الحلقة 26
محمـد »»نحكي معاك كلمتين بس
انا"كتفت يديا بملل" »» نعم انطق الجوهرة
محمـد »»اسمعي والله مافي بيننا حاجه نا وياسمين اقسم بالله /..والله نحبك وانتي ومانحب حـد غيرك
انا »» اهاا وباه شن دخلني بيك انت وياها تنحرقوا
محمـد »»طروحك مايمشنش عـليا شفتك بدري قريب تطربقي من الغيرة بعدها قعدتي تبكي
انا »»هههههههههههههههههههههه عنجد هذي هههههههههههههههههه وووه بطني
محمد »»عليـش تضحكي؟؟
انا »»اسمـع كلمتين وخليهن في بالك....زمان كنت نحبك ونموت فيك ونغار عليك ..بس توا لااا ...لا انت تهمني....لا ياسمين تهمني.....لا العالم كله يهمني ......تنحرقوا تموتوا تنتحروا ....مايهمنيش....انت عبارة عن حب عابر خـش لحـياتي وطـلع منهـا بكـل سهولة......محمد خلااااااص فووووووتني.....ويـاريت تنساني لاني نسيتك بكـل سهـولة
محـمد بحزن" »»تمام حـ نحاول ننساك ونفوتك بس صدقيني حـ نحبك وطول العمر حـ نقعد نحبك ومتأكد مليون بالمية انـك تحبيني....وحـ يجي يوم وتطلـع قصة ياسمين وعبدالله كـذبة منهم وحـ تشوفـي "ومـشى"
انا »»سامحني يامحـمـد 💔"والله نحبك ومستحيـل ننسـاك"
"رديـت للبنـات وانـا في كـامل التعاسة: ((("
احلام »»هيييي 😱 كنك يامنية ووين خوك
مـروة »»شن صاير معـاك؟
انا »»لا مش خويا طلع غير ملخبطين
احلام »»باهي كنـكٌ حزينة وشكلك باكية؟!
انا »»..........................."وحكيتلهن كل شي"
احلام حضنتني »»خلاص ياميمي والله تعبتي وتّعبتي محمـد معـاك ليش ماتردوا لبعضـكم؟؟
مـروة »»اااااه يامنية والله شكـلك ياما شايله فـ قلبك 💔
انا "نبكي" »»مش مغيييير يامروه وحق ربي 24 ساعة نفكر فيه نحبببه نحبببببه 💔
احلام »»ليييش تعذبي فـ روحك هكي ليش ماترديله؟ حرام عليك والله انتي تتعذبي وتعذبي فـ ولد الناس معاك 💔
انا »»وراس امكم افهمووووني افهموووني وخوتي وبابا اللي واثقين فيا وفي اخلاقي وتربيتي شن ح يكون موقفي لو رديت لـ محمد واهلي واثقين فيا وبنتهم تحب وتكبد من وراهم؟!
مـروة واحلام سكتن »»...........
انا نبكي»»احكن هيا قولن؟ شفتن كيف كلامي كله صح ؟💔
احلام "تنهدت"»» نكذب عليك لـو نقولك كلامـك غلط
المـدير »»منية عبدالله يبيك بوك برا
أنت تقرأ
نصـيـبـي فيك❤☄(مكتملة)
Romance#رواية_ليبية_ واقعية❤،لا اسمح بنقل روايتي....تحكي عن بنت حبت شاب وتعلقت بيه وفرقوا بينهم الناس والظروف.. ،يمرن سنين ع حبهم وفراقهم وهـل حيجمع بينهم النصيب ولالا؟ كله تتعرفوا عليه مع احداث الرواية 💛 الكاتبة #ســـرو الحاســي
