عشقت قاتله
البارت العاشر
والاخير
ـ في داخلي انسان يطلب الهروب والكتمان وانسان اخر يطلب ان يتحرر من كل القيود ويطلب ان يطلق العنان لقلبه
فلاادري ايهما اصح ـ
طبعا الصبح كعدت من وكت انتظر شوكت اصير ساعه بالتسعه حتى اروح لان كلت علما اوصل صايرة بالعشرة حسيت صبري خلص بعد مااعندي صبر ردت اوصل ردت اطلع الي ضامه بكلبي صار خمس سنين
المهم بدلت وطلعت وصلت يم هذا المطعم بلاحرى مطعم متنقل المهم كعدت شويه وشفت صفيه اجتي تتمشه اجتي سلمت عليه وكالتلي يله نتمشى شويه كتله يله تمشينه وصلنه لكوفي شوب كتله اني تعبت تعاي نكعد هنا كالت اوكي دخلنه اول شي جان الحجي اعتيادي شلونك الوالدة شلونها كالتلي ماانسه وكفته والدك شلون صحته كتله الحمدلله كلنا زين كالت الحمدلله كالتلي شتريد تحجي ويايه امجد كتله سؤال هذا ابنج من منو باوعت عليه ضاجت عباله انو اني داقصد غيرشي رادت دكوم كلتلي شنو قصدك كتله والله موقصدي بس لمن اجيتيني بغداد اخر مرة مكلتي اني حامل كالت مجان اكو داعي اكلك شي شفته ميعنيك كتله اوكي ابن افلان كالت اي كتله الله يخلي الج كتله انتي ويامن اجيتي لتركيا كالت وحدي لمن مات رجلي جان عندي فلوس وبعد مااجيتك بيومين اجيت لتركيا وحاليا داشتغل بمعمل مال خياطه والحمدلله مستورة كتله الله يوفقج كتلهاانتي ليش دائما تهربين مني برغم انو القدر دائما يجمعنه كالت لامااهرب منك ولكن احنا بالاساس ماكو شي يجمعنه ابد كتلها لويش كالت انت تعرف لويش وتعرف ظروفي
كالتلي امجد انت شتريد من هذا الحجي كله سكتت وباوعت عليه كتلها اريدج انتي فتحت عينها كالت شتقصد اني كتلها اني احبج وصار خمس سنوات انتظرج وحبيتج من اول ماشفتج صحيح جان اكو صراع بداخلي بسبب عملي بسبب نظرت المجتمع الج بس همين رغم كل هذا حبيتج موبيدي رح اظل احبج فااترجاج لتبتعدين عني
بعد ظلت ساكته كالت اصدك اذا اكلك اني هم حبيتك ومحسيت بالامان الى وياك وجنت اخاف ابتعد عنك ودورات جنت اطمئن انك موجود اكول انت رح تحميني اكيد انت رح توكف بوجه اي شخص يتعرضلي بس اني مااافيدك عمرك مرح تنسى انك ضابط وانو اني قاتله مرح تكدر تتغلب على هذا الشي وثاني شي شغلك شلون رح اضحي بي رح تجي تعيش ويايه هنا اني مااكدر اعيش بالعراق لان جنت اشوف بوجه الناس نظرات استحقار جنت اسمع كلامهم عليه جنت اسمعهم يطعنون بشرفي فمااكدر ارجع هنا محد يعرفني وثاني شي انت متكدر تزوجني بالعراق شرح ادكول لااصدقائك الضباط ها
شو مجاوبتني امجد رح تكدر تكون اب لاابني صحيح احبك وتحبني بس تكدر اجازف بكلشي لخاطري ها
ظليت ساكت
كامت وكفت كالت اذا عندك استعداد اضحي علمودي اني اقبل اكون الك بس بالحلال يعني اصير مرتك فكر امجد
مع السلامه وراحت ظل كلامه يفتر براسي دخت بحجيها
مااعرف بس شنوالي صار بداخلي من مشاعر
طبعا لليل قررت اجازف بكلشي لخاطرها وقررت ازوجها مهما كان الثمن المهم تكون الي
