عبدالله: شن الجو يابنت عمي 😹
ياسمين:هه كساد تعال قمعز كنك مصبي؟
عبدالله:اممم يابنت عمي الغاليه ممكن نطلب طلب
ياسمين: احكي وانت ماتجيني الا فوقت المصالح 😪
عبدالله:نا بصراحة معجب بـ منية ونبيك تحكيلي معاها 👍
ياسمين: معقووله 😳😳!
عبدالله:اها جديات حاب نمشي معاها الجو:/
ياسمين:تم تم شوري 😌/عبدالله حتى انا نبي منك خدمة
عبدالله: هاا شنو😪
ياسمين:انا نحب محمد ونبيك تحكيله عليا تخليه يحبني😉
عبدالله:شنوو شنوو😨/تحبي محمد؟
ياسمين:اها نحبه وكان ماحكيت لمحمد مش ح نحكـي لمنية😪
عبدالله:بس امس محمد قال منية خاشه خاطره ويبيها وانا قلت خليني نسبق عليها✨
ياسمين:هييييئ 😳منية الحقيرة 😡خلي نحكيلك شن نديروا
"وبدوا يحــكوا ويخططـوا"
_______________________
"انتــهـت بـاقي الحصص وكل حد روح لحوشه"
"روحت لحوشنا صليت الظهر وتغديت ورقدت لعند الساعه 4 العصر"
"نضت لقيتهم كلهم في الصاله"
انا"بإبتسامه" :خير😊💛
الكل: خير 💗🙂
"قعمزت معاهم وبدينا نهدرزوا"
انا:بابا عادي نفتح فيس
احمد:تييي شنووو فييس تفتحييي فيس نقتلك😡
علي:فوتيه يامنية الفيس، افتحي واتس وفايبر 😊
بابا:شن دخلكم بيها انتوا 😡....هذي بنتي وواثق فيها ❤....عادي يامنية افتحي 💖😊
ماما:........."ساكتة"
انا:ربي يخليك ليا يابابا 😻💗
"ومشيت لداري لحقتني نور"
احمد"طلع وخبط الباب بقوة "
__________________________
انا:يانعلي واخيرا بنفتح فيس 😻
نور: صحباتك فاتحات؟
انا:اها فيه اللي فاتحات بنقالاتهن وفيه اللي واخذات نقالات امهاتهن 😊💛
نور:هههه اها😅
"فتحت الفيس وسميته (راقية بأسلوبي ❤)
"قعدت مكسده عالفيس وانضميت لمجموعات وقروبات وبديت نبحث ع اصدقاء طلعلي اسم
انا:هيييي هذا محمد 😳
نور:يانعلي يهبلللل مانحساباش هكي 😍❤
انا:خلي نفتش صفحته 😻
"كان مسمي روحه"محمد ال....." وماعنداش اصدقاء بنات غير اثنين او ثلاثه....يمكن يكونن قريباته"
أنت تقرأ
نصـيـبـي فيك❤☄(مكتملة)
Romance#رواية_ليبية_ واقعية❤،لا اسمح بنقل روايتي....تحكي عن بنت حبت شاب وتعلقت بيه وفرقوا بينهم الناس والظروف.. ،يمرن سنين ع حبهم وفراقهم وهـل حيجمع بينهم النصيب ولالا؟ كله تتعرفوا عليه مع احداث الرواية 💛 الكاتبة #ســـرو الحاســي
