غيرت قدري

البارت الاول والثاني

#غيرت قدري
الجزءالاول
ل وردالعامري
حياتنا جميعا عباره عن قصص تحيكها لنا اقدارنا وتنفذها الصدف اما نحن فنكون راضخين لحكم القدرمستسلمين لمايحدث لنا لان لاحكم لنا ع اقدارنا قصه اليوم يرويها لنا ابطالنا كل مااقوم به هوه الاستماع لهم ونقلها اليكم القصه حقيقيه لنتابع انا وانتم ونتعرف ع ابطالنا

السلام عليكم اني فاطمه م85اصغرفرد بالعائله ولبنيه الوحيده بعداربع ولد يعني مدلله من الكل من الاب ومن الاخوه وشويه بس شويه من ماما تعالو اعرفكم ع عائلتي بابااسمه علي معلم رياضيات وامي مناهل ربه بيت اخويه الكبير حسين م69مزوج وعنده ولدوبنيه  مزوج بنت عمي عدنان والي بعده حسن م70 مزوج وعنده بنيه وزوجته بنت خالتي وبنت ابن عم ابويه  والاصغرمحسن م72 مزوج ومرته حامل زوجته بنت عمي قاسم اما احمد الي هوه روحي من الدنيه م80اقرب واحدالي من اخوتي واكثر واحد سبورت ويشاقه صحيح الباقين هم يشاقون ويحبوني بس مومثله يعني عقلهم بساعات اما احمد فدوم ضحكه البيت خاطب بنت عمي مجبل يعني حاجي بيها بس ينتضرون اختها الاكبرتتزوج حته ايتم موضوعهم طبعاهوه شايفه وعاجبته اول فكره وصلتكم من خلال التعريف ع عائلتي هوه ان زواجنه زواج اقارب اهلي ماشين بقانون ابن العم لبنت العم حته باباوماما ولدعم بابابسبب وضيفته سكن ببغدادلوجودالمدارس بيهااكثروافضل من المحافضات خصوصا ان بعض الاهل ميقبلون بناتهم تدرس بس يعرفن يقرن ويكتبن ايكعدوهن بس بابا اختلف عنهم من سكن ببغدادمن اول متوضف بستينات بغدادعاش بيها فااخذشويه من اطباع بغداد وسمحلي اني ادرس علاقتي بعمامي واولادهم موقويه كلش لان كان والدي ايروح هوه واخوتي دائما بس اني بالمناسبات وطبعامناسباتنه معزوله عن الرجال كانوبيت عمي مجبل يترددون علينه واروحلهم بس بعدمااحمد خطب منهم قلت جيات البنات النه واحناكذلك كامو مياخذوني صار3سنين من اخرمره حضرت بيها ابيت عمي مجبل بزواج ابنه الصغير كنت صف سادس ابتدائي بس باباواخوتي دائمايرحون الهم وخصوصاان عمي هوه الشيخ وجبيرهم سمعنه ان سكينه اخت زينب خطيبه احمدانخطبت يعني اتسهلت شغله احمد عزمونه وبسبب امتحاناتي كنت صف ثالث متوسط مكدرنه اروح قبل يوم الخطوبه لان العاده قبل اسبوع يلتمن الحبايب هههههه راحت امي وزوجه حسين رقيه وزوجه حسن مريم وبقينه اني وباباومحسن ومرته سعاد واحمدببغدادلان بابا دوام واني دوام من رجعت من الامتحانات لكيتهم جاهزين بابا رغم عاش كل هل سنين ببغدادلكن ملتزم من خلال اللبس ببغداديسمحلي بدون عبايه لكن حجابي من صرت صف اول متوسط وبلغت ولبسي مستور ع زمنه جانن الفساتين الغجريه بدلت ع سريع ولبست حجابي وعباتي بيدي لان هناك لازم البسهامحسن جانت عنده سياره دوج(ابوعليوي)  تهز هز الي بيهاههه ومحسن جان لاعب بيهاطوبه كل يوم رايح للديوانيه وراجع لبغداد الدنيه حاره والسياره 4راكب واحناخمسه وسعادحامل واحمدطويل وضخم موسمين بس ضخم واني كلنه ليوره وحاصريني بنص وجني عصفورابينهم وتعبانه من الصبح كاعده ودوخت الامتحان نمت محسيت غير يكعدوني وصلنه جانت الدنيه ده تغورب احناعودتغدينه وطلعنه ومن خض السياره معدتي كالبه ومسطوره سطربس اريدانام نوما السياره خلت راسي طبل وروحي مايعه كوه نزلت ابويه كلهم خلوهاتنام تخربطت صعدني البنات حته مااذكرسلمت ع احدنمت كعدت ع صوت امي اتكومني لان عيب عدبيت عمي انام لل8تتسمه للضهاري خرب حضي عود اول يوم عطله مكعديني ب5الفجرعيوني كوه تفتح بشافعات كمت نزلت الساعه6شكدنمت مشبعانه نوم وهمه كاعدين نشاطهم ويركضون منا ومناانوب مصيبه السلام عشيره نسوان هاي بتت بتتت ماعرف منووذيج بت بت بت اويلي انسطرت مشفت احدمن عمامي ولااخوتي كولهاطالعه من الفجر 🌆

