هل كان حبآ

البارت الرابع

هيام..من سديت الخط حسيت بتأنيب الضمير اني شلون اوي هيج شي من ورى اهلي وخصوصا ابوي واثق بينه ثقه موطبيعيه وعدت نفسي هاي اخر مرة احجي وياه وخصوصا بعد ماكتله الي اريده بعد ماله داعي يحجي وياي لان انه نظرياتي بالحياة تختلف عن البنات الباقيه وهاي النظرية انو احجي وياج واحبج ياله اخطبج ماتعجبني وعدت نفسي بعد مااحجي وياه ابدا الى ان يجي يخطبني واذا ماعجبة لايجي عادي جاي افكر واتصفن واجتني مخدة ع راسي جان تطلع امي كالت يله  كومي افرشي افراشات لاعمامج اي ماما كايمه.

مروان ..خلصت الاربعين مالت بيبي وكال ابوي بعد انروح للنجف ومن نرجع نروح لبيتنه اني ضجت من سمعت هذا الكلام لان بعد مااحجي وياها بس.         بالمنا سبات جهزنا نفسنا الكل راح يروح للنجف عماتي واعمامي يعني العائله كله تروح من الصغير للجبير احنه (الولد نمنه )حته نكعد الفجر نشيطين.

هيام ..قرروا اعمامي ياخذون الكل للنجف فلازم نحضر امتعه ل13عائله  بدينه سوينه متاع الريوك بيض سلك وجبن ومربى وجاي وخبز حضرناها بالبيت بدينه نحضر متاع الغده عمي كال اله تسوون دولمه طبعا العالم كله عدنه فصرنه فيلق مالت بنات شباب حوالي25بنت فقسمنه الشغل وسوينه جدر دولمه جبير كولش طبخناه ونمنه اشويه وبدلنه وطلعنه للنجف اول ماصعدنه الكل نام شويه كعدنه نسبح ونقره قرأن هديناه لروح بيبي وصلنه النجف كلهم انفجروا بالبجي كبار وصغار نزلنه كبل رحنه للمكبرة.

مروان..طبعا لازم ينتلي الي يطلع وي مجموعه من النسوان قسمونه كل ولد ياخذ خمس بنات وياه اني اخذت هيام واخواتها واختي كمنه نمشي ونسولف لحدماوصلنه للسوك وصار انتشار مو طبيعي راحن يشترن اني هم رحت عالواهس اشتريت  ساعة الي وشفت ساعة بناتيه حلوة اشتريتها لهيام ادري بيه تموت ع الساعات صحتهن يله بس امشن لان ادري بيهن ما يشبعن من المشتره يله مشيت ويمشن يمي اجه ولد وكام يذب حجي على البنات رحت ادنيت يمه اريد اضربه ولزمتني هيام من ايد واختي من ايد كالن لخاطرنه لتضربه عفته وكملت بس عيوني صارن بكصتي  وصلتهن للسيارة بسرعه .

هيام..جان يريد يضرب الولد بس اذا ضربة ماتخلص السالفه وخصوصا احنه قريبين ع السياره اذا شافو ولدنه راح ينزلون ويا وشبفكج ياطلابه لزمناهه وصلنه للسيارة صعدنه ضميت الغراض الي شتريتهن طبعا اني شفته من اشترى ساعه بناتيه عرفتها الي لان اختار اللون الي اني احبه وردي نوع الساعه قرصها جبير وداير عليه فسفور ابيض كولش حلو انتبت اله من اشتراها فكلت خل اشتري اله سوار بي سورة يس .

مروان ..صعدوا الكل بالسيارة رحنه المكان نتغده بيه غسلنه وتوضينه صلينه بعدين نزلنه الاكل وصبينه الغدة الدولمة كولشش طيبه بعدين لمينه الغراض ورجعنه لاهلنه طبعا السايق نزل الكل يم بيت عمو ابو هيام وصلنه ب7باليل تقريبا الكل راحو بس احنه ضلينه لان بيتنه بعييد صلينه وتعشينه كمت اغسل تذكرت اني ما انطيتها الصوغه مالتها هيه كامت وراي للمطبخ تسوي جاي اني غسلت وكلتلها جبتلج صوغه وانطيتها الها كولش عجبته.

