مروان ..طلع الممرض كال انتو اهلها للمريضة طفرنه اني وعمي كناله اي احنه.
ابوهيام..خير شصار شلونها بنتي.
الممرض ..عمي بنتك تعرضت لنزيف قبل شوية وكدرنة
نصيطر على الوضع بس هية هسه حالتها زينة بس
محتاجة دم منو يتبرع الها بالدم .
مروان ..اني سمعته هيج كال واني انهد حيلي حسيت
راح افقدها وماكدر اسوي شي اتسندت على الحايط
وكعدت.
ابو هيام ..اني زمرت دمي مومطابقة وامها هم مو
مطابقة الها بس اخوها نفس دمها بس هو ماموجود
هسه بالبصرة .
الممرض ..عمي لازم دبرون دم الدكتور منتضر .
مروان..كتلهم اني اتبرع الها لان زمرتي Oموجب .
الممرض ..اي زمرتك تتطابق اتفضل وياي للمختبر .
مروان ..كمت رحت للمختبر سحبو مني دم ورجعت يم
عمي شكرني وكعدت بس القلق كتلني بعد نص ساعة
طلع الدكتور طفرنة كلنه كتلة بشر دكتور.
الدكتور ..الحمدللة العملية نجحت والحمدلله على
سلامتها .
مروان .وابو هيام ..الله يسلمك.
ام هيام ..دكتور نكدر نشوفها .
الدكتور.. لا ما تكدرون روحو هسه للبيت والعصر تعالو
شوفوها تلكونها كاعده واشا تردون واحد منكم يبقه
وياها خاف نحتاج شي وبعدين راح يجي التفتيش
ويطلعونكم برا .
مروان..شكراا دكتور.
الدكتور..عفوا هذا واجبي .
ابو هيام ..يلة عمي مروان اخذ عمتك وروح واني اضل
يمها .
مروان ..لاعمي انته تعبان روح للبيت ارتاح واني اضل
اهنا .
ام هيام ..لاعيني هي ردهة نساء يعني شعدكم باقين
روحوا واني اضل يمها والعصر ارجعولي وابدل وي
وحدة من البنات.
ابو هيام ..اي خوش راي يلة مروان امشينة .
مروان..عمي خل ينقلوها لغرفه وندفع الحساب ونطمن على الوضع ونطلع .
ابو هيام..اي عفية ذكرتني اني من فرحتي نسيت
اسمي يلة امشينة نحجز رحنه وحجزنة ودخلوها للغرفة
وامها دخلت وياها وطلعنه للبيت .
أنت تقرأ
هل كان حبآ
Fantastiqueماهو الحب؟ وكيف هو الحب ؟ومتى يقع الحب ؟واين يقع الحب ؟وكيف نتعامل مع الحب ؟كل هذه الامور يجب ان نتعلمها لكي نقول اننا وقعنا بالحب ....
