عشقت قاتله
البارت الثاني
فعلا طلبت من الشرطه انو يوكفون باب الغرفه وايضا ممنوع احد يدخل بس الدكاترة وحتى اهلها ممنوع صراحه خفت لايجون يقتلوها يعتبروها يغسلون عارهم
ورحت للبيت ورة اربع ساعات اتصل بيه الشرطي صباح كلي سيدي هذوله اجوي اهلها وكلبو المستشفى ويريدون ياخذوها كتله طلعوهم برة المستشفى واني هسه اجاي فعلا بسرعه لبست العسكري ورحت شفت الممرات مال المستشفى ملاينه زلم ومنهم معكلين اول مااجيت كلتلهم شنو السالفه هاي شنو واكفين هنا اتقدم عليه
واحد جبير بالعمر لابس عكال وعبايه كلي اني عم البنيه نريد ناخذها كتله شلون تاخذها كلي شلون ياخذون العالم
كتله اول شي البنيه مريضه وتحت المراقبه الشي الثاني متهمه بجريمه قتل يعني المفروض القانون ياخذ مجراة كلي بس حسب مكالت الممرضه هو مغتصبها كتله اي
وهيا قتلته كتله اي كال اذن هيا دافعت عن نفسها مو قتلته كتله اي كلي بعد شكو احنا عشاير المفروض نغسل عارنه خلينه ناخذها وفضت راحت ليش ادخل نفسك بمشاكل كتله تهددني كلي لا بس احنا عشاير قانونه يختلف
كتله قانونك على نفسك اني هنا ضابط تحقيق لاانت ولا ميه مثلك يهزون شعرايه من راسي بتكم متهمه حاليا ويله اخذ هذوله الي وياك واطلع عالسريع وكام يعيط ويصيح
وثبر الدنيا ويتهدد ويتوعد صحت عالشرطه كتلهم طلعو بسرعه وفعلا طلعو وانطيت اوامر مشددة انو محد من هذوله يدخل للمستشفى ولكن جان اكو شي ممخليني ارتاح خفت لهذوله هم يرجعون وهذوله عشاير وعددهم هوايه ومسلحين اكيد فقررت ابقه اليوم بالمستشفى وفعلا بقيت وظليت لثاني يوم الصبح اجه الدكتور تقريبا بالتسعه الصبح كلي المريضه كعدت وتكدر تحجي وياها ولكن متكدر اطلعها من المستشفى كتله ميخالف ممكن ادخللها كلي تفضل طبعا دخل ويايه الدكتور لمن دخلنه شفتها كاعدة ويمها الممرضه جانت دتعدل المخدات الي ورة ظهرها لمن دخلت رفعت راسها باوعت عليه كلت بكلبي ماشاءالله سبحان الخالقها
عيونها صفر كلش فاتحه وكبار ورموشها كلش اطوال وبيضه وشعرها اسود بلون الليل حلوة ماادري ليش حسيت جمالها غريب
المهم تقربت كعدت على الكرسي الي يمها عد شفتها خافت من وجودي وكلت هاي اذا رح اسئلها مرح اجاوب تقربت على الدكتور كتله دكتور اسئلها شنو الي صار شكد عمرها وين جانو اهلها وخليها ترتاح وياك بالحجي لان هيا خافت من وجودي بلكي وياك افضل تتجاوب
كلي اي ولايهمك عد رجعت كعدت بمكاني الدكتور كللها شنو اسمج باوعت عليه وجان ترجع تباوع على الدكتور كالت اسمي صفيه كال الدكتور عاشت الاسامي شكد عمرج جان دكله ١٧سنه طبعا شنو ظل شكد يله جاوب
على السؤال
المهم رد سئل الدكتور وين اهلج كالت اهلي سافرو يم بيت عمي وذكرت اسم محافظه وراد يسئل بعد بس هيا كالت اريد انام اني تعبانه فالدكتور كال يله براحتج نامي واشرلي وطلعنه من الغرفه فلمن طلعت الدكتور شرحلي كلي اول شي
نفسيتها تعبانه جدا وعدها الم بكل جسمها بسبب الكدمات وبسبب الضرب الي متعرضه اله وثاني شي بسبب الجريمه الي ارتكبتها هاي رح تولد عدها شعور الرهبه وذلك بسبب صغر سنها وعاشت هيجي تجربه هذا الشي ممكن يااثر عليها بشكل كبير فكلي ارجوك انو تتعامل بهداوة وياها هيا خلال يومين تكون جاهزة انو تطلع من المستشفى بس طول ماهيا بداخل المستشفى اتركه
يتبع..............
اتمنى ان هاذه البارت يعجبكم ايضا
