رواية دحدوحه ومعتصم للكاتبه أيه سيد قرني

الحلقه الرابعه

الحلقه الرابعه 😂😂

تالت يوم...

عنايات كانت لسه هتجيب الجردل ابو شرشوفه وتمسح بيه بلاط الشقه معتصم ورهف كانوا بره  ورأفت في شغله وطبعا دحدوحه بتشخر جوه في الاوضه..

وارنبه قربت من عنايات وراحت حالفه انها هي اللي هتمسح وعنايات رغم آلم ضهرها رفضت رفضا قاطعا. .

بس ارنبه صممت وفعلا دخلت هي قبل عنايات المطبخ عشان تجيب الجردل ابو شرشوفه..

بس ارنبه عمرها ما استخدمت الجردل ده  ..فطلعت من المطبخ وراحت الاوضه اللي نايمه فيها دحدوحه وراحت فتحت الدولاب اللي دحدوحه حاطه فيه لبسها وخدت منهم جيبه قديمه اووي  اصلا ارنبه  كانت متغاظه من الجيبه دي وعايزه ترميها في الزباله او تديها للجمعيات الخيريه بحيث تعيد تدويرها بما انها تحتوي علي خمس ست خرم مرقعين بس😂😂ودي طبعا كانت فرصه لارنبه...

وبهدوء خرجت من الاوضه زي ما دخلت وعنايات دخلت اوضتها ترتب الغسيل اللي يدوبها حايشاه من علي حبال الغسيل  وتطبقه وبعدين تحطه في الدولاب... هي ست بيت منظمه من الدرجه الاولي...

وطبعا ارنبه قصت الجيب من فوق وتحت بحيث انها بقت خشيه تقدر تمسح بيها بلاط الارضيه بكل سهوله.. ويا دمارك يا عم قرمط😁😁✌✌

ارنبه مسحت اوضة معتصم والاوضه اللي فيها عنايات وبعدين دخلت تمسح الاوضه اللي نايمه فيها البقره الحلوب دحدوحه وده اللقب اللي ارنبه حاسه انه اتخلق عشان دحدوحه وبس😂

لقيت صوت شخيرها عامل زي شريت الكاسيت اللي سف واضايقت اوووي من نومها فعلا تحسسك انها عربية نقل مقلوبه..

فراحت ارنبه رمت الخيشه بغيظ نحية دحدوه  وديرررب جات الخيشه  في وش دحدوحه اللي قامت مفزوعه من النوم.. 👊

دحدوحه😳: فيه ايه... البيت بيوقع ولا ايه..

ارنبه: لا دا انا اللي رجلي بتقع وضهري اتقطم..

دحدوحه بصت ببرود لارنبه ورجعت تنام تاني وهي بتتاوب وبتقول: ليه بس يا ارنبه.. استهدي كده وكملي اللي انتي بتعمليه 😏

ارنبه مشيت بغضب نحية دحدوحه وراحت هوب شايله المخده من تحت راسها فراس دحدوحه وقعت علي سطح السرير فراحت قامت وصرخت بغيظ: مالك يا ارنبه ما تهدي علي الصبح وسيبيني اكمل نومي 😡

وراحت تنام تاني لولا ارنبه اللي قرصتها في دراعها   فدحدوحه اتألمت: أه اه اه اه..

ارنبه بغيظ: يا بت بقولك ضهري اتقطم 😭نفسي تحسي زي باقي البشر ما بتحس  مره واحده بس من نفسي  قبل ما اموت  ..

دحدوحه وهي بتتاوب وقالت ببرود: موتي انتي بس وليكي عليا هفضل مشغله علي قناة الاحساس.. بس وحياة اللي ربط الجاموسه وفكك تسيبيني انام.. 😭