نصـيـبـي فيك❤☄(مكتملة)

الـــحـــلـــقـــة 23

اسفه ع تاخير
نــصيبي فيــك 💕
الحــلقــة 23
__________________________
في داري...

انا: يعننني خلاص معاش فيه امل "ونبكي"

نور: خلاص شكله كل شي تم فيه"متضايقة بس متبيش تبين"

انا: اااه وخلاص....حنرايف عالمنطقة واهلها وشارعنا ومدرستنا وصحباتي وكلل شي....نور وين نبوا ننتقلوا؟

نور: لـ #$&%....شارع $&$#نفس شارع وسام

انا"نوعا ما تريحت" : باهي كويس قريبة واجد

نور: اها والله مش بعيدة...وحنسكنوا قريب من وسام

انا"ببتسامة" : اهاا

"رديت نقرا وكملت وفتحت النت مالقيتس حـد فاتـح ورقـــدت مانضتش الا ثـانـي يوم ع صوت ماما💤"
.
.
7:00ص
ماما: منية هياا

انا:باهي نضت
"صبيت توضيت الصبح وصليت وقعدت ندعي وقعدت نراجع وماما جنبي"

ماما: هاكي يامنية عسل

انا:ليش ياماما هذا كله

ماما: هذا يخليك تستوعبي وتذكري بسرعه

انا:ههههه كل حد وذكاءه مايصحش واحد غبي ياكل عسل وبعدها يقعد برفيسور كان هذا ليبيا كلها قعدت زي اليابان ههههههه

ماما: هابا عليك وع طولت لسانك...غير كولي وانتي ماشاطرة غير فاللسان 😶

انا"ببتسامة" :ماما تحبيني

ماما"ابتسمت" : اكيد نحبك ونمووت فيك اكثر حتى من خوتك وديمه خايفه عليك وطول عمرك بنيتي الصغيرة

انا"صبيت وحضنتها" :ربي يخليك ليا ياحنونه

ماما: ويخليك ليا...هيا راجعي كويس ونبيك تاخـذيها ع محمد

انا :هههههه لا هذا اذكى مني بـواجد

ماما: لالا نبيك تاخذيها الاولى هيا

انا:هههههه حاضر
____________________________
عند محمد......
"ناض توضى الصبح وصلى وقعدت يراجع بس بدون نية ويفكر في منية"

ام محمد: احميده وين سرحت

محمد: لالاشي غير نخمم"نفكر" في الامتحان

ام محمد : لا عارفتك شاطر وتوا تنجح

محمد: ههههههه ثقة

ام محمد : هههههه اها...مع من بتمشي

محمد : لاعادي المدرسة قريب وتوا نمشي ع كرعيا

ام محمد : تمام

هديل"ناضت" :صباح الخير

ام محمد/محمد: صباح النور

ام محمد: شن واعاك ردي ارقدي الساعه 8

هديل: محمد جيبلي شكلاطه

محمد: باه غير ردي ارقدي ياسمينه