رواية دحدوحه ومعتصم للكاتبه أيه سيد قرني

الحلقه الاولي

الحلقه الاولي  😂😂

في شقه متوسطة المساحه عباره عن ثلاث غرف وريسبشن وحمام ومطبخ.. وطبعا صاله😂👊

كانت الست عنايات قاعده في اوضتها وبتكلم ابنها في التليفون

عنايات: بجد يعني انت هتيجي النهارده يا الف بركه..
وطبعا احنا كشعب مصري بنعيط في عز فرحتنا وعز حزننا فالست عنايات مكسرتش القاعده وعيطت فعلا..

جوزها لما لاقها بتعيط صقف بأيده اليمين علي ايده الشمال وقال: فعلا بتعزوا النكد قد عنيكم.. يا وليه الواد بيقولك راجع يعني مفروض تفرحي مش تعيطي..

عنايات: الله يا ابو معتصم مش بقاله كتير مشفتوش ووحشني..

رأفت : طب هاتي التليفون اكلم الواد.. هاتي يا شيخه دا انتي قربتي تجبيلي العصبي..

عنايات وهي بتديه الموبايل : خود يا اخويا مبنخدش منكم غير التمألسه ..

وبعد ما اخد الموبايل كلم ابنه وقال: معلش يا حبيبي انت عارف الستات بقي وامك قلبها خفيف وما استحملتش متعيطش.. طبعا يا حبيبي هكون في انتظارك توصل بالسلامه ان شاء الله...
يلا مع السلامه انتي ..

عنايات: استني.. قوله يغطي نفسه كويس قبل ما ينام.. واسأله هو أكل كويس ولا لأ.. وكمان بيتقل في لبسه اصل هناك الجو تلج اووي..

رأفت وهو بيبعد سماعة التليفون عن ودنه شويه: يا وليه عيب اللي بتقوليه ده .ابنك كبر مبقاش صغير..

بعد كده كمل كلامه معاه وقاله: لا يا ابني متاخدش في بالك سلام بقي عشان تلحق تناملك شويه قبل ما تسافر..

وقفل الخط. .

عنايات : ماشي يا ابو معتصم بقي كده...

بعدها قامت وسابتله الاوضه ومشت وهو فضل يضحك علي منظرها...

دخلت المطبخ وجهزت الفطار

وبعد ما حطته علي السفره لقيت بنتها خارجه من الحمام

رهف: صباح الخير يا ماما..
عنايات: صباح النور..يلا عشان تفطري ونادي باباكي..

رهف بمكر وهي بتقرب من والدتها: خير الجميل زعلان ليه.. يكونش الحج ضايقك في حاجه..
عنايات: وانتي مالك يا حشريه. بت مترغيش كتير واعملي اللي بقولك عليه..

رهف: ماشي مع اني يعز عليا اشوف القمر مضايق كده بس كلامك اوامر يا عسل..

وقبل ما تخبط باب الاوضه عشان تنادي والدها يفطر..

وقفتها عنايات وقالت : هم لسه مش صحيوا..

رهف بضيق : اسكتي يا ماما انا معرفتش انام امبارح بسببهم.. دول مزعجين اووي...

عنايات :بت اسكتي لحد منهم يسمعك...

رهف: ياااريت علي الاقل تكون جات من عند ربنا ويمشوا من هنا.. 
قربت منها عنايات وقالت: يا بت بقولك اسكتي عيب..