رواية دحدوحه ومعتصم للكاتبه أيه سيد قرني

الحلقه الثامنه

الحلقه الثامنه😂😂

دحدوحه دخلت الاوضه وقفلت الباب وراها وراحت هوب اتقلبت علي السرير زي البقره الحلوب

ومن شدة توهانها وغيظها من كلام ارنبه مخدتش بالها من المسكينه رهف اللي نايمه علي السرير..

وعينك ما تشوف الا النور دحدوحه قعدت علي رجل رهف..

ورهف هوب قامت من نومها مخضوضه وفضلت تصوت تصوت تصوت 😭😭بصوت عبله كامل😁😜

طبعا دحدوحه اتخضت وهوب قامت رجعت لورا دوغري 😁😁

وبصت ل رهف بقلق وقالت: انتي كويسه يا رهف😝

رهف: يا يا جسمي اللي اتكسر ورجلي اللي اتقطمت ياااني.. عيني عليكي يا رهف كنتي ورده مفتحه دلوقتي بقيتي بطه مكسحه 😲😲😵😵..

دحدوحه 😱: انتي كويسه..

رهف: كويسه.. ده سؤال بردوا تسأليه... 😠

دحدوحه بحرج: انا آسفه والله مكنتش اقصد..

رهف: ليه هوااا نايم ادامك.. مش بني ادمه انا ولا مش بني ادمه.. 😡👊👊

راحت دحدوحه بسكات نحية سريرها وقعدت علي طرفه بحزن..

مرت دقايق علي الوضع ده..

رهف بصت لدحدوحه فلقيتها ساكته علي غير العاده دايما كانت بتاكل او بتنام وصوت شكمانها بيبقي واصل للي بره😁😜😜.

رهف بعد ما حست بذنب نحيتها: انتي زعلتي مني..

دحدوحه: صدقيني لأ.. وانا هزعل منك ليه ☺

رهف😌: اومال.. مالك؟؟!!!!!

دحدوحه: مفيش..

قامت رهف من ع السرير ومشيت نحية دحدوحه وهي بتعرج 😆😆

رهف قعدت جنبها وقالت: علي فكره انا كنت بهزر معاكي 😘

دحدوحه: صدقيني والله مش زعلانه منك..

رهف : بصي بقي انا غلسه وتنحه ودمي رخم ومش همشي من هنا غير لما تقوليلي ع اللي مزعلك 😜😜😜😜😳

دحدوحه بحزن: هو انا وحشه..

رهف بأرتباك لانها لازم تجاوب علي سؤالها وهي مش بتحب تكدب وبردوا متعرفش تزوق كلامها ..من الاخر كده دبش زيي😵😵😂😂😂✌👌👌💪

دحدوحه فهمت سبب صمتها فقالت : قولي الحقيقه مش هزعل

رهف: بصراحه والصراحه راحه.. انتي اللي موحشه نفسك باللوك العجيب اللي انتي عاملاه في نفسك ده..

دحدوحه بصتلها بحزن😰😨😢

رهف: انتي قلتي انك مش هتزعلي وانا كان لازم اصارحك بالحقيقه.. يعني لبسك ده تحسي انك شحتاه من الطالبيه .. ودايما بتتكلمي بصوت ولد.. مع انك بنت ومفروض تظهري انوثتك.. وبتاكلي كتير وده مينفعش لان كده جسمك هيبوظ وهتفضلي تطخني تطخني لحد ما توصلي لنقطه صعب انك ترجعي منها.. كمان لهجتك وشراستك كل ده ميدلش علي انك بنت خالص..