اهلا بكم في االبارت 33
.......... قراءة ممتعه للجميع ...........
مروان ..كملنة الحفلة بيت عمي عزمونة على العشة ضلينه هاي المرة اني ضليت كاعد امي ما رضت تبقة كالت تعبانة كلتلة ضلي علمودي كعدت وضلينة على العشة تعشينة كلنة بسفرة وحدة نفس قبل كعدت مقبيل هيام كضيناها بس نتبسم ومرت عمي تخزر بهيام وتخزر بية طبعا احنه ماهتمينه الها ماحبينا تخرب فرحتنا كملنة عشة ما اريد اروح وابتعد عنها مرة ثانية بس جرني يوسف جر وهو يضحك علية مشينة لبيتنه كعدت سولفتلهم الصار امي انصدمت كالت هذا كلة صاير بيك وما تكلي كتلها الحمد للة هسه صارت مرتي بعد نسيت كلشي .
يوسف ..واكول لازك لزكة عدهم اثاري مامصدك المسكين لو ادري مخليك هناك .
مروان ..ههه واللة لو ادري هيج كايلك من زمان حاجيت امي كلتلها ترحين باجر تجيبين ذهب لان خطية اليوم هيام لبست حلقتج .
ام مروان ..اي همزين ذكرتني اجيت اكولك على هذا الموضوع بس اني اروح وحدي .
مروان ..اني عندي دوام باجر .
ام مروان ..زين اذا اخذ هيام وياي واخلي اخوانك يم امها .
مروان ..هيام باجر هم عدها دوام يعني وين تخلين اخواني اذا راحت مرت عمي وياج خليها غير مرة .
ام مروان ..يا سودة علية شلون هي داوم باجر بحلقة قديمة وانته شلون داوم بلا حلقة لان هاي حلقت اخوك لازم ترجعها اله .
مروان ..اي همزين ذكرتيني ارجعها بس شنو الحل .
ام مروان ..انتم مو ترحون للدوام سوة مررها للسوك واشتريلها الذهب .
مروان ..اي واللة جبتيها شلون راحت عني هاي الفكرة يلة تصبحين على خير بستها براسها وصعدت لغرفتي اللة اليوم راح انام سعيد بلة خل اجرب هاذة الشعور شنو شكلة تمددت على الجرباية وغمضت عيني اللة راحة السعادة حلوة بس كون اللة يديمها علينا فزيت من مكاني تذكرت حلقت ايمن لاتلزمة خطيبته الصبح لان هوة يوصلها للدوام رحت لغرفته دكيت الباب صاح ادخل دخلت سمعته يحجي وي بنين ضحكت كتلة سد الخط شوية اريد احجي وياك ودعها وسد الخط كعدت يمة كتلة هاك هاي الحلقة لاتلزمك حبيبة الكلب الصبح ههه .
يوسف ..ضل لابسها اليوم اول يوم تلبس حلقة هههه.
مروان ..ادري هي شنو لك هاي حلقتك البسها شلون بس مجرد مراسيم وخلصت باجر نشتري حلقات ونلبسها
يوسف ..صدك باجر تشتري ذهب .
مروان ..اي امي كالتلي باجر هو حلقات هو ذهب احسن لان حتى العرس يمكن نسوي بسرعة لان ما ورانه شي .
يوسف..هههه هااا ماكو صبر شوية .
مروان ..هم هذا سبب ههه بس مانعرف مرت عمي شنو راح تسوي حتى توقف هذا الزواج واني احبها وما اكدر بدونها يعني حل النزاع هو نتزوج بسرعة وعمي كال جهزها واخذها يعني ماعندي شي شفت يوسف كام للكنتور ويحجي وياي .
أنت تقرأ
هل كان حبآ
Paranormalماهو الحب؟ وكيف هو الحب ؟ومتى يقع الحب ؟واين يقع الحب ؟وكيف نتعامل مع الحب ؟كل هذه الامور يجب ان نتعلمها لكي نقول اننا وقعنا بالحب ....
