هاي الحاله 4اشهر اجت امتحانات اخير

السنة كتله بعد لاتروح للشغل ضل اقرة .

مروان ..اجت الامتحانات ضليت حاير شلون اقرة وشلون

اشتغل كالت هيام لاتروح ترى اروح اكل لامك انته جاي

تشتغل كلتلها اني احل الموضوع لا تكوليلها رحت لابو

المول الي اشتغل بيه قبل لا احجي وياه كالي المن

جاي غير عندك امتحان ابني روح اقرة واني الزم مكانك

من تخلص تعال اني هواي فرحت وبديت اقره وهيام

وعلي يساعدوني بعض الدروس.

هيام..خلصت دوام بالمدرسه وانطونه عطلة المراجعه

3أشهر خلصت المدارس امتحانات واحنه بعدنه ما بادين