عشقت قاتله
البارت السابع
اجوي اخذوها واني شكرت الضابط وطلعت بس دايخ كلش وبالي مو صافي المهم وصلني حجي انو عم الي نقتل ناويلها نيه سودة فكلت لازم اطلعها حتى لو تنهزم لان هيا مظلومه ليش ديسجنوها المهم مرت اربع تيام اني مااعرف شي عنها تخبلت كلبي مثل النار انام اكعد بالي ب اذكر من نامت بغرفتي وللصبح اباوع عليه ومن رحت وجتي حضنتني وعرفت هيا تحسدويايه باامان وهيا ماعدها غيري شسوي شنو الحل والله والمهم اليوم بيت اهلي على الغدة داسولف بموضوعها
وامي بما انو هيا محاميه وخبرة صار جم سنه شرحتلي بعض الامور ولكن اني كضابط مااكدر اسويه لازم اجيبلها محامي والله وامي كلش تعاطفت ويا الموضوع قررت انو هيا تتولى زمام القضيه
وفعلا ورة كم يوم قدمت الاوراق الي تثبت انووهاي المتهمه بريئه قدمته لضابط التحقيق وكلتله ارفع عليكم قضايه
واكول دتتجنون ومدتحترمون القانون طبعا هذا الحجي ويا الضابط صفوان فد واحد هتلي بس جبان ميكدر بس على النسوان امي جرت بوشه خاف كلش ولان كلتله اني عندي اتصال باااهلها عشيرت فلان وهسه يكدرون يهجمون عليكم وياخذون بتهم فهو منا منا كام جابها كمل اوراقهاوطلعه ويا امي اخذتها جابتها للبيت لان هيا ماعدها شي هيجي خاليها يمهم بدون سبب يعني السالفه صارت كلمن اله وكل واحد كام يصرف على كيفه المهم كل هذا الحجي اني مااعرف بالدوام اجيت على الغدة دخلت للبيت اشوف صفيه كاعدة تخبلت كلبي فرفح وهيا اجتي ركض عليه بسرعه حضنتني ههههه صارت عدها عادة من اشوفني تحضني طبعا اني جنت اعرف انو هيا تحضني لان تحس بااالامان ولان اني الوحيد الي دافعت عنه بس اني من تحضني كلش ارتاح طبعا جانت غاسله ولابسه دشداشه من امي وخاله شال على راسه اخوت مجان مصرفله الوضع بس مكدر يحجي ابويه اعتيادي اما امي فهي جابته اهلي ناس نزيهين ميقبلون بالغلط
المهم ظلت اسبوع بيتنا والحمدلله صادف نزولي فاالي حق ابقه خمس تيام كلت رح اكضيها ويا صفيه طبعا هيا تستحي من اهلي بس تحجي ويايه ومن تريد شي طلبه مني وتخاف حتى تتحرك من مكانه بس بخلال هاي الجم يوم الي كضيتها وياها رحت لغير عالم بحيث طول ماهيا كاعدة اني اباوع عليه ومااشيل عيني من عليه
ماادري ليش حبيتها برغم ظروفها برغم وضعها الي موطبيعي بس سبحان الله من اول ماشفته عجبتني شخصيته اسلوبها يعني لو شايفها بغير ظروف وبوضع احسن جان هسه مزوجها بس هاي الدنيا كله ضدها صارت عمري متوقعت احب هيج انسانه وبهيج ظروف دائما جنت خال معاير مختلفه للبنيه الي اريد ازوجه
بس هسه كلشي تغير واني حبيت صفيه وجنت اريد احميه اجتي فكرت الزواج ابالي بس خفت من رد فعل اهلي بالذات انو اخوي متقبل وجودها فكرت انو اكول لاامي لان امي الوحيدة الي جات متفهمه للموضوع من البدايه وفعلا كتلها كالتلي ابني اني رح اكلك بعض الامور وانت فكر بيها المجتمع مرح يرحمكم وباجر عكبه رح يعيرون جهالك ورح يكلولهم انو امهم قاتله
وانت هل تكدر تتغلب على شعور الي بداخلك انت ضابط ومن ضمن المشاعر الي تتولد بداخل الضابط الشك وذلك بسبب الجرائم الي يشوفه بشكل يومي وانت ياابني بعد بكيفك هذا اختيارك بس فكر زين قبل متاخذ اي قرار
طبعا حجي امي دوخني ماعرفت شسوي بس اني مااكدر اعوف صفيه المهم اليوم خلصت الخمس تيام مالتي وهسه لازم اداوم وصفيه بعدها بيتنه قررت انو اروح ل ابوها احجي وياة وافهمه لان مااكدر ابقيها بيت اهلي اكثر رحت والله رحت على بيت اهلها حجيت وياابوها وفهمته على كل الامور كلي بس اني مااكدر بنتي كسرت عيني
وتريدني اجيبها وحتى اذا جبته بيت اعمامها يقتلوها
كتله بس ترة هيا مظلومه تريد اصير انت والزمن عليه ترة هيا هسه بيتي يم امي بس اني غريب عنها
وميصير تبقه يمي حسيت ابوها شويه لان كال زين خلي نسفرها برة العراق كتله عدها جواز كال اي عدها كتله زين اتفقنا نسفرها ل تركيا هيا وامها ورة يومين وديته لبيت اهلها بليل ولو مجنت مرتاح بس لان ثاني اليوم الصبح تطلع هيا وامها يرحون للمطار المهم سلمت عليهم وكتلهم باجر الصبح اجي اوديكم للمطار رجعت للبيت الليل كله مانمت ادكلب بالي يم صفيه وكلبي كلش ممرتاح
يتبع.........
اتمنى أن يعجبكم هاذه البارت أيضا
