#حكايات_شيري
#سيكوباتى
الجزء الثالث عشر
وفعلا اتفقنا ندخل اوضت ابله فاطمة اللى كانت تحت اخر الممر اللى مودى ع المكتبة وفعلا اتسحبنا براحة عشان نشوف هنعمل اية ونوصل ازاى واستغلينا انشغالها فى المكتب ودخلت اوضتها انا وسامى
دخلنا الاوضة وكانها محدش دخلها ولا عايش فيها تراب وعنكبوت دورت فى كل حته
لغايت ماوصلنا لمذكراتها
اللى اخدناها وجرينا ع فوق نشوف فيها
فتحناها وابتدينا نشوف كاتبة اية
فلاش باك ....
"""""""""""""""""
انا فاطمة مواليد اكتوبر ١٩٥٢ متجوزة من ابراهيم السيد راجل غنى ومعاه قرش وبعد جوازنا دام كتير اوووى ومكناش بنخلف فقررنا نعمل الملجأ دا بس ويشاء القدير اننا نخلف بعد فترة فواذ ابننا الوحيد بس للاسف كان متوحد وعنده نوبات صرع
حاجة خلتنا نخبية تحت فى البدروم ومحدش يعرف عنة حاجة من كتر المشاكل اللى كان بيسببهالنا لدرجة ان ابراهيم كان بيربطة دايما ومن كتر حزننا ع فواذ اتقلب حالنا خالص
""""""""""""""""""""""""""""""""""""""
بصيت لسامى لان المذكرات خلصت يعنى اية مذكرات اربع صفحات
طبعا حاجة غريبة بس فى اخر الدفتر كان فى ملحوظة كان مكتوب التؤمان
بصلى سامى قالى مين دول مفيش فى الملجأ كله اى تواءم
سكت واخد افكر وقولتلة اكيد فى المخروبة دى فى سجل لكل اللى موجدين هنا ....
وفعلا جرينا ع تحت نشوف فين المكتب اللى فية سجلات الملجأ
وفعلا وصلنا وكانت مقفولة وضلمة دخلنا بحذر وع ضوء مصباح
ولقينا دولاب ضخم علية نقوش فتحناه ولقينا ورق ودسهات كتير اخدناها
وطى عليا سامى وقالى الافضل نطلع من هنا
وفعلا اخدنا الدفاتر وطلعنا بهدوء
بس اللى كنت مستغرباه اننا كأننا لوحدينا ومحدش معانا رغم اننا المفروض وسط ناس
المهم طلعنا الاوضة ومعرفش اية اللى فكر سامى بالدفتر الرسم وسألنى علية
قولتله فى الدولاب بتسأل لية ، قالى مستغرب ابلة فاطمة محصلهاش حاجة مع انه من العادة ان لما الصفحة تتقلب تحصل فى ساعتها
بصيتلوا باستغراب وقولتلوا تصدق عندك حق بس دا معناه اية قصدك ان فاطمة عايشة مامتتش ولا يمكن لسة هيحصل
وقومت جبت الدفتر وفتحتوا والغريبة ان الصفحة اتقلبت ع رسمة جديدة
تعبان كبير اوووى ملفوف ع رقبت الولد والبنت اياهم اللى من غير ملامح
نزل علينا دهشة واستغراب بس دا ممنعش اننا مننساش الملفات اللى معانا اللى اول مافتحتها شوفت صورة جماعية لفاطمة وابراهيم وكل الاولاد اللى ف الملجأ ادام باب الكبير بتاع الملجأ وفى ولد وبنت فى شباك فوق فى غرفة تقريبا اللى احنا فيها دى وبردوا ملامحهم مش باينة
وابتدينا ندور ع اى حاجة نعرف بيها التوءمان دول ماصرهم اية ولا هما مين وفين
ووصلنا للملف اللى منه عرفنا منها اللى عيزينوا
وهو ........
