اهلابكم في البارت الجديد
مروان ..وانتي شنو رأيج موافقة علية .
هيام ..حرك كلبي يحجي برود وانه كلبي محترك ردت اغيظة خلي يصير عصبي على الاقل حتى يبينلي بعده يحبني مثل ما انه احبه .كتلة وليش ما اوافق يعني ليش محمد شبي .
مروان ..هي كالت هيج واني روحي شاطت للستار مع ان جنت محافظ على هدؤي حتى ما اكسر خاطرها من كالت هيج فهمت هي تحبة كلتلها مابي شي محمد خوش ولد اللة يوفقج وسديت الخط بوجها اختنك اريد اصرخ اطلع القهر الي بكلبي ما اريد احد يحس علية ضلت عيوني تدمع والوم بنفسي اني الي سويت بنفسي هيج بس علمود مصلحتها لوكايل الها على امها جان انحلت المشكلة ورجعنه مثل قبل بس هسه فات الاوان هي حبت غيري يعني نستني ضليت ادعي على امها هي السبب هي وجعفر اختنك بعد اريد ابجي بصوت عالي اخذت السويج والموبايل وطلعت ركض حتى امي ماتشوف عيوني الحمر صاحت وراي امي وين رايح كلتلها طالع شوية وارجع بدون ما ادير وجهي طلعت افتر واسوق بكل سرعتي تمنيت اموت ولا اشوفها يزفوها كدام عيني رحت للبساتين فارغة وكمت اصرخ باعلى صوتي ليش ياربي ليش لحد ماراح صوتي كعدت ضليت ابجي يعني راحت من ايدي للابد ضليت افكر شلون اشوفها وي محمد لو شلون راح اكدر اتزوج غيرها فكرت اسافر واخلص من هاي الحالة كلت باجر انقل اوراقي لاي دولة بس هاي السالفة يرادلها وكت كلت خل انقل لغير محافضة اهم شي بعيد عن هذا العذاب الي اعيشة دكت علية امي ماعندي صوت احجي وياها دزيتلها رسالة كلتها لاتنتضروني على العشة هسه عندي شغل اخلصة وارجع وخليت الجهاز صامت صارت دنية اليل واني كاعد بنص الزرع باوعت على الساعة صارت بالعشرة باليل خابر علية يوسف رديت كالي وين انته كتلة ضايج وطلعت اتونس شوية كالي يلة ارجع امي ضل بالها عليك كتلة يلة جاي رحت صعدت السيارة ورجعت للبيت سويت نفسي مابية شي بس حتى الي مايفهم من يشوف وجهي يفهم حالتي تلكتني امي وشبكتني خايفة علية هي اكثر وحدة حاسة بية سالتني شبيك كلتلها مابية شي بس تعبان اريد انام صوتي ماكو وعيوني صايرة حمر بس ما رادت تضغط علية عفتها رحت لغرفتي دزيت رسالة لهيام كلتلها باجر ما اداوم شوفيلج سيارة .
هيام ..خل اسولفلكم الي صار وياي من رحت لكلية مروان وشفته واكف وي البنية اني اعصابي انفجرت وفوكاها يكلي اريدها بموضوع خاص رحت يم البنات ماتحملت بعد ضليت ابجي والبنات يسكتن بية حجيت الهن الي صار اجو الشباب شافوني ابجي سألوني شبيج كتلهم مابيه شي بس تعبانه وعندي صداع قوي كالي خالد خل اصيح مروان يجي ياخذج للبيت كتلة رحت صحت بس كال يتأخر عندة شغل كالي كومي اني اوصلج للبيت ماعندي شي خلصنه طفر محمد كاله ليش انته توصلها اني رايح للبيت وهي بطريقي بعد احنه الباب بالباب كلولة اي يلة كومي اني ماوافقت كلت لاساور بهمس كلتلها مروان ميقبل هسه يسويلي مشكلة كالتلي معليج بي شوفي حالتج شلون تعبانه وينج وين هاي السوالف وبعدين اللة العالم موعدة الغرامي يمته يخلص دكومي روحي وي محمد ورتاحي اني قبلت وصلني البنات للسيارة بس اني خايفة من ردت فعل مروان صعدت ساكته ومحمد مكضيها يتبسم واحسة طاير من الفرحة الصراحة كسر خاطري بس مابيدي شي علية نزل جابلي عصير كال اشربي وتصيرين زينة
شربت اشوية كالي اريد اكولج شغلة تفرحج كلتله كول ان شاء اللة خير.
أنت تقرأ
هل كان حبآ
Paranormalماهو الحب؟ وكيف هو الحب ؟ومتى يقع الحب ؟واين يقع الحب ؟وكيف نتعامل مع الحب ؟كل هذه الامور يجب ان نتعلمها لكي نقول اننا وقعنا بالحب ....
