عشقت قاتله
البارت السادس
كلت اتفضل دخل صديقي الضابط كلي ولك امجد كومها اجوي عليها هسه يشوفها بمكتبك عالسريع كومتها وسويت عود داحقق وياها وصديقي هم كعد اجه ضابط كلي المتهمه صفيه وينه كتله هيانه داكمل اوراقه لان كلي رح تخرج كلي تغيرت كل مجرى القضيه كتله شنو يعني كلي يعني اكو اشتباة واكو ادله جديدة انوهيا مستدرجته للبيت بااتفاق ويا واحد ثاني
كتله ماكو هيج شي كل التحقيقات تثبت انو هيا بريئه
كلي مو على كيفك وجان يكول يله اخذوها طبعا اخذوها لمكان رح يدمروها
مختصر الكلام هيا دافعت عن نفسها بس هما ميردوها تطلع لان عم المقتول ضابط جبير وهيا جانت هاي الفترة كلمن يتصرف على كيفه لاقانون ولاشي اظاهر عم المقتول سوة اتصالاته
المهم اخذوها وراحو واني كمت الوب شلون مشلون
شرح اسوي كتله لصديقي ضابط موفق كتله شلون كلي شبيك امجد اشو انت متهستر عليه هيا قضيه وعوفها كتله موفق مو هاي بريئه كلي بريئه شنو هاي قاتله وهاي مدام سوتها مرة عدها استعداد اسويها الف مرة كتله موفق يمعود هيا رادت تحمي نفسه كلي والله شمدريني اشو النسوان هسه مينحزرن وانت دشوف القضايه الي دتجينه بعد لوش هالكد مركز وياها يمعود عوفها كتله مااكدر اعوفها كلي امجد شنو حبيتها كتله لا بس كلي لابس ولا ابد مبين انت حبيتها امجد من شوكت تجمعنه علاقه بمتهمينه تعرف اذا حسو بيك يحيلوك مجلس تحقيقي فدوة طلعها من راس وزين لعد مدام راحت وخلصنه ظليت ساكت طلع موفق بس اني مهتميت لكلامه وردت اوصلها كمت خابرت واحد يشتغل بالمكان الي ودها اله كتله على السالفه كلي لدكلي هاي الحلوة الصغيرة كتله اي كلي هاي استلم ملفه ضابط صفوان وبعد راحت بالزلك وضحك كتله يمعود هاي البنيه اريدك ادير بالك عليها كلي والله امجد ماادري خلي اشوف المهم اليوم موعد نزولي للبيت طبعا مو مثل ممتعودين عليه لان جنت ساكت وبالي بغير مكان وجنت بغير دنيا عد امي كلتلي شنو بيك كتله على القضيه مال صفيه كالت وليش يسجنوها هذا دفاع عن النفس
كتله اي اعرف بس هما رادو يرتكبون عليها ويس المهم ثاني يوم خابرت صديقي الي يداوم بالمكان الي هسه اخذو صفيه بي كتله اريد اشوفه كلي خلي اشوف واردلك خبر كتله يله ورةنص ساعه كلي تعاي رحت بغرفته وسلام عليه ورة شويه جاب صفيه وهو كلي اني هسه شويه واجي اول مشافتني وجان تجي ركض عليه وحضنتني استغربت كالتلي عفيه اخذني يمك ترة اني هنا داختنك كتله مااكدر ولا جان مابقيتج جان دكول لعد شلون
كتلها هسه اشوفلج طريقه انتبهت على يدها زركه كتلها شبيها ايدج سكتت كتله ضربوج جان تهز براسه تخبلت دمي فار ردت احرك الدنيا بس هسه اذا اسوي شي اجني على نفسي وعليها فخليها لما اشوفلها حل
كتله صفيه احد اجه يميج كالت لا مااغتصبوني
ولو اشوف نظراتهم مو مريحه
كتلها تعرفين شسوي سوي نفسج مثل المخبله وخربطي شعرج حتى بعد ليتقربون عليج زين واذا واحد اجه يمج كوليله اني قتلت مرة وعندي استعداد اقتل مرة ثانيه وهيجي فتحي عيونج حاولي تخوفيهم زين كالت زين
ميخالف
يتبع.........
اتمنى عجبتكم القصه وراح انزل بقيه البارتات