#غيرت قدري
الجزءالثاني
ل وردالعامري
فاطمه: طعبا السفره ممدوده قبل ماانزل وكعدن يتريكن والحبايب اكل وسوالف سفرتهن انشالت 6:30وبدت كلمه صايره مره وكبرانه وين جيتهم صف سادس ناعمه الي يشوفني يكول رابع ابتدائي اكمزويه الجهال وهسه جيتهم تغير جذري طولانه ومبين عليه المعالم الانثويه ولازم بعداصير ويه النسوان اني موطفله بدت هروله الشغل وذبوعلينه المواعين اني وخطيبه احمد زينب والباقين كل وحده لزمت شغله البيت بيه قوم من النساء والاطفال الزلم كلها مهزومه لان عيب نيشان بنيه اليوم كلها رايحه لبيت عمي قاسم كيفت مواعين ريوك شنوهنه عليمن ثنين عليهن بس من شفتهن كانن مواعين قبيله مال ريوك الزلم وريوك النسوان عاااااا مخلصن اله بطلعان الروح ده اطك ضهري وطببو غراض الخبز الصواني والنجاين اشتغل واسب واللعن بكلبي مكعدنه اله ساعه 10وبدت دوخه النسوان كلها تحجي سوه والجهال جوه الرجلين مالحك ارد ع وحده اله واجاني سؤال ❔ ثاني استئذنت بحجه اشوف امي لكيت امي كاعده وحواليها نسوان قبيله ثانيه عااا لعدالي بالمطبخ منوالجيش ذاك اذاانتو هناهم جيش ثاني تورطت شافوني وتعال جاوبي ع اسئله ثانيه شاورت امي كتلها الله واكبر فيلق نسوان شورطني لوباقيه ببغداد احسن انشلت بكرصه من فخذي طبعا مجربين من امج ايدهامن جوه عباتهاوتكرص لااكدراعيط ولاكدراسكت وكلهن كبالي درت وجهي ابتسم حته ماينتبه احد كمت بحجه الحمام اريدافرك زري عبالك جلابتين موايدمن تكرص جان تصيح فطيمه يمه اطيني ايدج كوميني يماااااي رجلي خدرت طبعا تخدر اذاكاعدات تحشن مبقه احد حته قريش بزمن الجاهليه نبشتوه بالحش مالجن كومتهاوهيه مجلبه بيدي طلعنه وافرك بزري بس بعدنه اشتغلت امي تخرمش خدها وتحجي بهمس خزيتيني فطيمه ولج شيكولن عليه 
شسويت ياامي /ولج يحاجنج ع كد السؤال شبيج متعرفين تحجين هاي موالبنوات وياج يسولفن ويضحكن ومدري منين ايجيبن السوالف /يمه ناس تعرف ناس وبينهم سوالف مشتركه اني شعندي وياهم شحجي/ليش ويه نسوان اخوتج تحيرين شسولفين هسه متعرفين /يمه نسوان اخوتي عايشات ويايه اكو سالفه مشتركه بينه /يماااااي بنت علي لسانج رد برد برنو هذا دلال ابوج وج خزيتيني /عافتني وتصيح خزيتيني ااااوووف صارت هوسه لصلاه وانوب دزو الزلم ع غده وممنوع وحده تطلع بس مرت عمي مجبل هيه مرت عمي واخت امي يعني خالتي ساعدتهم وكعدت ع درج ماريدلااروح هنا ولااروح هنا لان بالحالتين اني مستمع وكولهم يحجون سوه انطوش بنصهم جتي خالتي حطت ايدها ع راسي شبيج فطومه مثل الطفل المستغرب /بسرعه نزل دموعي صدك اختنكت وشسوي امي متقبل منين اجيب سوالف اني كوه هيه /يمه بعدبيتي ولج فطيمه شبيج جنج طفل برطمتي تعالي حبيبه منو وياج/محدخاله بس اختنكت ماعرف احد ومده اعرف احس غريبه وامي تحجي علي لان ماعرف اسولف/ههههه هاي امج ام عقلين مجوز احمداخوج عرف كالي عينج عليهاتره تنثول من تشوف احدومحاجيه وياه قبل تضل بس عيون مفتوحه ولسان مربوط هههه تعالي حبيبه زينب يمه صعدي حماتج فوك