طعنات الاقربون
للكاتبه :وديان الخير
الحلقة 13
فراس؛واتيات التذاكر للعمرة ياحمزة
حمزة:اي ولد امي واتيات
فراس:خلاص اني مستعد ندير ع خاطر حنين اي شيئ مانبيهاش تشوف ماشافت جنى وتتعذب نبيها تعيش حياتها والمستقبل قدااامها وسايوره يجيها ولد الحلال اللي يستاهلها ويبيها
حمزة:صح كلامك فراس بس شن بتقول للعيله
فراس:مش حنقول اي شيئ حنهربها هروب ومن اللي بيتكمل اختي ورافعها للعمرة هما اصلا توا ف عطلتها ويبوها باش تشوفه ويوافقوا عليه لكن غر يعبوا مدامني حي مستحيل تاخده
حمزة:والله صدقت حتي اني لو كنت ف مكانك كنت حندير نفس الشيئ
فراس:بعد ماسمعت بكاها ف التلفون خلاص معاش نقدر هادي الحنونه فيهم
حمزة:ربي يحفظكم لبعض ..حقا بنقولك اني بنرفع معاي امي واختي للعمرة ع الاقل تتونس معاهم نساوين ف بعض
فراس:باهي مليح بكككل حتي اني قعدت نفكر مع مني بتقعد لكن مداما امك واختك خلاص معناها الامور ميه ميه
حمزة:بإدن الله
................
فؤاد كان برا روح للحوش طايرتله زي العاده
جنى:اهلين
فؤاد ساكت
جنى؛غداك واتي تفضل
فؤاد قعد يشبح لجنى
جنى :خيرك فؤاد شن فيه
فؤاد خدي الطاسه وحدفها ع الارض
جنى:فؤاد شن فيك
فؤاد:مافيا شيئ فوتي امي
جنى مشت للدار
ناض فؤاد ولحقها
جنى:خيييرك فؤاااد شن فييييه
فؤاد:نسألك
جنى:شنو
فؤاد:علااااش
جنى:علااش شنو وضحلي
فؤاد:علاش قلبي يحبك ومش راضي يسيبك علاااش لما نبعد عليك نستاحشك بس لما نجيك نضربك علاااش
جنى:شن صايرلك فؤاد
فؤاد:انتي جاوبيني اني كل يوم نتقطع من الداخل مش عارف كيف نتصرف علاش
جنى:انت الانسان الوحيد اللي مر عليا ف حياتي ومالقيتلاش حل
فؤاد:نحبببك ونشهد بالله الا نمووت فيك بس مش عارف شن فيا اني شن فيا ياجنى
جنى شدت ايديه ونزلت الدمعه من عينها من التعب اللي شافاته منه
جنى:ماعندي مانقولك الا ربي يهديك
أنت تقرأ
طـــعنات الأقربون *مكتملة*
Mistério / Suspenseرواية باللهجه الليبيه رواية منقوله# للكاتبه:وديان الخير رواية جميله أثمن انها تنال اعجابكم#
