طعنات الاقربون
للكاتبه :وديان الخير
الحلقه 7
حمزة:خيرك ولد امي
فراس:مصدوووم ومتفاجأ كيف صار هدا كله فيا وكيف سيبت جنى كيف قدرت نتخلى عليها بالسهوله هادي خليني بالله عليك اجري نبي نشوفها
حمزة:حاضر ياصاحبي لكن الله غالب مش منك كله من مرت بوك
فراس:حسبي الله ونعم الوكيل حسبي الله ونعم الوكيل فيها المشكله ماعنديش حتي دليل شاده عليها باش نتكلم نخاف نتكلم تحشي صوابعها ف ودانها وتبدا تعيطلي وتقول وووك عليا بلي عليا وطلعني سحاره بالله من هو اللي بيوقف معاي من العيله هما مدامهم خلوا فؤاد ياخد جنى بيوقفوا معاي
حمزة: صح والله حق كلامك بلكي ربي يفرج عليك توا
فراس:يستر الله
..........
ملاك تقول ف خاطرها لو ماطيحتكش ياحسن مانتسماش ملاك
طلعت ملاك للجنان
وشافت حسن واقف وشاد التلفون والجنان شبه فاضي بدت تمشي قدامه ع اساس تعول ..حسن شاف وحسه تصنع ودوة زايده ..خبث خرابات بيوت
ملاك :حلا غر تعالي بنمثل اني وياك
حلا:شنوو
ملاك:بندير روحي بندوخ وكلمي هداكا الولد يجيني فيسع ويساعدك
حلا:تمام هي نبدوا
ملاك:يابنات تعالولي حسني تعبانه
حلا:حبيبتي اكيييد من تعب العرس
ملاك:اااه ياراسي اااه
وداخت
حلا :ملاااك ملااااك نوضي تعالووا ساعدوني ..ياخووي ياخوووي تعالى ساعدني
جاهم حسن ع حسن النيه
حسن:خيركم جيبولها اميه
حلا:غر ساعدني ياخوي
حسن:شن بنديرلها غر جيبي اميه تو تتصحصح
حلا جابت اميه وبدوا يرشوا عليها
ملاك:اااه اااه
حلا:ملوكه ملوكه خيرك
ملاك شبحت لحسن طوول بنظرات اعجاب..حسن تحشم ونزل راسه ومشي وخلاها .وحس إن الحكايه فيها إن وشيئ غريب لان ماقدرتش تثقن ف الثمثيل
حسن يقول ف خاطره خيرها هادي الحكايه كلها ماخشتش لدماغي ومش هادي بنت خالت داليا وبنت عمها شن هالعيله ..وبعدين زعما تطلع البنت اللي مرة كلمتني صوتها يشبه لصوت ملاك ومستحيل ننساه الصوت زعما هيا ياربي .لكن حنعرف لان الكاشف ماطلعش نفس اسم عيلتهم مرات الشفرة مش ليها .ولما كلمتها داليا سكرت ف وجها بدون ماتتكلم ومعاش اتصلت ولا ردت ع رقم داليا
أنت تقرأ
طـــعنات الأقربون *مكتملة*
Bí ẩn / Giật gânرواية باللهجه الليبيه رواية منقوله# للكاتبه:وديان الخير رواية جميله أثمن انها تنال اعجابكم#
