طـــعنات الأقربون *مكتملة*

الحلقه الحاديه عشـــر

طعنات الاقربون

الكاتبه :وديان الخير

الحلقة 11

فؤاد مقعمز ف الشارع

فؤاد:هههه وامتا ان شاء الله بنشوفك يالحلو

الكبيده "3":شن رايك غدوى تجيني ف الكليه

فؤاد:من عيوني انتي اطلبي واني انفد اللي تبيه

الكبيده"3":تسلملي يالحب

.................

جنى ياربي ياربي ساعدني كيف بندير اني احسن حاجه نتصل بداليا

داليا:ربي يحفظك ياحسونتي

حسن:ويحفظك ليا ياام محمود

داليا: ياعيني ع جده

حسن:ان شاء الله لو جانا وليد بنسميه ع بوي

داليا:ان شاء الله ياااااربي

داليا:لحظة جنى تتصل خلي نشوفها

جنى:هلا داليا

داليا:هلا وخيتي شن اخبارك

جنى:الحمد الله بس

داليا:بس شنو شن فيك جنى

جنى:اني حامل

داليا:شنوووو

جنى بدت تبكي:معاش عارفه كيف ندير كيف بنربي طفل ف بيئة شااارع

داليا:ياربي ماعندك كيف اديري وخيتي سلمي امرك لله وبلكي راجلك يتصلح ويولي انسان كويس وتتهني معاه مرات لما تجيبيله يتغير بالصغار

جنى:والله ماهو متغير اني نعرفه بس اني خايفه خايفه واني قاعده صغيره ومانبيش موضوع الصغار توا وفؤاد بالشكل هدا

داليا:قدر الله ماشاء فعل ماتندريش شن يصير بعدين ادعي ربي تنوضي بالسلامه ويكون طفلك سليم ومعافى ع الاقل يكون عندك من يسندك ولما محتاجه حد يوقف معاك تلقيه ومرات مالقيتيش الخير ف خوك ولا راجلك تلقيه ف صغارك

جنى:زعمااااا

داليا:اكيييد مش زعما مرات الطفل هدا فرج من ربي عليك وتبدي انتي اللي تحكمي وتطلقي ف النهايه شنو لما بيسموه بيقولوا ولد فؤاد وفؤاد مستحيل مايتمناش الحاجه هادي

جنى:طمنتيني شوية بس فؤاد صعب تسيطري عليه راهو جن ماتعرفيشي كيف كل مرة بحاجه وبعدين لو هو بيحط حاجه ف راسه حيديرها ولو عندي منه 10 صغار ياداليا

داليا:اسمعيني ماتسبقيش الاحداث وخلي الامور تمشي عادي وربي فوق مش حينساك

جنى :ياااااارب

.................

فراس مشي سجل ف الجامعه ف كليه الطب سنة خامسه وزاد بالصدفه طلعت يقين ف نفس كلية الطب بس سنة تالثه ..واستمر فراس مدة الاسبوعين اللي فاتوا يراقب فيها من بعيد وكإنه حس بمشاعر تجاها لكن ف نفس الوقت كان يحس إن المشاعر هادي مزيفه ومش حقيقيه وحبه لجنى متغلب ع هادي المشاعر