هيام ..اني تذكرت الصوغه الي جبتها اله رحت للمطبخ غسلت وسويت جاي اجه هوه وانطاني الصوغه كتله انتضرني هنا رحت جبتله الصوغه وانطيتها اله فرح هوه كولش بيعدين راحو لبيتهم  لمينه البيت ونمنه ثاني يوم البيت فارغ وحشه يمكن تعودنه على وجود اعمامي مشت الحياة طبيعيه صار وكت انتبه لدراستي خصوصا اني سادس  مثل ما تعرفون رحت دخلت دورات تقويه وجنت اروح ب6الصبح يجي ابو الخط يوصلني اني وصديقاتي وطبعا نور وياي ونرجع12ظهر جانت مرحله كلش متعبه .

محمد ..اني هم رحت دخلت دورات تقويه بنفس المدرسة الدخلت بيها هيام جانن هنه يطلعن واحنه ندخل للمدرسه جنت اشوفها يوميه بس حاولت احجي وياها جانت متسمحلي كلت يله امري لله انتضرها تخلص سادس واروح اخطبها .

هيام..جنت منتبها على دراستي اريد اطلع معدل عالي بدت المدرسة بديت بقوة ودرجات عاليه والحمد لله وصلت امتحانات نصف السنة جبت الجدول وانطونة عطلة اسبوع رجعت للبيت لكيت الاوضاع متخربطة كلش كلتلهم شكو كالو انو عمي ابو مروان بالمستشفى وحالتة خطيرة ضلو واد عمي عدنه لحد ما ابوهم يصير
على الاساس ويرجعون البيتهم بس بعد يومين اجانه الخبر انو عمي توفة احنه انصدمنه بالخبر وهم بدت الفاتحه وخلصت هوه عمي جان ساكن ايجار وجانو جهاله عايشين ع الراتب  ضلوا حايرين اشلون يعيشون وين يضلون  اخذتهم امهم وراحة لبيت امها ضلو كم يوم اتصلوا اخوالهم على ابوي كالولة تعال اخذ ولد اخوك ترى اذونا راح ابوي يجيبهم بس حاير وين يخليهم وهمه 6نفرات واحنه بيتنه بس غرفتين وصاله واستقبال وطابق واحد جابهم  وخصص الهم وحده من الغرف  بس امهم ما اجت وياهم.

مروان ..اجينه لبيت عمي  وخالي ماخله امي تجي كلها بعد ماتحليلهم اذا تردين اتزوجي عمهم وضلي عنده امي رفضت عاقبها خالي ماخلاها تشوفنا امي انجبرت برى كم يوم  تخابر على عمي كالتله تعال املج عليه حتى اضل وي جهالي وخصوصا هيه عده طفل عمرة سنه ماكدرت تفاركه عمي رفض الموضوع وكالتله زواج بس على الورق بعدين وافق لخاطرنه ملجو واجو للبيت

هيام.. دخل ابوي للبيت وياه مرت عمي احنه عبالنه اجت علمود الجهال جمعنه ابوي كال اريد احجي وياكم الكل اجو كال اني تزوجت ام مروان بس على الورق وهيه راح تضل معززه مكرمه بهذالبيت الكل انصدم مروان ماقبل كام يصيح على امه ويكله ليش بسرعه نسيتي ابوي وكامت دموعه تنزل المهم حجت اله الموضوع تفهم   وابوي صارتله مشاكل وي امي بعدين اتفهمت الموضوع.

مروان..الي فرحني بالموضوع راح اشوف هيام بكل وقت بس استحيت منها على الي سوته امي وياهم فوك مافتحو بيتهم النه هيج تجازيهم ضليت اتجنب هيام وما احجي وياها .

هيام ..طبعا صارت هاي الصدمات كلها وي الامتحانات خلصت الامتحانات واني كلش مزينه بيها بس مو مهم يعني نصف السنة واكدر اعدل ماجانت ادري شنو الي راح يصيرلي عبالي خلصت الصدمات ....

ويتبع.....

شنو تتوقعون الصدمة الي جايه علقوا وخل اشوف توقعاتكم وشكرا ع المتابعه صح هذا البارت قصير بس اعوض ع الجايات....ارجوا التصويت