طعنات الاقربون
للكاتبه:وديان الخير
الحلقة 8
فؤاد:شن يامرتي الحلوه ماعقوله ماعرفتيش هدا شنووو
جنى سكتت
فؤاد:شن رايك ناخدوا منه اني وياك توا ونطيروا ف عالم تاني تشوفي الدنيا كيف تتغير وتبدا كيف ماتبي
جنى:شن تقول انت اني انسانه نصلي ونصيم ونخاف ربي مستحيل نشرب معاك خليه ليك انت
ومشت وخلاته
فؤاد شدها من شعرها
جنى:اااااه اااااه شعري
فؤاد:هههههه ماتحاوليش اني هادي امنيتي نشوفك تستني ف رحمة مني هكي نبي نعذبك ونكرهك ف عيشتك نكرهك ف اليوم اللي رفضتيني فيه
جنى:حرام عليك وشن الكلام اللي تقول فيه اني بديت مرتك وراضيه بيك
فؤاد:هههه ضحكتيني بس اني مزال مش راضي بيك لن نتأكد إنك تحبيني
جنى:فؤاد شن تقول كيف مانحبكش اني نمووت فيك غر خليني تربح
فؤاد:ع اساس صدقت فيسع فيسع نسيتي فراس بتضحكي عليا قصدك
وتلها من شعرها اكثر وحدفها ع صالون وسط الحوش
جنى تبكي :حرام عليك اني عروستك ومرتك وحبيبتك
فؤاد:ههههه هادي موهبتي نحب الناس تتعدب قدامي
جنى ف خاطرها تقول ..والله الا مريض نفسي انت ياااربي شن يصبرني ع العيشه معاه ااااه ياربي كيف بندير ف روحي ...
وتبكي وبس وهو يتسهوك عليها
.................
داليا:امي امي
نعيمه مقعمزة ف الدار تبكي
نعيمه:شنو داليا مش بتروحي مع راجلك خلاص بنيتي حوستنا تمت بري لراجلك وشوفيه
داليا:غر علاش تبكي بس
نعيمه:نبكي ع حظ اختك جنى مسكينه اللي ماقدرتش ندخل في نصيبها ولا نحكم في خوك لا اني ولا بووك .الله لا تربحه هالاسماعيل....وخالتك اللي سكرت راسها ع الموضوع وقفت معاهم اخخخ يابنيتي
داليا:الله غالب يمه غر معاش تحرقي اعصابك جنى ليها رب اسمه الكريم وربي معاها شن بديري مايقدر عليه الا ربي هالاسماعيل الله لاتسامحه
نعيمه:امييين يابنيتي
.........
فراس:زي ماقتلك ياصاحبي تقلت عليك هلبا وانت عندك امك وخواتك وليهم حق عليك اني بنمشي ندورلي شقه نأجرها ونقعد فيها حوشنا معاش يساعدني نقعد فيه بعد سكنت فوقنا جنى
حمزة:عيييب عليك اني خوك وهدا حوشك وين بتأجر عند البراني وولد امك موجود
فراس:بارك الله فيك نعرفك قدر لكن خلاص من كرمك لن تحشمت وضعي مطول لازم ندير لروحي حل
أنت تقرأ
طـــعنات الأقربون *مكتملة*
Mystère / Thrillerرواية باللهجه الليبيه رواية منقوله# للكاتبه:وديان الخير رواية جميله أثمن انها تنال اعجابكم#
