حلقه 21
"صبيت توضيت وصليت الصبح وبديت نقرا ونراجع وقعدت نفكر"
"اليوم حنشوف صحباتي مروه واحلام وراوية وهيفاء وسالمه وكللللهن ❤ فرحااااانه اخيرا حنشوفهن صح نهدرز معاهن عالنت بس مفيش احسن من اني نشوفهن ونحكي معاهن "
"و حنشوووف محمممد 💔 محمد اللي قهررني 💔 زعما شن حندير لو شفته ...بجد رايفت عليه ...لاكن الواضح نصيبي مش فيه 💔"
ماما: منية عدي نوضي واحد من خوتك علي ولا احمد
انا:اوووف بعدها نومهم ثقيييل
"مشيت لـ علي قعدت نواعي فيه"
انا: علي ..علييي..عليوه نووض وصلني للمدرسه
علي"بنعاس":هممممم
انا:هيا صبي وصلني
علي:لالا قولي لأحمد
انا:اوووووف مبررردكم"ومشيت انوض في احمد"
.
.
"خشيت لـ دار احمد لقيته راقد في سابع نومـة"
انا:احمممد..حمادي نوض وصلني للمدرسه
احمد"يتثاوب" :مش فاضي قولي لـ علي ولا عدي ع كرعيك"ورد رقد"
انا: يخسارة بعدها مروه ماشيه معانا
احمد صبا باندفاع: جديااااات 😳
انا:اها اها خلاص حمادي رد ارقد توا نمشوا ع كرعينا
احمد: تي في عييينك تمشوا ع كرعيكم عدي اركبي فالسيارة لاحقك
انا:هههههههه باه
.
.
"مشيـت ركبت فالسيـارة وانـا متزرطـة في قصـة مـروه "حي عليا لو طلعت كـذبـة 😨...مالقيتش إلا حـل واحد"
رنيت عليها....
انا: الـو مـروة شـخبارك
مـروة:اهليين ميمي تمام شنجـوك انتي؟
انا:تمام الحمـدلله....قتلـك مع من بتـمشي
مـروة:ماشيه بروحي عالطريـق ليش
انا: تعـالي نمشوا مع بعضنا
مروه:اسمعي كـان احمـد لالا"تتحشم😹"
انا:لالا تي اي احمـد...ماشيين مـع بابا
مروه:تم جايتـك
.
.
"جـت مـروة ركـبت للسيارة واحمد مازال ما روح"
مروه:هييييي ياكلبة تكذبـي تقولي مش احمد 😳
انا: ياحمـارة اسمعي بابا سيـارته خاربة وماشيين بسيـارة احمد مع بابا
مـروه:اهااا به
انا:غـير قوليلي شن اخبارك
مروه: كساااااد بكل شن اخبار العيد معاك وانس؟
انـا: تمام العيييد كساد...انس جو نظـرات الاعجاب وكذا بس مادورتهش
مروه:وحق ربـي احسن
أنت تقرأ
نصـيـبـي فيك❤☄(مكتملة)
Romance#رواية_ليبية_ واقعية❤،لا اسمح بنقل روايتي....تحكي عن بنت حبت شاب وتعلقت بيه وفرقوا بينهم الناس والظروف.. ،يمرن سنين ع حبهم وفراقهم وهـل حيجمع بينهم النصيب ولالا؟ كله تتعرفوا عليه مع احداث الرواية 💛 الكاتبة #ســـرو الحاســي
