طعنات الاقربون
للكاتبه :وديان الخير
الحلقه 2
يقولوا احيانا الاقارب عقارب،والعقارب أنواع ،ولكل نوع ليه سم خاص .لكن العامل المشترك ف انواع سموم العقارب كلها إنها تقلب امورك 360 درجة ....
طلع فراس يجري للمربوعه قبل لتشوفه حنين
......
ملاك:ماناقص الا حنين ادافع عليه
سعاد:عطيه مايرفعه
ملاك:ان شاء الله يمه خطرت ف بالي فكره
سعاد:شن فكرتك
ملاك:شن رايك ندمروله حياته
سعاد:كيف هاتي ماعندك
........
حنين اطق ع فراس
فراس:خشي
حنين:جبتلك غداك
فراس قعد يشبح لحنين ويتفكر ف كلامها وكيف ادافع عليه
فراس:مانبيش حنين رجعيه وقولي لامك فراس ماتغداش
حنين:علاش شن فيه
فراس:لا مافيه شيء
حنين:غر احكي فراس
فراس:بري بدلي حوايجك بنطلع اني وياك بس
حنين:بجد تحكي
فراس:اي بري فيسع
حنين:واخيرا بنطلع من غمت الحوش وين نمشوا
فراس:خليها مفاجأة حنون بري هيا تعطلي ع الخمسه دقايق نمشي ونخليك
حنين:تمام خمسه دقايق ونكون واتيه
داليا:شن رايك نمشوا لحوش عمي أحمد خاطري نشوف البنات وخالتي ومنها فرصه باش تشوفي فراس وخليهاله مفاجأة
جنى:اي صح لكن استني خلي نديروا حاجه حلوه نرفعوها معانا
داليا:اي صح هي نوضي يافالحه بنمشوا لحبيب القلب عاد نبو حاجه قنينه
جنى:ههههه ساداته اني قنينه مزال بيطمع يبي حتي الماكله قنينه
داليا:هههه هي هي نوضي بلا دوة
ماريا:ماما ماما خالوا اسماعيل جاي وشكله غريب
داليا عندها بنيه وحده عمرها 3 سنين
داليا شبحت لجنى:شن رجعله هباله هدا
جنى:بالله انتي اللي بعيده علينا وماتندري ع شيئ كل ليله يقعمز هو وفؤاد ولد عمك وجماعته ويشدوها ضحك ومخلطه ع روسهم
داليا:علاش هاربه منه اني ومتزوجه من صغري
جنى:الله غالب ياوخيتي ماعندي ماننديرله تعرفي المده اللي فاتت شكله ماحصلش فلوس يجبد ع بوي الموس مامداير فينا شماته كرهت العيشه معاهم وبوي تعرفيه الفم ساكت ومش قوية شخصيته
أنت تقرأ
طـــعنات الأقربون *مكتملة*
Bí ẩn / Giật gânرواية باللهجه الليبيه رواية منقوله# للكاتبه:وديان الخير رواية جميله أثمن انها تنال اعجابكم#
