دمرني عشگ النت 💔
بارت1
بقلم (ملاك) بصراويه والهيبه تسطر
----------------------------------------------------------
كان يامكان في هذه الزمان جان اكو بنيه حبابه وعلى نياتهه وماتعرف شي من غدر الناس اسمهه زينب. عمرها 18 حلووه بشرتهه حنطيه وعيونهه بني وشعرها طويل وقزومه 😍 ودنفوشه يعني لاضعيفه ولاسمينه وسط
جانت ياهو الياسئلهه تجاوبه بصراحه لان هيه لبكلبها على لسانهه مثل مايكولون. لبينه جانت طالبه صف رابع اعدادي نجحت راحت للخامس.. ...
بالعطله اهلهه اشترولهه موبايل لان صارت فاهمه وتعرف الصح من الغلط وجانوا واثقين انو مراح تسوي شي غلط...
طبعا هيه جان عدهه سيم كارت بس ماعدهه جهاز حديث انترنيت ومااعرف ايش من اهلهه انطوها الجهاز وهيه مخلت برنامج تواصل تعرفه مانزلته ....
زينب / صح مجان عندي جهاز حديث بس جنت دائما اكلب واشوف بالنت بجهاز ابوي او جهاز امي مجان يعترضون وجنت افتح صفحات بجهاز امي اتواصل بيهه طبعا امي تعرف بالصفحات الافتحها جنت اكلهه كلشي تقريبا صح مرات اخفى عنهه اشياء تصير وياي بالمدرسه بس اكلهه من انشر منشور بجهازهه ومن اتعرف على صديقه واضل اراسلهه واحجي وياها ..طبعا مجانت تعارض لان احجيله...
من انطوني الجهاز اني نزلت هوواي برامج لان جنت اعرفها ومطلعه عليهه ومن ضمن البرامج نزلت التلغرام بس مجنت اراسل بيه لان مجنت مشتركه بقنوات. جنت. مشتركه بقناه وحده حسينيه
وماداخله بكروبات جنت اراسل صديقتي واطلع منه
اكثر برنامج استخدمته وتواصلت بيه الانستغرام جنت دائما انشر واعلق بيه....
اجه الشهر الفضيل شهر رمضان المبارك واني جنت اليل كله اكضي اعلق وانشر واشترك بمسابقات ع الانستا....
فد يوم واحد ضافني بكروب ع الانستا واني مجنت اعرف هووواي بالخاص مالته لان مااتواصل بيه ولا اراسل احد بس من اشارك بمسابقه ادخل عليه واطلع ...
اني دخلت للكروب وحجيت بيه وتعرفت ع بنات بالكروب طبعا لكروب جان ولد مسويه. اسمه علاء وجان ضايف بس بنات اتعرفت ع الولد وصارت بينه صداقه حلووه وجنت دائما اكله خيي واحاجيه مثل اخوي وهو جان دائما يساعدني من اواجهه مشكله بالانستا .....
بعدهه سالني عندج برنامج التلي اني كتله اي بس مااتفاعل بيه كالي عندي قناه ع التلي راح ارفعج مشرفه بيهه بس لازم تنطيني رقمج حتي ارفعج مشرفه....
علاء/ اعرفكم بنفسي .. اني علاء عمري 22 سنه بالحشد الشعبي طويل وحلوو يعني ينطلع بيه 😅😅
جنت دائما اسوي كروبات بالنت واضيف شباب وبنات مره سويت كروب بالانستا وضفت بس بنات من ضمن لبنات اكو وحده اسمهه زينب عرفت من حجيهه انو هيه خوش بنيه وماتعرف بفساد النت لان جانت صريحه بالحجي سالتهه اذا عندج تلي هيه كالت اي اني ردت اختبرها حتي اعرف هيه تصادق شباب لو لا طلبت رقمها هيه رفضت كالت مااكدر انطيك رقمي .. ..
كتلهه اريد ارفعج مشرفه ومااكدر هيه رفضت وماقبلت تنطيني رقمها اني بوقتهه عرفت انوو هيه مالهه علاقه بسوالف الحب...
طبعا اني اعزهه واحترمها مثل اختي وماعندي نيه ائذيهه لان متستاهل ... اني هوواي اصادق بنات بالنت بس اصدقاء يعني ماالعب ع بنات الناس واضحك عليهن حتى افضحهن لان عندي خوات واخاف عليهن .....
زينب / علاء رفعني مشرفه واني مااعرف شلون هو كالي اله بالرقم لان مااعرف هوواي بالتلي ..سالته كالي رفعت ومعليج ...
المهم ضليت دائما اتواصل وياه بالتلي وضل يدزلي روابط كروبات دعم حتى يزيد اعضاء القناه واني جنت ادخل انشر رابط القناه واطلع ومااهتم واليدخلي للخاص احضره ....
طبعا اني عندي اخت ازغر مني. اسمهه زهراء واخو اكبر مني اسمه علي.. ..
اختي لان زغيره اهلي ماخلولهه جهاز جانت دائما تتصفح بجهازي وتشوف التريده وجنت اكلهه كلشي يصير بيه واحجيلهه لان اختي الوحيده وصديقتي بنفس الوقت ....
زهراء/ هلاوو اعرفكم بنفسي اني زهراء حليوه وقزومه 😍 فديتني 🙈 علاقتي بزينب كلش قويه ومن نحجي نفس الصديقات جنت كلشي احجيلهه وهيه كلشي تحجيلي ...جنت دائما اكلب بجهازهه ومتعارض جنت اكلب واشوف بكل البرامج المنزلتهه .....
اني نزلت لعبه كلاش اوف كلانس هيه معارضت لان مااكدر احجي بالبرامج اخاف ومااعرف بيهن شي ..صرت الهي روحي باللعبه ..
زينب/جنت دائما انشر بقناه علاء قصص واشعار ورمزيات شباب وبنات وادخل كروبات واضل اتعرف عليهم اذا معجبني لكروب اطلع منه ....
فد يوم جنت اكلب بالانستا وشفت منشور يردون مشرفين لقناه بالتلي اني حجيت وي صاحب المنشور ودخلت قناته ورفعني بعدهه ضافني بكروب خاص بمشرفين القناه تعرفت عليهم وصرنه روح وحده كلنه شباب وبنات واي واحد يواجهه مشكله كلنه نوگف وياه ونساعده لحد ماتنحل مشكلته جانت صداقتنه كلش حلوه ......
يتبع..............
