#حكايات_شيري
#سيكوباتى
الجزء العاشر....
صدمة خرستنى بجد الدفتر باسمى ودا رسمى انا !!!!!!
طب ازاى واترسم امتا واية كنت انا اللى ببعت لنفسي الصور دى ولا كان بيتهيقلى طب ازاى والدفتر كان جوه الاوضة بتاعت البدروم
هو فى اية
سامى حاول يهدينى بس هو نفسة كان مذعور من اللى بيحصل
قاعدنا وكانت حوالى الساعة ٣.٣٠بعد منتصف الليل
قاعدنا جابلى كوب ماء شربت وحاولت انى اهدا شوية وابتدا سامى يمسك الدفتر ويفتحة
اول ملحوظة انة مكنش محروق ولا ماسه نار
تانى ملحوظة دا رسم طفلة صغيرة يعنى وانتى صغيرة يااسماء
تالت ملحوظة التاريخ من حوالى ١٤سنة ، قطعتوا هنا وقولتلوا يعنى من ساعت مااتحرق الملجأ زى ما القهوجى وعم ابراهيم
قطعنى سامى وقالى احنا مش متاكدين من اللى انتى سمعتية وشوفتية محدش فينا بيخرج من هنا .....
قولتلة ورينى الدفتر دا
مسكتوا منه وابتديت ادور فيه لقيت حاجة غريبة اولا فعلا فى ورق مقطوع منه ودا اكيد اللى اتبعتلى
ثانيا ودا الاهم ان الاشخاص اللى فى الصور لناس هنا فى الملجأ
وبعدين الصور توحى ع قصة يعنى احداث بتحصل
وفجأه واحنا بنتكلم سمعنا صوت خطواط رجل سامى شاورلى انى مقطعش كلامى واستمر واخد نفسة لاتجاه نحو الباب بخطواط بضيئه وفتح الباب فجأه ملقاش حاجة غير عروسة وقعة ادام الباب نصها محروقة
دخلهالى اندهشت بس افتكرت انها كانت ع كرسي جنب السرير اللى علية الهيكل العظمى
وبعدين التفت لسامى قولتلة سامى بتاع مين الهيكل دا
قالى دورى فى الدفتر يمكن نفهم حاجة
اول صورة لفاطمة وابراهيم والولد اياه
وتانى ورقة الولد مربوط بسلسة فى عمود واكل ادامة وعم ابراهيم معاه استنا جنبة العروسة
ثالث صورة مقطوعة
الرابعة دى البنت والولد اللى اختفوا من الدار قاعدين بيرسموا
خامس ورقة مقطوعة و والسادسة
امال لية الرابعة لا
سامى قالى كملى بس
السابعة صورة لابلة عطيات وهى..............
.وسكت من خوف ودهشة
قالى اية ورينى
شاف وعرف سكت لية ، منظر مخيف ابلة عطيات وهى وقعة من فوق عند الدربظين بتاع السلم وراسة نزلت فى السيخ الحديد اللى فى التمثال اللى تحت عند سلم الكبير
طبعا صدمة
حاولت اقلب بعد كدا الورق مش بيتقلب ويتعاد تانى وكانه شريط سينما للجزء دا بس
الورق كأنة اتلزق بصمغ مش عارفين نقلب الصفحة
بس اللى خلانا نتاكد انه مش هيتقلب غير لما الصورة دى تحصل ....
سامى قالى استريحى وانا رايح ع اوضتى وبكرة نشوف
وفعلا قفلت الباب ع نفسي وخبيت الدفتر فى دولابى وروحت اقعد ع السرير وكنت بقاوم النوم بصراحة خايفة
بس النوم والتعب خلونى انام وفجأه ع الساعة ٧صباحا كدا حسيت بزلزال وكان البيت بيقع عليا وتراب وصراخ وانا وكأن حد ربطنى وشوفت الولد وهو جاى بالسيخ الحديد اللى كان فى الرسمة وغرسة فى راسى
قومت مفذوعة واتاريه كابوس مخيف كانى كنت عيشاه
ومفيش ثوانى وسمعت خبط ع الباب بطريقة هستريا .......
