_________________________
"ماما خشتلي في الدار"
ماما:منية عدي اطل.......هيييي 😱 مازلتي مالبستي 😱😱
انا:ماما بالله عليك منيش لابسه ومنيش طالعه فوتوني منبيييش نتزوج منبييييش شنو بالسيف ولاكيف
ماما:وراس بنيتي البسي وديري شوية مكياج ماتحشمنينيش قدام العرب وكان ماوافقتي يصير خير
انا"تنهدت": امري لله "وقعدت نلبس "
"ماما طلعت للصبايا" :اهي شوية وتجي منية ❤☺
فوزية:براحتها ماتخليهاش تستعجل 😘
"انا لبست وحطيت شووووية ميك اب"
شلت سفرة القهوة ومشيت بيها للصالة
فوزية:ماشاالله ماشاالله ربي يحفظك قمر مصور 😍😍
ماما"مبتسمة"
سحر:ماشاالله عليك
انا:تسلمـن
انا:تفضلي ياعمتي
فوزية:يزيد فضلك يابنيتي ماشاالله ربي يحفظك
انا "ببتسامة صفرة" : تسلميلي ياعمتي
انا:تفضلي ياسحر
سحر:شكرا ❤
انا:عفوا "وقعمزت بحذاهم"
سحر:مواليد الكم يامنية؟
انا:2003
سحر:ههههه صغيرونه ...العمر كله
انا:سلمك
فوزيه: نحنا جايين نطلبوا بنتك منية لولدي قيس وزي ماتعرفي ياسعاد ولدي قيس متخرج وبخدمته وبشقته فوقنا وماناقصه شي
ماما:ماشاالله ربي يحفظه
فوزية :سلمك 💗،وكان صار نصيب العرس بعد 5 شهور ❤...وكان تبي القرايه حتكمل لعند الشهادة الثانوية وهيا متجوزه وتوقف
انا:😳😳
سحر: منية سنه كم تقري
انا:ثالثه اعدادي
سحر: اها ماشاالله
ماما: كل شي بالنصيب ان شاالله والشور شور بوها❤
"وبدوا يهدرزوا وماما تتعرف عليهم اكثر وانا نهدرز مع سحر بصراحة خشت خاطري البنت وحبيتها
"قعدت معاهم نص ساعه بالغصب وخشيت، وهما روحوا بعد ساعه تقريبا"
ماما: ها شن رايك فيهم العرب 😍
نور:بجدد يهبلوا والله
انا:سكرن عالسيرة.....ماما قوليلهم مفيش نصيب
ماما:لييش 😳
انا:ماما مازلت صغيرة راني ثالثه اعدادي معقووله بتجوزوني ونقوللكم حاجه والله العظيم ماني متجوزه الا بعد نتخرج او نوافق عالشخص انا بروحي
أنت تقرأ
نصـيـبـي فيك❤☄(مكتملة)
Romance#رواية_ليبية_ واقعية❤،لا اسمح بنقل روايتي....تحكي عن بنت حبت شاب وتعلقت بيه وفرقوا بينهم الناس والظروف.. ،يمرن سنين ع حبهم وفراقهم وهـل حيجمع بينهم النصيب ولالا؟ كله تتعرفوا عليه مع احداث الرواية 💛 الكاتبة #ســـرو الحاســي