وفعلا خابرت صديقي كتله اريدك ترتبلي اجازة مريضه لمدة شهر كلي احاول كتله فدوة معتمد عليك طبعا مافكرت لبعيد كلي الي رته انو ازوجه ورحتلها ثاني اليوم الصبح وكتله ان اريد ازوجج كالت هنا لازم نقدم ونروح ويوم محدد
بعدين كالت اكو وحدة ويايه تشتغل بلكي اساعدنه فعلا راحت عليها وخابرت المراة ومنا منا صار زواجنا ورة يومين اصدقائي رجعو بقيت اني خابرني صديقي كلي رتبتلك اجازة شهر ورة يومين ازوجنه طبعا الطفل ودته يم وحدة صديقته واول يوم دخلنه للبيت كمزوجين سديت الباب وحضنتها حسيت اعظامها تكسرت بين يدي وظليت ابوس بيها لان جنت متلهف على هاي اللحظه وبعدين عشت وياها بعالم ثاني ظلينا تقريبا اسبوعين كلش تونسنه نطلع ونسولف ونضحك حسيت نفسي ملكت كل الدنيا طبعا اهلي ميدرون ليش ظليت هالكد المهم انو اني جنت كلش مرتاح وياها
وحسيت عايش بدنيا ثاني ولكن اجاني اتصال من الشغل وكالولي لازم تجي اكو بعض القضايه الي انت المفروض ت من ضمن هاي القضايه كانت قضيه اغتصاب كانت قضيه واحد مغتصب اخت زوجته فلمن خلصت اتصالي سئلتني كعدت اسولفلها وكتلها على هاي القضيه مال اغتصاب بدون قصد كلت خطيه هاي شلون رح يتقبلها المجتمع هيا محجت شي كامت دسوي اكل المهم ورة يومين كلتلها اني رح اروح لبغداد وكم يوم وارجع ولو ميهلي كلبي اعوفج بس شسوي مضطر كلتلي اي اوكي بنفس اليوم الي داسافر بي طلعت كلت اجيب مسواك اشتري شغلات وارجع دخلت للشقه اصيح على صفيه ماكو جواب تقدمت شويه شفت ورقه على الميز مال طعام كاتبه
(اني اسفه بس احنا مرح نكدر نستمر انت اعترف بلسانك انو المجتمع مرح يكدر يتقبلها اكيد انت بداخلك ممتقبلني يجوز حبيتني بس تريد تاخذني وظمني حتى لحد يعرف بيك مزوجني لان اكيد رح يلوموك اني اعذرك بس مراح اكدر ابقه وياك هذا قدري وانو ادافع عن نفسي وصرت قاتله وحدة مغتصبه صرت وصمت عار اني مااكدر اكون انانيه مااريدك دمر حياتك لخاطري لان حسيت فجاءة انو اني دابني حلم مو من حقي وداريد اعيش سعاتي على حسابك وعلى حساب راحتك اسفه اريدك تعيش حياتك بعيد عني وهالمرة طلعني من بالك اترجاك عيش وزوج وخلي يصير عندك اطفال
امجد اني احبك هوايه انت احلى شي صار بحياتي واصدق شعور عشته خليني اعيش ويا مصيري احبك ويمكن كلمه احبك قليله ومتكدرتوصف الي بداخلي
عمري مرح انساك وطول مرح اصيح لاابني امجد معناته اني داصيحك الك احبك اتمنالك السعادة ) صفيه
مااعرف شنو الشعور الي صار عندي لكن اني هم رح اجاوبها اني هم محبيت غيرج ولارح احب بعدج
اني مزوجت مكدرت احب بعدها ومعرفت شي عنها خلصت قصتي بس مخلص المي وبعدة كلبي يدك لخاطرها
خلصت قصتنه احبائي انسانه دفعت ثمن غالي كان الثمن عمرها وسعادتها من اجل شخص حاول يسرق اغلى شي بحياته كل مراة من حقها ادافع عن شي تمتلكه اما اذا كان هذا الشي الشرف فلا كلام اذن
مع تحياتي لكم الله يحفظ جميع اخواتنه من كل شر
