عشقت قاتله
البارت الثالت
كتله اوكي دكتور اني رح انتظرها وفعلا بقت يومين بالمستشفى طبعا لخصوصيه الاشخاص الي بالقصه اكو بعض الاماكن والامور رح احاول اتحفظ عليها وبعض الاسماء ايضا
بدايه القضيه والتقرير الطبي الي تقدم بحالت المتهمه والي يثبت انو هي تعرضت للاعتداء فهي من البدايه رح تعتبر قضيه دفاع عن النفس
وبعدها اخذتها لمكان ما وذلك اتمام التحقيق
اول شي مقبلت تحجي ولكن بعدين كتلها اترجاج اتكلمي حتى احاول اساعدج لان صراحه هاي البنيه كلش جذبتني لان شكلها اسلوبها مال وحدة كلشي متعرف
ولكن جذبتني ايضا قوتها عجيبه هاي البنيه قويه
وبدايه مدا اسئل و اجه ضابط رعد طبعا بعض اساليب التحقيق الوحشيه الي يتعاملون بيها الضباط حتى ويا المراة وهاي الاساليب اني ارفضه بشكل قاطع ومااتعمل بيها فلمن اجه ضابط رعد كللها ليش هيجي سويتي وضربها راجدي
اني بهل الاثناء كمت وخرت ضابط رعد بعيد انما الي حجته هيا جان بااعتبارة صدمه النا كالت للضابط شرفي وانت اذاما عندك شرف مرح تحس بحيث يمكن مضت عشر دقايق عن كلامها كان الصمت سيد الموقف
طبعا طلبت من الضابط رعد يطلع وكعدت على الكرسي مالتي صراحه استغربت اجه بالي انووهيا فعلا قاتله لان اسلوبها كلامها قوت شخصيتها مومال وحدة بهل االعمر
وتتكلم وتتصرف بهاي الطريقه
فكرت انو يجوز هيا مستدرجته لبيتها وبمساعدت احد قاتلته يجوز اكو بينهم فلوس يجوز بينهم علاقه ويريد يفضحها
زين لو تريد تقتله حتى اضم شي ليش منهزمت بعد مقتلته
وهيا بالحالتين ميته رح تعتبر حتى اذا احنا بريناها
اهلها رح يكتلوها فهي لو بمستواة الذكاء الي دتحاول تبينا
جان ماخلت نفسها جوة مطرقه بس ليش دتتعامل بهاي
الطريقه معقوله من الصدمه شغلتي ك ضابط تحقيق
ادور على اي اثر بسيط اي كلمه اي تصرف وبهذا اربط خيوط القضيه ولكن ك قضيت صفيه قضيه تحمل غموض وايضا داحس بيها مشاكل من اهلها من اهل الولد الي انقتل وطلع عمه مسؤل صراحه فكرت انو احيل لقضيه لغير ضابط ولكن مع احترامي لزملاء عملي ولكن بعضهم لايتحلى بالنزاهه وممكن صفيه تروح ضحيه وهيا بيد القانون وايضا لان اني انسان مو متخاذل وعمري ماخفت فقررت انو ملف صفيه يهمني وايضا لان هيا ك شخصيه جذبتني جدا
التحقيق
شنو اسمك كالت اسمي صفيه عمري ١٧سنه هيا من عائله متكونه من ام واخت واخ واب شنو عمل والدج كالت
عندة محل مال اثاث وامج كالت ربت بيت واختج مزوجه كالت نعم واخوج كالت مسافر للخارج كتلها يعني انتي الوحيدة الي بالبيت وياااهلج كالت اي نعم
كتلها حالتكم الماديه كالت جيدة
وفعلا كان مظهر البيت يدل على ناس مقتدرين
كتلها طالبه لمدرسه كالت اداوم خامس اعدادي وباااحد المدارس وانطتني اسم المدرسه كالت اني من المتفوقات
كتلها اهلج وين جانو اثناء وقوع الجريمه
كالت عمي قبل بيوم خابر ابويه علمود اقرايت الفاتحه مال بته وعمي كاعد بمحافظه وابويه قرر يروح هو وامي وكالو احنا نروح واختج تجيج تبقى يمج لحد منجي وفعلا راحو واني بقيت
كتلها ليش مرحتى وياهم كالت جان عندي امتحان رياضيات
واني ماهلكد احب بيت عمي فكلت علويش رايحه وكلت اكعد اقرا احسن
كتله هسه سولفيلي على الي صار كتله رامي الي هو المقتول شيصر منج كالت ابن بت عم امي كتلها زين هو شايفج من قبل جان دكول اي وكتله يجي لبيتكم كالت اي يجي
كتله لويش يجي كالت دورات امه تجي يمنه ودورات هو يجي يكول لاابويه انت ماعندك ولد محتاج شي ممحتاج كتلها ها زين بيوم الي اهلج سافرو شلون عرف انو انتي وحدج بالبيت واجه كالت مو ابويه سيارته عاطله وخابر على رامي لان رامي جان يعرف سايق دائما من يسافر ابويه او احد من اهل ابويه هو يوديهم ويجيبهم فاابويه كله خلي يجينه السايق دنسافر وبيوم الي طلعو الصبح هو جان موجود حتى من اهلي صعدو بالسيارة قبل مداسد الباب اجه رامي كلي محتاجه شي تريدين شي
كتله لااشكرك وسديت الباب ودخلت كتلها انتو مابينكم شي كلتلي لا اصلا اني من قبل ماارتاحله ومن يجي لبيت. اهلي اظل بغرفتي كتله فدسؤال انتي شلون بت شيوخ مثل ماكال عمج وداحس من طريقه كلامج انو انتو عائله منفتحه كالت اي صحيح بس مو منفتحه جدا
بس ابويه ماعدة اخوته جان مستواة بالدراسه زين فدرس كليه بغداد وتعرف على امي بالكليه وزوجها وبعدها مرجع لااهلها عاش بغداد لهذا السبب هو مومثل اهله
كتلها زين شنو تتوقعين ردت فعله عن الي صار كالت ماادري
طبعا اني ك ضابط تحقيق ماااستجوب المتهم بنفس الوقت يعني اخذ جزء من كلامه وبعدين ارجع استجوبه مرة ثانيه واسئله اسئله ملتويه وذلك من خلال الارباك الي رح يصير عندالمتهم رح اعرف هذا المتهم ديكذب ولا لا
صفيه حسيتها ذكيه فااستجوبته وكتله باجر نكمل طبعا صراحه خفت عليها مو مال تختلط بسجينات وللاسف ايضا بعض الضباط غير امينين هيج بنيه بهذا الجمال ممكن تدمر ولان لحد الان منعرف اذا كانت هيا قاتله اوكانت الجريمه دفاع عن النفس والعرض لهذا السبب خليته بغرفه وحدها وقريبه عليه وكل شويه اروح عليها وطبعا خليت لحد العصر اجاني ضابط رتبته اعلى من رتبتي اجه يعيط ويصيح ويتحلف ويريد المتهمه ويكلي اذا ماخليتها بالسجن وماحبستوها اني اكلب الدنيا كتله على كيفك سيدي شنو الموضوع كلي شوف اكلك انت ضابط تحقيق بيدك تغير مجرة القضيه كلها تكدر تخليها بالسجن وتسويها جريمه قتل متعمد مو قتل دفاع عن النفس كتله وليش اسوي هيجي شي كلي لان القتلته يصير ابن اخويه
يتبع............
